Ibraniŋke'en 11:36 - Fulfulde Bible

³⁶ Woɗɓe njancaama, ɓoccaama, woɗɓe boo kaɓɓaama, cakkinaama nder fursina,

Fulfulde DC Bible

³⁶ Woɗɓe njancaama, ɓoccaama, woɗɓe boo kaɓɓaama, cakkinaama nder fursina,

Ibraniŋke'en 11:36 Iomraidhean Croise

Laataanooji 39:20

O naŋngi Yusufu, o nastini mo nder fursina haa nokkuure nde ɓe maɓɓata haɓɓaaɓe laamiiɗo. Yusufu jooɗi ton.

1 Laamiiɓe 22:24

Ammaa Sedekiya ɓii Kenana ɓaditi, maari Mikaya, wi'i: “Noy Ruuhu Jawmiraawo acciri yam haa wolwane an?”

1 Laamiiɓe 22:27

Yeccu ɓe, ndaa nii laamiiɗo wi'i: “Nastine gorko oo nder suudu fursina, ndokke mo nyaamdu e ndiyam tan, sey to mi warti jam.”

2 Laamiiɓe 2:23

Elisa ummi Yeriko, o ɗon yaha Baytila. Haa laawol, ɓikkoy ngorkoy ngurti berniwol, ɗon njanca mo. Koy mbi'i: “Dillu ɗo, pello! Dillu ɗo pello!”

2 Habaruuji Nyalaaɗe 16:10

Asa tikkani gi'oowo go, haɓɓi mo nder suudu bee callallu, ngam bolle ɗe'e tikkini mo. Saa'i man Asa toonyi yimɓe woɗɓe boo.

2 Habaruuji Nyalaaɗe 18:26

Ngecce ɓe: Ndaa nii laamiiɗo wi'i: Nastine gorko oo nder suudu fursina, ndokke mo nyaamdu e ndiyam tan, sey to mi lorti jam.”

2 Habaruuji Nyalaaɗe 30:10

Yaawɗotooɓe go njehi haa gure fuu nder lesdi Efrayim e Manassa, koo nder lesdi Zabulon boo. Ammaa yimɓe njali ɓe, njanci ɓe.

2 Habaruuji Nyalaaɗe 36:16

Ammaa ɓe njanci nelaaɓe Allah, ɓe njawi bolle maako, ɓe njali annabi'en maako haa tikkere Jawmiraawo ummi dow yimɓe mum, haa joonde nde'e wo'tataake.

Yeremiya 20:2

O fiyi annabi Yeremiya, o haɓɓi mo dow tiggirgal haa dammugal Benyamin ɓaŋgiiŋgal haa haykaliiru Jawmiraawo.

Yeremiya 20:7

Yeremiya wi'i: “Yaa Jawmiraawo, a ƴoyri yam, min boo mi jaɓi ƴoyreego! A ɓuri yam semmbe, a jaali yam. Koo moy fuu ɗon jancammi, yimɓe ɗon njala yam.

Yeremiya 29:26

Jawmiraawo darni ma a limanjo haa pellel Yoyada limanjo, a hooreejo haa haykaliiru Jawmiraawo haa a naŋnga yinnaaɓe wi'anɓe ɓe annabi'en, a haɓɓa ɓe bee callalluuji e bee njamndi taarotoondi daaɗe maɓɓe.

Yeremiya 32:8

Ɗum laati bana Jawmiraawo wi'no. Hananiyel, ɓii bappa am wari haa daldal saare laamiiɗo go, wi'i yam: Soodu ngesa am haa Anatot nder lesdi Benyamin, ngam a woodi laawol soottugo ka. Soodu ka ngam hoore maaɗa. Nden mi annditi ɗum wolde Jawmiraawo.

Yeremiya 36:6

Sey a yaha, an. Nyannde suumaye, to yimɓe mooɓtake ton, jaŋngu deftere nde'e, haa ɓe nana ko Jawmiraawo wi'i yam, ko mi jaŋngani ma, an boo a winndi ɗum. Jaŋngu nde boo haa noppi Yahuudu'en warɓe diga gure muuɗum'en.

Yeremiya 38:28

Yeremiya boo jooɗi haa daldal saare laamiiɗo haa aynooɓe aynata haa nyalaade Kaldiya'en nyaami Urusaliima.

Yeremiya 39:15

Saa'i Yeremiya ɗonno haɓɓi haa daldal saare laamiiɗo haa aynooɓe aynata, Jawmiraawo wolwani mo, wi'i:

Daniyel 11:33

Marɓe faamu, wonɓe caka ummaatoore paamtinan ɗuuɗɓe. Wakkati seɗɗa woɗɓe maɓɓe ɓe mbareteeɓe bee kaafahi malla bee yiite, woɗɓe ɓe ndaheteeɓe, woɗɓe boo ɓe njaɓtan kuuje maɓɓe.

Matta 20:19

Kamɓe ɓe ndokkan mo haa juuɗe heefeerɓe, ɓe njancan mo, ɓe ɓoccan mo, ɓe ɓilan mo dow leggal gaafaaŋgal. Ammaa nyalaade tataɓre, o ummititto diga maayde.”

Matta 21:35

Remooɓe naŋngi nelaaɓe maako, ɓe ɓocci gooto, ɓe mbari gooto, tataɓo boo ɓe piɗi mo bee kaa'e.

Matta 23:34

Ngam maajum mi ɗon nela, min bee hoore am, annabi'en e hikma'en e moodiɓɓe haa mooɗon. On mbaran woɗɓe, on ɓilan woɗɓe dow leggal gaafaaŋgal, woɗɓe boo on ɓoccan ɓe nder cuuɗi dewal mooɗon, on taasnan ɓe diga berniwol ngo'ol haa ngola.

Matta 27:26

Nden Pilaatu yoofani ɓe Barabbas, o umri ɓe, ɓe ɓocci Yeesu, o hokki mo haa juuɗe maɓɓe ngam haa ɓe ɓila mo haa leggal gaafaaŋgal.

Markus 10:34

Kamɓe boo ɓe njancan mo, ɓe tuutan mo tuuɗe, ɓe ɓoccan mo, ɓe mbaran mo. Ammaa ɓaawo nyalɗe tati o ummititto diga maayde.”

Luka 18:32

Ngam ɓe ndokkan mo haa juuɗe heefeerɓe, ɓe njancan mo, ɓe torran mo, ɓe tuutan tuuɗe dow maako,

Luka 23:11

Hirudus e sooje'en muuɗum njanci mo e ɓe njawi mo. Ɓe ɓorni mo mojaare ɗelkannde, ɓe lorni mo haa Pilaatu.

Luka 23:36

Sooje'en boo njanci mo, ɓe ɓaditi mo, ɓe ndokki mo lammuɗam,

Kuuɗe Nelaaɓe 21:33

Nden ardiiɗo dow sooje'en ujineere go ɓaditi Pol, naŋngi mo, umri ɓe kaɓɓa mo bee callalluuji ɗiɗi. Nden o ƴami: “Ɗum moye? Ɗume o waɗi?”

Kuuɗe Nelaaɓe 24:27

Ɓaawo duuɓi ɗiɗi, Porkiyus Festus laami haa pellel Felikus. Ammaa Felikus yoofaay Pol ngam o yiɗi seynugo Yahuudu'en.

Kuuɗe Nelaaɓe 4:3

Ɓe naŋngi ɓe, ɓe maɓɓi ɓe haa suudu fursina haa fajiri, ngam hiiri.

Kuuɗe Nelaaɓe 5:18

ɓe naŋngi ɓe, ɓe nastini ɓe fursina.

Kuuɗe Nelaaɓe 5:40

Ɓe ewniti nelaaɓe, ɓe piyi ɓe, ɓe kaɗi ɓe wolwugo bee innde Yeesu. Nden ɓe njoofi ɓe.

Kuuɗe Nelaaɓe 8:3

Ammaa Sol ɗaɓɓi nattingo jama'aare nuɗɗinɓe. O yehi haa ci'e, o naŋngi nuɗɗinɓe worɓe e rewɓe, o nastini ɓe nder fursina.

Efesu'en 3:1

Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 2:9

Ngam daliila Linjiila ka'a mi ɗon munyana bone, koo jonta boo mi kaɓɓaaɗo bee callallu bana kalluɗo. Ammaa wolde Allah kam haɓɓaaka.

Ibraniŋke'en 10:34

On njurmini haɓɓaaɓe nder fursina. Nde ɓe njaɓti on jawdi, on munyi asar man, on accaay seyaago, ngam on anndi luttani on kuuje ɓurɗe wooɗugo, ɗe timmataa.

Wahayu Yuhanna 2:10

Taa hul torraaji ɗi a tammi torreego! Ndaa, Sayɗaanu jarriboto on bee nastingo woɗɓe mooɗon nder fursina. On torroto balɗe sappo. Jogita nuɗɗinki ma haa yotto maayde, nden kam mi warjoto ma woronnde ngeendam.

Alkaali'en 16:25

Nde ɓerɗe maɓɓe ɗon ceyi, ɓe mbi'i: “Ngurtine Samson haa min pijira mo!” Ɓe ngurtini Samson nder fursina, ɓe pijiri mo. Nden ɓe ndarni mo caka daŋraŋge suudu, Daagon,