Ibraniŋke'en 10:34 - Fulfulde Bible

³⁴ On njurmini haɓɓaaɓe nder fursina. Nde ɓe njaɓti on jawdi, on munyi asar man, on accaay seyaago, ngam on anndi luttani on kuuje ɓurɗe wooɗugo, ɗe timmataa.

Fulfulde DC Bible

³⁴ On njurmini haɓɓaaɓe nder fursina. Nde ɓe njaɓti on jawdi, on munyi asar man, on accaay seyaago, ngam on anndi luttani on kuuje ɓurɗe wooɗugo, ɗe timmataa.

Ibraniŋke'en 10:34 Iomraidhean Croise

Gaazoowo 3:6

saa'iire ngam ɗaɓɓugo e saa'iire ngam majjingo, saa'iire ngam jogaago e saa'iire ngam wudingo,

Matta 19:21

Yeesu wi'i mo: “To a yiɗi laataago timmuɗo, yah, soorru ko marɗa, hokku ɗum talaka'en, nden kam a heɓoyan ndesaari haa asama. Nden war tokkam.”

Luka 10:42

Huunde woore tan wonete haandunde. Mariyama suɓi geɗal booɗŋgal, ngal hoosataake haa maako.”

Luka 12:33

Coorre ko marɗon, caahe ɗum talaka'en, mbaɗane ko'e mooɗon boorooji sigaago ceede ɗi mbonnataako e jawdi ndi re'ataa haa asama: Haa ton gujjo ɓadataako, gilɗi boo mbonnataa ɗum.

Luka 9:25

Ɗume ɗum nafata goɗɗo to o heɓi duniyaaru fuu ammaa o majjini yoŋki maako malla o halki hoore maako?

Kuuɗe Nelaaɓe 21:33

Nden ardiiɗo dow sooje'en ujineere go ɓaditi Pol, naŋngi mo, umri ɓe kaɓɓa mo bee callalluuji ɗiɗi. Nden o ƴami: “Ɗum moye? Ɗume o waɗi?”

Kuuɗe Nelaaɓe 28:20

Ngam maajum mi ewni on haa mi yi'a on, mi wolwana on boo. Ngam daliila tammunde Isra'iila mi ɗon nder callalluwol ngo'ol.”

Kuuɗe Nelaaɓe 5:41

Nelaaɓe ummi caka dawrooɓe, ngurti, ndilli. Ɓe seyiiɓe masin ngam Allah heyni ɓe torreego ngam daliila innde Yeesu.

2 Korintu'en 5:1

Min anndi, to cuuɗi meeɗen jontaaji ɗi'i, waato ɓalli lesdiiji ɗi'i ngibbinaama, cuuɗi feere ɗon ngam meeɗen haa asama. Allah bee hoore muuɗum waɗi ɗi, ɗi nduumoto haa foroy.

Efesu'en 3:1

Ngam man min Pol, kaɓɓaaɗo daliila Almasiihu Yeesu ngam mooɗon, onon yimɓe ummaatooje goɗɗe …

Efesu'en 4:1

Mi ɗon wasa on, min, kaɓɓaaɗo ngam daliila Jawmiraawo: Ngeeɗe fodde ko fottanta ewnaandu ndu Allah ewnori on.

Efesu'en 6:20

Koo mi kaɓɓaaɗo nder fursina jonta, mi wakiiliijo Linjiila. Ndo'aneeɗam haa mi waazina ka bee dartaare bana no ɗum haandani yam.

Filippi'en 1:7

Ɗum pottuɗum mi ɗon numana on bana nii, ngam mi yiɗi on masin. On fuu on kawti bee am nder kuugal ngal Allah mo'ani yam saa'i mi kaɓɓaaɗo nder fursina, saa'i mi seedani Linjiila yeeso kiita e mi tabitini ka.

Kolossi'en 1:5

daliila tammunde nde Allah resani on haa asamanji anndinaande on diga naane bee Linjiila, kubaruwol gooŋga.

1 Timote 6:19

Bana nii ɓe cigoranto ko'e maɓɓe ndesaari mboondi, ngam garanɗum, haa ɓe keɓa ngeendam gooŋgaajam fakat.

2 Timote 1:16

Jawmiraawo hinno saare Onesiforus, ngam o suusɗini yam nde ɗuuɗɗum. O semtiraay yam, koo nde mi kaɓɓaaɗo nder fursina.

2 Timote 2:9

Ngam daliila Linjiila ka'a mi ɗon munyana bone, koo jonta boo mi kaɓɓaaɗo bee callallu bana kalluɗo. Ammaa wolde Allah kam haɓɓaaka.

2 Timote 4:8

Jonta keɓal daɗki ɗon reenammi. Jawmiraawo, kiitoowo adiliijo hokkatam woronnde adilaaku nyalaade darŋgal, naa haa am tan, ammaa haa yenwanɓe baŋguki maako fuu.

Ibraniŋke'en 11:16

Ammaa fakat ɓe ngenwi lesdi ɓurdundi wooɗugo, waato asama. Ngam maajum Allah semtiraay ewneego Allah maɓɓe, ngam o taaskani ɓe berniwol.

Ibraniŋke'en 13:14

Ngam en ngalaa joonde tabitnde haa duniyaaru ndu'u, en ɗon ndeena joonde warannde.

Ibraniŋke'en 13:3

Ciftore haɓɓaaɓe nder fursina bana to on kaɓɓaaɓe hawtaade bee maɓɓe. Ciftore toonyaaɓe, bana to on toonyaaɓe hawtaade bee maɓɓe.

Ibraniŋke'en 9:15

Ngam maajum Almasiihu woni hakkunndeejo Allah bee yimɓe nder alkawal kesal. O maayi ngam soottugo yimɓe diga aybeeji ɗi ɓe mbaɗno yaake ɓe ɗonno nder alkawal aranal, ngam haa ewnaaɓe Allah njaɓa ndonŋgu nduumiiŋgu ngu Allah iinani ɓe.

Yaakuba 1:2

Deerɗiraaɓe am, ceye masin nde jarribooje feere feere keɓi on fuu.

1 Piyer 1:4

En ɗon tammo heɓugo ndonŋgu ngu o sigani yimɓe maako haa asama. Ngu nyolataa, ngu wonnataako, ngu ustataako boo.

1 Yuhanna 3:2

Yiɗaaɓe am, jonta en laatake ɓikkoy Allah. Ko en tammi laataago waŋgaay tawon. Ammaa en anndi to Almasiihu waŋgi, en nanndan bee maako, ngam en ngi'an mo bana no o wa'i.