Ibraniŋke'en 10:29 - Fulfulde Bible

²⁹ Sakkomaa to goɗɗo yawake Ɓiɗɗo Allah, to o laari ƴiiƴam alkawal Allah ɗam laɓɓini mo bana huunde meere, to o huɗi Ruuhu mo'ere! Fakat, o heɓan kiita ɓurka hallugo.

Fulfulde DC Bible

²⁹ Sakkomaa to goɗɗo yawake Ɓiɗɗo Allah, to o laari ƴiiƴam alkawal Allah ɗam laɓɓini mo bana huunde meere, to o huɗi Ruuhu mo'ere! Fakat, o heɓan kiita ɓurka hallugo.

Ibraniŋke'en 10:29 Iomraidhean Croise

2 Laamiiɓe 9:33

O wi'i: “Njippine mo.” Ɓe ndo'i mo, ƴiiƴam maako wicci haa mahol e dow pucci, Yeehu yaaɓi mo.

Jabuura 143:10

An woni Allah am, ekkitinam waɗugo muuyo ma, Ruuhu ma woonanammi, ɗowammi dow laawol darnuŋgol!

Jabuura 91:13

A yaaɓan dow barooɗe e poosokje, a damman barooɗe cemmbiɗɗe e kuuje kulniiɗe nder mbeela.

Gurtaaki 24:8

Nden Muusa hoo'i ƴiiƴam nder taasaaje go, wicci ɗam dow Isra'iila'en, o wi'i: “Ƴiiƴam ɗa'am ɗon tabitina alkawal ngal Jawmiraawo haɓɓi bee mooɗon fodde umrooje ɗe'e fuu.”

Esaaya 14:19

Ammaa an, a wudinaama bana lisal nyidduŋgal, daayiiɗum bee yenaande. A cuddaaɗo bee mbaraaɓe, bee yuwaaɓe kaafahi, wudinaaɓe dow kaa'e nder ngaska, bana caaɗŋgu ngu yimɓe njaaɓi.

Esaaya 28:3

Ɓe njaaɓan berniwol nannduŋgol bee meetaleewol, ngol wuykooɓe mantori.

Esaaya 63:10

Ammaa kamɓe ɓe tuurtani mo, ɓe mettini Ruuhu maako Ceniiɗo. Ngam maajum o wayli, o laati konneejo maɓɓe, o honi ɓe bee hoore maako.

Yeremiya 1:5

“Hiddeko mi waɗe nder reedu daada ma, mi anndi ma. Hiddeko a danye, mi seni ma, mi darni ma a annabiijo ngam ummaatooje.”

Gimi Boyki 1:15

Jawmiraawo wudini honooɓe semmbiɗɓe wonɓe nder am fuu. O neli jama'aare konu dow am, nde nama suka'en am. O ɓiɗɗi yam bana inabooje nder ɓiɗɗirde.

Ezekiyel 16:6

Mi saali, mi yi'i ma a ɗonno waali nder ƴiiƴam ma, a ɗonno dimmbo. Mi wi'i ma: A yeeɗa! Saa'i a ɗon dimmbo nder ƴiiƴam ma, mi wi'i ma: A yeeɗa!

Daniyel 8:13

Nden nanmi malaa'ikaajo ɗon wolwa. Malaa'ikaajo feere ƴami mo: “Haa ndey kuuje gi'aaɗe nder wahayu timmata? Haa ndey tuurtol nattinoowol duurata e kirseteeɗi nyalaade nyalaade mbilete? Ndey ɓe accata dammugo mooɓre konu asama e nokkuure seniinde?”

Mika 7:10

Konneejo am yi'an ɗum, semtan, kaŋko bi'nooɗo yam: “Toy Jawmiraawo Allah maaɗa?” Gite am ndaaran konneejo am, saa'i ɓe njaaɓata mo bana ɓe njaaɓirta loope dow laawol.

Zekariya 12:10

Ammaa dow saare Daawuda e jooɗiiɓe nder Urusaliima mbaannjanmi ruuhu mbooɗeeŋga e do'a. Ɓe tijjoto yam ngam daliila am, min mo ɓe njuwi. Ɓe mboyatam bana no ɓe mboyrata ɓiɗɗo bajjo. Ɓe mboyatam masin, bana goɗɗo woyrata to afo mum maayi.

Matta 26:28

ngam ɗum ƴiiƴam am, ndufaaɗam ngam yaafuye hakkeeji yimɓe ɗuuɗɓe, bee maajam Allah tabitiniri alkawal muuɗum.

Matta 7:6

Taa ndokke dawaaɗi huunde seniinde, ngam taa ɗi loro dow mooɗon, ɗi ceeka on. Taa cakkinane gaduuji luuluuje mon, ngam taa ɗi ndamma ɗe bee kosɗe maaji.”

Markus 7:2

Ɓe ngi'i woɗɓe caka pukara'en maako ɗon nyaama bee juuɗe coɓɗe, waato ɓe lootaay ɗe fodde al'aada Farisa'en.

Luka 12:10

Koo moy wolwi kalluka dow Ɓii-neɗɗo, heɓan yaafuye. Ammaa mo wolwi kalluka dow Ruuhu Ceniiɗo, o yaafataake sam.

Yuhanna 10:36

Ammaa min, cenaaɗo Baabiraawo, nelaaɗo nder duniyaaru, on mbi'i: A ɗon wolwa kalluka dow Allah, ngam mi wi'i mi Ɓiɗɗo Allah?

Yuhanna 17:19

Mi lii'ani ma yoŋki am ngam maɓɓe, ngam haa ɓe laato lii'anaaɓe ma daliila gooŋga.

Kuuɗe Nelaaɓe 7:51

Onon saata-ko'e'en, on nanataa haala Allah sam! On cali nanango Ruuhu Ceniiɗo bana kaakiraaɓe mon!

Roma'en 16:20

Allah dokkoowo en jam, hokkan on jaalorgal timmuŋgal dow Sayɗaanu, on ndamman mo les kosɗe mon. Mo'ere Jawmiraawo men Yeesu Almasiihu wonda bee mooɗon fuu.

1 Korintu'en 11:27

Ngam maajum mo nyaami tamseere e mo yari nder jardugel Jawmiraawo bilaa samɗingo ɗum, o waɗi aybe dow ɓanndu e ƴiiƴam Jawmiraawo.

1 Korintu'en 11:29

Ngam to goɗɗo nyaami tamseere, yari nder jardugel bilaa senndindirgo ɓanndu Jawmiraawo bee nyaamduuji goɗɗi, o fooɗani hoore maako kiita.

1 Korintu'en 15:25

Ngam doole Almasiihu laamo haa to o wallini konne'en maako fuu les kosɗe maako.

1 Korintu'en 15:27

Ngam deftere wi'i: “Allah wallini koo ɗume fuu les kosɗe maako.” To Almasiihu wi'i: “Koo ɗume fuu wallinaama les kosɗe mum”, ɗum yiɗi wi'go Allah ballinɗo kuuje fuu les maako limaaka.

1 Korintu'en 6:11

Bana non woɗɓe mooɗon laatino naane. Ammaa jonta hakkeeji mooɗon lootaama, on cenaama, on adilinaama bee innde Jawmiraawo meeɗen Yeesu Almasiihu e Ruuhu Allah meeɗen.

Efesu'en 4:30

Taa mettine Ruuhu Ceniiɗo, ngam bee maako Allah waɗani on lammba maral muuɗum, haa o sootto on nder nyalaade coottuki.

Efesu'en 5:26

haa o sena nde, o laɓɓina nde bee ngiiwam wolde maako,

Ibraniŋke'en 10:10

Yeesu waɗi muuyo Allah, ngam maajum en laɓɓinaama diga hakkeeji ngam Yeesu Almasiihu lii'ani Allah ɓanndu mum, o waɗi nde woore, ɗum he'i haa foroy.

Ibraniŋke'en 12:25

Kakkile, taa cale nanugo bolwanɗo jonta. Saliiɓe nanugo bolwuɗo haala Allah haa duniyaaru ngam reentingo ɓe, kisaay. Kadi noy enen en mbaawrata hisugo to en calake bolwanɗo diga asama!

Ibraniŋke'en 13:20

Allah jawmu salaaman ummitini Jawmiraawo meeɗen Yeesu diga maayde – kaŋko o laati gaynaako baali mawɗo, o tabitini alkawal duumiiŋgal bee ƴiiƴam maako –

Ibraniŋke'en 2:11

Ngam mo senata yimɓe e ɓe o senata, ɓe fuu ɓe ngoodi Baabiraawo gooto. Ngam maajum o semtaay ewnaago ɓe deerɗiraaɓe maako.

Ibraniŋke'en 2:3

Kadi bana noy en kisrata to en ɗon ngeebi kisndam mawɗam ɗa'am? Jawmiraawo bee hoore muuɗum aarti anndingo en kisndam ɗa'am, nden nanɓe mo tabitinani en ɗam.

Ibraniŋke'en 4:14

Nde en ngoodi hooreejo liman'en mawɗo, Yeesu, Ɓiɗɗo Allah, mo yotti haa joonde Allah fakat, nden kam sey en njoga nuɗɗinki ki en ceedoto.

Ibraniŋke'en 6:4

To yimɓe ɓe meeɗi jooɗaago nder annoora Allah, metti dokkal iwŋgal diga asama, njaɓi Ruuhu Ceniiɗo, metti belɗum wolde Allah e baawɗe ɗe zamanuuru waranndu, nden ɓe lori ɓaawo, caɗɗum goɗɗo wartira ɓe haa ɓe tuuba fahin. Ngam kamɓe bee ko'e maɓɓe ɓe ɗon ɓila Ɓiɗɗo Allah haa leggal gaafaaŋgal fahin e ɓe ɗon lasbina mo yeeso yimɓe fuu.

Ibraniŋke'en 9:13

Ƴiiƴam jawɗi be'i e ga'i e ndoondi wiige mbiccaama dow yimɓe soɓɓe, seni ɓe haa laɓɓini ɓalli maɓɓe,

Ibraniŋke'en 9:20

O wi'i: “Ƴiiƴam ɗa'am ɗon tabitina alkawal ngal Allah umri on ɗowtanaago.”

Wahayu Yuhanna 1:5

e diga Yeesu Almasiihu, ceedoowo gooŋgaajo, ummitinaaɗo arano nder maayɓe, mawɗo laamlaamɓe duniyaaru boo. Kaŋko o yiɗi en. O rimɗini en diga hakkeeji meeɗen bee ƴiiƴam maako,