Ibraniŋke'en 10:23 - Fulfulde Bible

²³ Sey en ceedo tammunde nde'e yeeso yimɓe fuu bilaa tampere, ngam Allah o koolniiɗo, o waɗan ko o iini.

Fulfulde DC Bible

²³ Sey en ceedo tammunde nde'e yeeso yimɓe fuu bilaa tampere, ngam Allah o koolniiɗo, o waɗan ko o iini.

Ibraniŋke'en 10:23 Iomraidhean Croise

Jabuura 26:1

Yimre Daawuda. Gooŋɗinam, yaa Jawmiraawo, ngam mi laaɓɗo, mi hooli Jawmiraawo, mi dimmbataako sam!

Gimi Boyki 3:23

nde weeti fuu hinnuye maako hesɗitan, gooŋgaaku maako ɗon tabiti.

1 Korintu'en 1:9

Allah o koolniiɗo, kaŋko ewni on haa kawton bee Ɓiɗɗo mum Yeesu Almasiihu, Jawmiraawo meeɗen.

1 Korintu'en 10:13

Jarribooje keɓɗe on fuu, kanje keɓata woɗɓe. Ammaa Allah o koolniiɗo, o accataa on njarribe haa ɓura semmbe mooɗon. Yaake jarribeeki warani on, o hokkan on dabare hisugo, ngam haa on keɓa semmbe munyango ɗum.

2 Korintu'en 9:13

To dokkal maajum waŋgini gooŋgaaku mon, nden kam ɓe teddinan Allah, ngam on ɗowtani seedamku linjiila Almasiihu, on cenndi hayruuji mon boo bee maɓɓe e bee yimɓe fuu.

1 Tessaloniiki'en 5:24

Allah, ewniiɗo on waɗanan on ɗum, ngam o koolniiɗo.

2 Tessaloniiki'en 3:3

Ammaa Jawmiraawo, o koolniiɗo. O semmbiɗinan on, o aynan on diga Kalluɗo.

Titus 1:2

bee tammunde ngeendam nduumiiɗam, mi ɗon winndane Titus, ɓiŋngel am nder nuɗɗinki kawtuki en: Allah Baabiraawo e Yeesu Almasiihu, Kisnoowo men ndokke mo'ere e salaaman. Diga zamanuuji ɓooymaaji Allah mo fewataa iini hokkugo en ngeendam ɗa'am. Nder saa'iire ta'aande boo, Allah Kisnoowo meeɗen waŋgini wolde muuɗum, halfini yam kuugal waazaago nde fodde umroore muuɗum.

Ibraniŋke'en 11:11

Bee nuɗɗinki, Saraatu boo waawi danyugo ɓiŋngel koo nde o dimaro, o naywuɗo boo. Ngam o hooli Allah waɗan ko o iini.

Ibraniŋke'en 3:1

Ngam maajum onon deerɗiraaɓe am senaaɓe, ewnaaɓe Allah mo asama, ndaare Yeesu mo Allah neli haa o laato hooreejo liman'en mo en nuɗɗinta.

Ibraniŋke'en 3:14

Ngam en laati kawtiɗiraaɓe Almasiihu, to en tabiti, en ndimmbaaki, en njogi hoolaare meeɗen diga fuɗɗam haa timmoode.

Ibraniŋke'en 3:6

Ammaa Almasiihu, o Ɓiɗɗo nder saare maako. Enen ngoni saare maako, to en tabiti nder cuusal meeɗen e tammunde meeɗen nde en maŋgtorto.

Ibraniŋke'en 4:14

Nde en ngoodi hooreejo liman'en mawɗo, Yeesu, Ɓiɗɗo Allah, mo yotti haa joonde Allah fakat, nden kam sey en njoga nuɗɗinki ki en ceedoto.

Ibraniŋke'en 6:18

Woodi kuuje ɗiɗi ɗe cannjataako, waɗataako Allah fewa nder maaje: Ɗum iinawol e hunayeere maako. Kanjum ɗum ɗon tiɗɗina en, enen nyukkotooɓe haa Allah, en njogo tammunde tabitnde nde o hokki en.

Yaakuba 1:6

Ammaa sey o toro bee nuɗɗinki, bilaa seko sam, ngam mo ɗon seka nanndi bee ƴuuge weendu ɗe henndu dimmbinta e ɓaŋgtata.

Wahayu Yuhanna 3:11

Mi ɓadake wargo. Joga ko marɗa, ngam taa koo moy jaɓta woronnde jaalorgal ma.