Ibraniŋke'en 10:20 - Fulfulde Bible

²⁰ O maɓɓitani en laawol kesol, marŋgol ngeendam, gaɗa wiirndallo, waato ɓanndu maako.

Fulfulde DC Bible

²⁰ O maɓɓitani en laawol kesol, marŋgol ngeendam, gaɗa wiirndallo, waato ɓanndu maako.

Ibraniŋke'en 10:20 Iomraidhean Croise

Farillaaji Lewi'en 16:15

Nden o hirsa njawdiri mbeewa ngam ittuki hakkeeji ummaatoore, o nastina ƴiiƴam maari nder nokkuure ɓurnde senaago gaɗa wiirndallo. O wicca ɗam dow jooɗorde ngam kefergal, non boo yeeso sundukru alkawal, bana o waaruno bee ƴiiƴam ngaari go.

Farillaaji Lewi'en 16:2

O wi'i: “Yeccu deerɗa Haruna taa o nasta nokkuure ɓurnde senaago ɓaawo wiirndallo, sey bee saa'iire fottannde tan. Ton mbaŋganmi nder ruulde haa dow jooɗorde ngam kefergal. To o ɗowtaaki, o maayan.

Farillaaji Lewi'en 21:23

Ammaa taa o ɓadito wiirndallo nder suudu am koo hirsirde boo, ngam o woodi jiija haa ɓanndu. Taa o soɓna kuuje am ceniiɗe, ngam min woni Jawmiraawo cenoowo ɗe.”

Matta 27:51

Wakkati man wiirndallo nder haykaliiru seeki caka cak, diga dow haa les. Lesdi dimmbi, tapaaje ceeki,

Markus 15:38

Wiirndallo nder haykaliiru seeki caka cak diga dow haa les.

Yuhanna 10:7

Fahin Yeesu wi'i: “Gooŋga mi wi'ata on: Min, mi dammugal waalde baali.

Yuhanna 10:9

Min, mi dammugal, to goɗɗo nastiri bee am, hisan. O nastan, o wurtoto, o heɓan nyaamdu.

Yuhanna 14:6

Yeesu wi'i mo: “Min woni laawol e gooŋga e ngeendam. Walaa mo yahata haa Baabiraawo, sey bee am.

Efesu'en 2:15

O wili tawreeta bee umrooje mum e farillaaji mum, haa o hawta asliiji ɗiɗi ɗi'i, o laatina ɗi goɗɗo keso gooto nder maako, o tabitina salaaman,

1 Timote 3:16

Fakat, baŋginki sirri nuɗɗinki meeɗen mawni: O waŋgi bee ɓanndu neɗɗo, Ruuhu gooŋɗini mo. Malaa'ika'en ngi'i mo. Ummaatooje ngaazinaama kubar maako. Yimɓe duniyaaru nuɗɗini mo, o eeŋginaama nder tedduŋgal haa asama.

Ibraniŋke'en 6:19

Tammunde nde'e laatani en bana tiggirgal yoŋki, nde dimmbataako, nde ɗon saalo gaɗa wiirndallo.

Ibraniŋke'en 9:3

Ɓaawo wiirndallo ɗiɗaɓo, woodi yeɓre wi'eteende yeɓre ɓurnde senaago.

Ibraniŋke'en 9:8

Ndaa ko Ruuhu Ceniiɗo anndinta bee kuuje ɗe'e: Yaake suudu aranndu nder laymaaru ɗon dari tawon, laawol nastugo suudu ɗiɗawru nder laymaaru maɓɓitaaki tawon.

1 Piyer 3:18

Ngam Almasiihu bee hoore muuɗum maayi nde woore ngam hakkeeji yimɓe, nafuuda man jinnataa haa foroy. O walaa hakke, ammaa o maayi ngam marɓe hakke, ngam o yahra on haa Allah. Yimɓe mbari mo, ammaa Ruuhu Ceniiɗo yeeɗitini mo.

1 Yuhanna 4:2

Ndaa bana nii anndirton Ruuhu Allah: To goɗɗo seedake Yeesu Almasiihu wari bee ɓanndu neɗɗo fuu, nden kam ruuhu maako iwi haa Allah.

2 Yuhanna 1:7

Ngam fewooɓe ɗuuɗɓe ɗon caŋkiti nder duniyaaru. Ɓe njaɓataa wi'go Yeesu Almasiihu laati neɗɗo fakat. Irin yimɓe ɓe'e, ɓe fewooɓe e konne'en Almasiihu.