Hose'a 9:7 - Fulfulde Bible

⁷ Nyalɗe kiita njottake, saa'i waataago waɗi. Sey Isra'iila annda ɗum! On mbi'i: Annabiijo ellitake, marɗo Ruuhu yinnake ngam aybe mooɗon mawni, konnaagu mooɗon ɗuuɗi.

Fulfulde DC Bible

⁷ Nyalɗe kiita njottake, saa'i waataago waɗi. Sey Isra'iila annda ɗum! On mbi'i: Annabiijo ellitake, marɗo Ruuhu yinnake ngam aybe mooɗon mawni, konnaagu mooɗon ɗuuɗi.

Hose'a 9:7 Iomraidhean Croise

2 Laamiiɓe 9:11

Yeehu wurti, lorti haa huuwdiɗɗiraaɓe muuɗum. Ɓe ƴami mo: “Ɗume waɗi? Ɗume ginnaaɗo oo yiɗi haa ma? Yeehu jaabi: Walaa, on anndi gorko oo e haalaaji muuɗum.”

Esaaya 10:3

Ko mbaɗoton nyalaade kiita, to halkere wari diga daayiiɗum? Haa moy ndoggoton ngam ballal? Toy accoton jawdi mon?

Esaaya 26:11

Yaa Jawmiraawo, a ɓaŋgtani konne'en juŋngo, ammaa ɓe cali yi'ugo ɗum. Yi'nu ɓe no a yiɗiri ummaatoore ma, ɓe cemta. Yiite nyaama ɓe!

Esaaya 34:8

Ngam ɗum laatani Jawmiraawo nyalaade waataago, hitaande waataago konne'en daliila Siyona.

Esaaya 44:25

Mi ɗon wirga alaamaaji fewooɓe. Mi ɗon wartira waɗooɓe hatti faataaɓe. Mi ɗon lortina hikma'en ɓaawo, mi ɗon wartira anndal maɓɓe faataare.

Yeremiya 10:15

Ɗi kuuje meereeje, jalnooje, saa'i kiita ɗi kalkan.

Yeremiya 11:23

Walaa koo gooto maɓɓe luttata, ngam mi ukkan sarru dow yimɓe Anatot, nder hitaande nde ta'umi ngam hiitaago ɓe.”

Yeremiya 16:18

Mi waatoto aybe maɓɓe e hakkeeji maɓɓe cowi ɗiɗi. Ngam ɓe coɓni lesdi am bee labbi maɓɓe maayɗi, ɓe kebbini maral am bee kuuje maɓɓe nyidduɗe.”

Yeremiya 23:13

Mi yi'i faataare annabi'en haa Samariya. Ɓe mbaɗi annabaaku bee innde Ba'al, ɓe majjini ummaatoore am Isra'iila.

Yeremiya 25:14

Ummaatooje ɗuuɗɗe e laamiiɓe mawɓe macciɗinan Kaldiya'en, bana non mi warjorto ɓe halleende maɓɓe.”

Yeremiya 29:26

Jawmiraawo darni ma a limanjo haa pellel Yoyada limanjo, a hooreejo haa haykaliiru Jawmiraawo haa a naŋnga yinnaaɓe wi'anɓe ɓe annabi'en, a haɓɓa ɓe bee callalluuji e bee njamndi taarotoondi daaɗe maɓɓe.

Yeremiya 46:21

Koo honooɓe ɓe Misra hoosi haya boo laati bana nyalahoy paykoy. Kamɓe boo ɓe mbaawaay dartaago, ɓe ngayliti, ɓe ndoggi. Ngam nyalaade halkere maɓɓe, saa'i kiita maɓɓe ukkani ɓe.

Yeremiya 6:14

Ɓe ɗon kurga kuuduuje ummaatoore am dow dow bee wi'ugo: Jam, jam koo ɗume! Asee boo jam woodaa!

Yeremiya 8:11

Ɓe ɗon kurga kuuduuje yimɓe am dow dow, ɓe ɗon mbi'a: Jam, jam koo ɗume! Asee boo jam woodaa!

Gimi Boyki 2:14

Walaa ko annabi'en ngi'ani ma, sey pewe meere tan. Ɓe mbaŋginaay hakkeeji ma ngam a tuuba, ɓe ngaazi ma bolle rikiciije, estooje tan.

Ezekiyel 13:10

Ngam ɓe ɗon majjina ummaatoore am bee wolwango nde haala jam, asee boo jam walaa. Ɗum laati bana to yimɓe nyiɓi mahol, ɓe ndanwini ngol.

Ezekiyel 13:3

Ndaa nii Allah Jawmiraawo wi'i: Bone laatanto annabi'en faataaɓe. Ɓe ɗon tokko numooji maɓɓe, walaa ko ɓe ngi'i sam.

Ezekiyel 25:17

Mi fiyan ɓe bee tikkere, mi waatoto ɓe bee caatal. Saa'i mi waatoto ɓe, ɓe paaman min woni Jawmiraawo.”

Ezekiyel 38:23

Yeeso ummaatooje ɗuuɗɗe mbaŋginanmi mi mawɗo, ceniiɗo. Nden ɓe paaman min woni Jawmiraawo.”

Ezekiyel 9:10

Ngam maajum min boo mi enɗataa, mi yurmintaa. Mi lornan kuuɗe maɓɓe dow ko'e maɓɓe.”

Hose'a 14:1

Doole Samariya roondo kiita aybe mum, ngam berniwol ngo'ol tuurtani Allah maagol. Yimɓe maagol ndo'oto bee kaafahi, konne'en naman ɓikkoy maagol, ceekan reedu'en maagol.

Hose'a 5:9

Nyalaade mi waɗata kiita, Efrayim laatoto winnde. Mi anndinan le'i Isra'iila ko tammi wargo fakat.

Hose'a 8:13

Ɓe lii'ani yam dokke kirseteeɗi ngam haa ɓe nyaama kusel man, ammaa min Jawmiraawo mi yerdataako ɓe. Jonta ciftoranmi aybeeji maɓɓe, mi hiitoto hakkeeji maɓɓe. Ɓe loroto haa Misra!

Hose'a 9:8

Aynoowo Efrayim ɗon wondi bee Allah am, ɓe mballini tuuforli tuufoowo colli dow laabi annabiijo maako fuu, ɓe ɗon toonyo mo koo nder suudu Allah maako.

Amos 8:2

O ƴami: “Amos, ko ngi'ata?” Mi jaabi: “Silaawo heewŋgo ɓiɓɓe leɗɗe ɓennduɗe.” Jawmiraawo wi'i yam: “Ragare yimɓe ummaatoore am Isra'iila yottake! Yeeso ɗo mi hiitoto ɓe, mi meetataa enɗugo ɓe.

Mika 2:11

To goɗɗo tokkake henndu, hasi fewre, wi'i: Mi waɗante annabaaku dow inaboojam e dow njaramji guykinooji, fakat o laatoto annabiijo ummaatoore nde'e!

Mika 7:4

Wooɗa-gikkuujo caka maɓɓe nanndi bee wumre gi'e. Gooŋɗuɗo maɓɓe ɓuri wumre gi'e hallugo. Nyalaade kiita nde aynooɓe mon mbi'no on ɗon wara. Nden kam saklere hoo'an on.

Sefaniya 3:4

Annabi'en maagol ɓe elewɓe, rikici'en, liman'en maagol boo ɗon coɓna ceniiɗum, ɗon luuta tawreeta.

Markus 3:21

Nde banndiraaɓe maako nani haala man, ɓe ngari hoocugo mo, ngam yimɓe ɗon mbi'a: “Hakkiilo maako jiiɓake.”

Luka 21:22

Ngam ɗum laatoto nyalɗe baatol ngam hiɓɓingo ko winnda fuu.

2 Korintu'en 5:13

To on ndaari min saa'i feere bana min ellitiiɓe, annde min laatake non ngam daliila Allah. Ammaa to min hakkilɓe, nden kam annde min laatake non ngam daliila mooɗon.

Wahayu Yuhanna 16:19

Berniwol maŋngol senndaama geɓe tati, berniiji ummaatooje boo kalki. Allah siftori Baabila, berniwol maŋngol, ngam haa o yarna ngol ko woni nder jardugel, waato njaram ɓernuki maako caatuki.