Hose'a 9:4 - Fulfulde Bible

⁴ Haa ton ɓe ndufantaa Jawmiraawo dokke inaboojam, kirseteeɗi maɓɓe boo pottantaa mo. Nyaamdu maɓɓe laatoto nyaamdu mayiti, koo moy nyaami ndu, soɓan. Nyaamdu maɓɓe laatoto ngam ko'e maɓɓe tan, walaa ko nastata haykaliiru Jawmiraawo.

Fulfulde DC Bible

⁴ Haa ton ɓe ndufantaa Jawmiraawo dokke inaboojam, kirseteeɗi maɓɓe boo pottantaa mo. Nyaamdu maɓɓe laatoto nyaamdu mayiti, koo moy nyaami ndu, soɓan. Nyaamdu maɓɓe laatoto ngam ko'e maɓɓe tan, walaa ko nastata haykaliiru Jawmiraawo.

Hose'a 9:4 Iomraidhean Croise

Gurtaaki 29:40

Ɓesdu kuroori ɗiggundi agoda tati, njiiɓaandi bee nebbam jaytunje arɓaaɗe liitir gootel e inaboojam liitir gootel ngam dokkal dufeteeŋgal. Ɗum yahdan bee jawgel aranel.

Gurtaaki 40:23

O yowndindiri tamseeje jo'inteeɗe dow maagal yeeso Jawmiraawo, bana o umruno mo.

Esaaya 57:6

Kaa'e ɓorwuɗe nder waadiwol ngoni geɗal mooɗon. On ɗon ngaɗana ɗe dokke dufeteeɗe, on ɗon lii'ano ɗe dokke nyaamdu. Kadi mi de'itinan hoore am dow maajum na?

Esaaya 66:3

Mo hirsi ngaari, mbari neɗɗo boo. Mo hirsi mbaalu, yewi rawaandu daande boo. Mo waddi dokkal, lii'i boo ƴiiƴam gaduuji. Mo wuli uurle ngam am, sujidani boo lawru. Kamɓe ɓe cuɓi laabi maɓɓe, ɓerɗe maɓɓe ɗon ceyoro kuuje maɓɓe nyidduɗe ɗe'e.

Yeremiya 16:7

Walaa mo nyaamdata koo yardata bee goɗɗo ngam de'itingo mo to goɗɗo saare maako maayi, koo to baaba maako malla daada maako maayi.

Yeremiya 6:20

Mi ɗaɓɓataa uurdi lesdi Seba, koo ƴommbe uurɗe ɗe lesdi ndaayiindi. Guleteeɗi mooɗon pottantaa yam, kirseteeɗi mooɗon pottantaa yam.

Ezekiyel 24:17

Taa goɗɗo nana uumaali ma, taa woy maayɗo. Taa ittu meetaleewol ma, taa faɗɗita paɗe ma bana woyanɓe mbaɗata. Taa wiirnu yeeso ma, taa nyaam nyaamdu jooɗotooɓe haa maayiti boo.”

Ezekiyel 24:22

Nden on mbaɗa bana mbaɗmi. Taa on mbiirna geese mon, taa on nyaama nyaamdu jooɗiiɓe haa mayiti.

Daniyel 1:8

Daniyel annini taa o soɓna hoore maako bee nyaamdu e njaram laamiiɗo. Ngam man o tori mawɗo saraaki'en taa o doola mo soɓnugo hoore maako.

Hose'a 3:4

Ngam Isra'iila'en njooɗoto haa duura bilaa laamiiɗo, bilaa ardiiɗo, bilaa kirseteeɗi, bilaa daŋraŋge labbi, bilaa ɗanciki limanjo, bilaa labbi saare.

Hose'a 7:16

Ɓe ɗon ngaylito, ammaa naa heedi am. Ɓe ɗon bana lagaawal bonniiŋgal. Ardiiɓe maɓɓe ndo'orto bee kaafahi, ngam daliila ɗemɗe maɓɓe elewɗe. Ngam daliila man yimɓe lesdi Misra njalata ɓe.”

Hose'a 8:13

Ɓe lii'ani yam dokke kirseteeɗi ngam haa ɓe nyaama kusel man, ammaa min Jawmiraawo mi yerdataako ɓe. Jonta ciftoranmi aybeeji maɓɓe, mi hiitoto hakkeeji maɓɓe. Ɓe loroto haa Misra!

Yo'el 1:13

Kadde limce buhuuje, mboye, onon liman'en! Uume, onon jaggiiɓe haa hirsirde Jawmiraawo! Ngare, mbaale nder mettamɓeram, onon jagganooɓe Allah am! Ngam dokke nyaamdu e dokke dufeteeɗe ngoodaa haa suudu Allah mooɗon.

Yo'el 1:9

Dokke nyaamdu e dokke dufeteeɗe ngoodaa haa suudu Jawmiraawo. Liman'en jagganooɓe Jawmiraawo ɗon cuno.

Yo'el 2:14

Moy anndi? Teema o waylititto, o faasitan, nden o accana on barka, haa on keɓa ko on lii'anto Jawmiraawo, Allah mooɗon bana dokke nyaamdu e dokke dufeteeɗe.

Farillaaji Lewi'en 17:11

Yoŋki marɗum ɓanndu fuu ɗon nder ƴiiƴam. Ngam man Jawmiraawo umri on on ndufa ƴiiƴam fuu haa hirsirde ngam ittuki hakkeeji yimɓe.

Farillaaji Lewi'en 21:17

o wi'a Haruna ni'i: “To goɗɗo danygol ma woodi jiija koo kaye haa ɓanndu, taa o lii'ano yam dokkal nyaamdu. Ɗum laatano gide mon fuu umroore haa foroy.

Farillaaji Lewi'en 21:21

To goɗɗo danygol Haruna limanjo woodi jiija koo kaye haa ɓanndu, taa o lii'ano yam dokkal nyaamdu.

Farillaaji Lewi'en 21:6

Sey ɓe laato senaaɓe ngam am, taa ɓe coɓna innde am. Ɓe ɗon lii'ano yam guleteeɗi e dokke nyaamdu, ngam man ɓe laato seniiɓe.

Farillaaji Lewi'en 21:8

Sey yimɓe fuu ndaara limanjo bana ceniiɗo, ngam o ɗon lii'ano yam dokke nyaamdu. Min Jawmiraawo mi ceniiɗo, mi cenoowo yimɓe am boo.

Amos 5:22

To on lii'anake yam guleteeɗi e dokke nyaamdu, mi yerdataako ɗum. Mi yiɗaa yi'ugo ga'i payɗi ɗi on lii'anto yam kirseteeɗi ngam kawtal mooɗon bee am.

Malakiya 2:13

Woodi boo huunde ɗiɗawre nde on mbaɗata: On ɗon cudda hirsirde Jawmiraawo bee gonɗi e bojji e uumaali, ngam o faalataa dokke mon, o jaɓataa ɗe diga juuɗe mon.

Limle 19:11

“Koo moy meemi maayɗo, soɓan nyalɗe joweeɗiɗi.

Limle 28:2

o anndina Isra'iila'en umrooje ɗe'e: “Kakkilane saa'iiji darnaaɗi haa on lii'ano Jawmiraawo dokke nyaamdu guleteeɗe marɗe uureeŋgol belŋgol pottananŋgol mo.

Limle 4:7

Ɓe mbe'ita suddaare sarwinaande dow taabal tamseeje. Ɓe njo'ina dow maaje taasaaje e taasahoy e jarduɗe e bulki ngam dokke dufeteeɗe, ɓe acca tamseeje dow taabal boo tum.

Yuhanna 6:51

Min, mi nyaamdu yeeru, jippiindu diga asama. To goɗɗo nyaami ndu, o yeeɗan haa abada. Nyaamdu ndu mi hokkata mo, ɗum ɓanndu am. Mi hokkan ndu ngam haa duniyaaru yeeɗa.”

Tooktaaki Tawreeta 26:14

Mi nyaamaay goɗɗum man wakkati boyki maayɗo. Mi wurtinaay koo ɗume nder maajum yaake mi coɓɗo. Mi lii'anaaki maayɗo koo ɗume nder maajum. Mi ɗowtani wolde Jawmiraawo Allah am, mi waɗi bana a umri yam.