Hose'a 9:16 - Fulfulde Bible

¹⁶ Efrayim fiyaama, ɗaɗi maako njoori, o heɓataa ɓiɓɓe fahin. Koo to ɓe ndanyi boo, mi mbaran ɓiɓɓe maako marɓe saman.”

Fulfulde DC Bible

¹⁶ Efrayim fiyaama, ɗaɗi maako njoori, o heɓataa ɓiɓɓe fahin. Koo to ɓe ndanyi boo, mi mbaran ɓiɓɓe maako marɓe saman.”

Hose'a 9:16 Iomraidhean Croise

Laataanooji 41:23

Ɓaawo maaje, cammeeje cewɗe goɗɗe joweeɗiɗi puɗi, henndu fuunaaŋge yoorni ɗe.

Ayuba 18:16

Haa les, ɗaɗi maako fuu puɗɗi yoorugo, haa dow, lice maako boo puɗɗi ɗaylugo.

Esaaya 40:24

Neeɓaay ɓe njube, neeɓaay ɓe aawe, neeɓaay leggal maɓɓe waɗi ɗaɗi nder lesdi, o fuufa dow maɓɓe, ɓe njooran. Henndu saatundu wiftoto ɓe bana nyaande.

Esaaya 5:24

Ngam maajum, bana ɗemŋgal yiite wulirta calwaaje, bana huɗo yoorko jinnirta nder yiite, bana non ɗaɗol maɓɓe nyolan, pinndi maɓɓe caŋkititto bana sollaare. Ngam ɓe cali ɗowtanaago tawreeta Jawmiraawo honooɓe asama, ɓe njawi wolde Ceniiɗo Isra'iila.

Ezekiyel 24:21

Yeccu yimɓe Isra'iila ndaa nii Allah Jawmiraawo wi'i: On ɗon maŋgtoro semmbe suudu am, on ngiɗi laarugo ndu, on ngiɗi ndu masin boo. Ammaa mi tammi soɓnugo ndu. Ɓiɓɓe mon worɓe e rewɓe, luttuɓe nder Urusaliima, konne'en mbaran ɓe bee kaafahi.

Hose'a 5:11

Efrayim yiɗi tokkaago meereejum. Ngam maajum o toonyaama, kiita do'i mo.

Hose'a 8:7

Nde nii ɓe aawi henndu, ɓe tammi sodugo duluuru. Koo ƴommbe alkamaari maɓɓe mbaɗataa cammeeje. To ɗe mbaɗi boo, ɗe mbaɗataa kuroori. To kuroori waɗi boo, jananɓe nyaaman ndi.

Tooktaaki Tawreeta 32:25

Kaafahi do'an ɓiɓɓe maɓɓe dow laabi, kultoreeŋgol ukkanto ɓe nder cuuɗi, suka'en e faanyɓe e musinankoy e ndotti'en fuu kalkan.