Hose'a 8:8 - Fulfulde Bible

⁸ Konne'en moɗi Isra'iila. Ummaatooje ɗon ndaara Isra'iila jonta bana huunde nde koo moy yiɗaa.

Fulfulde DC Bible

⁸ Konne'en moɗi Isra'iila. Ummaatooje ɗon ndaara Isra'iila jonta bana huunde nde koo moy yiɗaa.

Hose'a 8:8 Iomraidhean Croise

2 Laamiiɓe 18:11

Laamiiɗo Assuura dahi Isra'iila'en, o jo'ini ɓe haa Halah e baŋnge maayo Habor nder lesdi Goojan e nder gure Medi'en.

Esaaya 30:14

Ɓe campitan ngol bana ɓe campititta fayannde loope. To nde fusi boo, keeɗe maare ke'ataa ngam hoo'ugo yiite haa kaatane malla ngam nyeɗugo ndiyam haa waawru.”

Yeremiya 22:28

Yeremiya wi'i: “Kadi Koniya laati bana mbulku pusŋgu ngu goɗɗo yiɗaa, ngu nafataa na? Ngam ɗume kaŋko e danygol maako hoocete, wudinte haa lesdi ndi ɓe anndaa?

Yeremiya 25:34

Mboye, onon ardiiɓe mbaɗe bojji. Talle nder mbulwuldi, onon jaagorɓe yimɓe mooɗon, saa'i hirsugo on waɗi, haa on ndo'o, on pusa bana fayannde marnde saman.

Yeremiya 48:38

Dow soorooji lesdi Mo'ab e babe maari fuu, sey bojji. Ngam mi fusi Mo'ab bana mbulku ngu faalaaka.” Non Jawmiraawo wi'i.

Yeremiya 50:17

Yimɓe Isra'iila laati bana baali majjuɗi ɗi barooɗe ndiiwi. Laamiiɗo Assuura aarti nyaamugo ɓe. Haa ragare, Nabukodonosor, laamiiɗo Baabila nami i'e maɓɓe.

Yeremiya 51:34

Nabukodonosor, laamiiɗo Baabila nyaami Urusaliima, nami ngol, laatini ngol bana mbulku sookru, moɗi ngol bana kuuŋga moɗirta, hebbini reedu mum bee kuuje maagol booɗɗe, wudini ngol.

Gimi Boyki 2:16

Konne'en ma fuu maɓɓiti kunnduɗe muuɗum'en jaasɗum, ɗon kirƴindira nyii'e, ɗon luu'a, ɗon mbi'a: “En moɗi ngol! Nyalaade nde ndeenɗen waɗi, en ɗon ngi'a.”

Gimi Boyki 2:2

Jawmiraawo halki gese Yaakubu fuu bilaa enɗam. O yibbini berniiji Yahuuda bee tikkere. O lasbini laamu, o do'i ardiiɓe maagu.

Gimi Boyki 2:5

Jawmiraawo laatani en bana konneejo, nattini Isra'iila, laatini berniiji cemmbiɗɗi e cuuɗi mawɗi fuu bille, ɗuɗɗinani yimɓe Yahuuda uumaali e bojji.

Gimi Boyki 4:2

Ɓiɓɓe Siyona marno saman bana kaŋŋeeri laaɓndi, ammaa jonta ɓe nanndi bee payanɗe loope!

Gimi Boyki 5:2

Maral amin laatani jananɓe, ɓe ɗon njooɗi nder cuuɗi amin.

Ezekiyel 36:3

Ngam maajum waɗ annabaaku, wi': Ndaa nii Allah Jawmiraawo wi'i: Ɓe ngiɗno nattingo on e halkugo on koo toy fuu, ɓe ngiɗno on laato maraaɓe ummaatooje goɗɗe. Yimɓe ɓe'e njanci on, kuɗi on.

Farillaaji Lewi'en 26:33

Mi saŋkitan on nder ummaatooje goɗɗe, mi fartan on bee kaafahi losaaki. Lesdi mon laatoto ladde meere, berniiji mon laatoto bille.

Roma'en 9:22

Bana nii muuyo Allah wa'i: Haa woɗɓe, o muuyi waŋgingo ɓernuki maako e baawɗe dow tagaaɓe wonɓe nder halkere, bee non fuu o munyani ɓe munyal ɗuuɗŋgal.

Tooktaaki Tawreeta 28:25

Jawmiraawo accan konne'en mon njaalo on. On ngurtorto laawol gootol haɓoygo bee maɓɓe, ammaa on ndoggiran laabi joweeɗiɗi yeeso maɓɓe. Laamuuji nder duniyaaru fuu kultoran to ɗi ngi'i ko heɓi on.

Tooktaaki Tawreeta 28:64

Jawmiraawo saŋkitan on caka ummaatooje fuu, diga keerol duniyaaru ngo'ol haa ngola. Ton on njagganto ɗowanteeɓe woɗɓe, huuwraaɓe bee leɗɗe e kaa'e, ɓe on anndaa, kaakiraaɓe mon boo anndaa.