Hose'a 8:6 - Fulfulde Bible

⁶ Gaggel man iwi haa Isra'iila, baɗoowo sanaa'a waɗi ɗum. Ngel laataaki Allah. Ngam man, gaggel Samariya sampititto.

Fulfulde DC Bible

⁶ Gaggel man iwi haa Isra'iila, baɗoowo sanaa'a waɗi ɗum. Ngel laataaki Allah. Ngam man, gaggel Samariya sampititto.

Hose'a 8:6 Iomraidhean Croise

2 Laamiiɓe 23:15

O yibbini boo hirsirde wonnde haa Baytila e nokkuure townde nde Yerobo'am ɓii Nebat, mo nastinno Isra'iila'en nder hakke nyiɓno. O yibbini ɗe, o wuli nokkuure townde bee yiite, o nami nde haa nde laati mbulwuldi, o wuli suura Asera boo.

2 Laamiiɓe 23:19

Yusiya yibbini boo cuuɗi nokkuuje towɗe, ɗi laamiiɓe Isra'iila nyiɓno nder berniiji nder lesdi Samariya ngam tikkingo Jawmiraawo. O waɗi ɓe ko o waɗno haa Baytila.

2 Habaruuji Nyalaaɗe 13:8

Jonta on ngiɗi dartango laamu Jawmiraawo, ngonŋgu haa juuɗe danygol Daawuda, on laati jama'aare mawnde, woodi caka mooɗon boo nga'oy kaŋŋeeri koy Yerobo'am waɗani on, koy laati ɗowanteeɓe mon.

2 Habaruuji Nyalaaɗe 31:1

Nde juulde nde'e fuu timmi, Isra'iila'en wonɓe haa Urusaliima njehi nder gure Yahuuda, pusi daŋraŋge ɗowanteeɓe, pe'i suuraaji Asera, mbili nokkuuje towɗe e kirsirɗe fuu, koo toy nder lesdi Yahuuda e Benyamin e Efrayim e Manassa. Nden Isra'iila'en fuu kooti berniiji muuɗum'en, koo moy haa maral mum.

Yeremiya 10:14

Yimɓe fuu ɓe faataaɓe, sooya-anndal'en. Koo moy kilaajo semtiran labbi muuɗum, ngam suuraaji ɗi o waɗi laataaki ɗowanteeɓe bee gooŋga, ɗi ngalaa yoŋki.

Yeremiya 48:13

Nden Mo'abi'en cemtiran lawru Kemos, bana Isra'iila'en cemtiri bee lawru wonndu haa Baytila ndu ɓe kooli ɗum.

Yeremiya 50:2

“Anndine ɗum caka ummaatooje, ngooyne ɗum! Ndarne tuutawal konu, mbaɗe wooynaandu, taa cuuɗe ɗum! Mbi'e: Lesdi Baabila do'ake! Ɗowanteeɗo maari Beel toskake, Marduk fusi, labbi maako toskake, suuraaji maako cehaaɗi kalki.

Hose'a 10:2

Ɓerɗe Isra'iila'en cenndake. Sey ɓe ndoondo kiita aybe man jonta. Allah fusan kirsirɗe maɓɓe e daŋraŋge labbi maɓɓe.

Hose'a 13:2

Hose'a wi'i: “Koo jonta boo yimɓe Efrayim ɗon tokko waɗugo hakke. Bee cardi maɓɓe ɓe ɗon mbaɗa suuraaji ɓolinaaɗi fodde hakkiilo maɓɓe. Labbi ɗi'i fuu, waɗooɓe sanaa'a mbaɗi ɗi. Ndaa ko yimɓe mbi'ata dow maɓɓe: Yimɓe lii'ooɓe kirseteeɗi ɗon kebbo nga'oy koy bee kunnduɗe boo.

Hose'a 14:3

Lorte haa Jawmiraawo, mbolwane mo. Mbi'e mo: “Yaafana min aybe fuu, yerda min, dow min ngaddane ga'i kirseteeɗi, min ngaddante gettooje!

Mika 1:7

Ɓe pusan labbi maagol cehaaɗi fuu. Ngeenaari maagol fuu wulete bee yiite e mi yibbinan labbi maagol fuu, ngam ngol heɓri ɗi bee ngeenaari daakaareeku, ɗi ngartan boo ngeenaari daakaareeku.”

Habakuk 2:18

Ɗume suura nafata haa cehoowo seha ka? Ɗume suura njamndi ɓolinaandi ngam ekkitingo fewre nafata? Ngam ɗume goɗɗo waɗata hoolaare mum haa labbi ɗi mbolwataa nde nii kaŋko waɗi ɗi bee juuɗe maako?

Kuuɗe Nelaaɓe 17:29

Nde nii en danygol maako, taa en numa Allah nanndi bee suuraaji ɗi kaŋŋeeri e cardi malla hayre ko yimɓe mbaɗata bee hakkiilo e baawal muuɗum'en.

Kuuɗe Nelaaɓe 19:26

Onon bee ko'e mon on ɗon ngi'a, on ɗon nana ko Pol oo waɗata. O ɗon wi'a ɗowanteeɓe ɓe yimɓe mbaɗata laataaki ɗowanteeɓe sam, haa ɗuuɗɓe nder Efesus ɗo e ɓurna lesdi Asiya fuu njaɓi ɗum, tokki laawol maako.