Hose'a 8:14 - Fulfulde Bible

¹⁴ Isra'iila yejjiti tagɗo ɗum, nyiɓi cuuɗi laamorɗe. Yahuuda boo ɗuɗɗini berniiji cemmbiɗɗi. Mi nelan yiite nder berniiji maɓɓe, nge nyaaman laamorɗe maɓɓe.”

Fulfulde DC Bible

¹⁴ Isra'iila yejjiti tagɗo ɗum, nyiɓi cuuɗi laamorɗe. Yahuuda boo ɗuɗɗini berniiji cemmbiɗɗi. Mi nelan yiite nder berniiji maɓɓe, nge nyaaman laamorɗe maɓɓe.”

Hose'a 8:14 Iomraidhean Croise

1 Laamiiɓe 12:31

O nyiɓi boo cuuɗi haa towndiije. O hoo'i woɗɓe nder ummaatoore ɓe ngonaay lenyol Lewi, o waɗi ɓe liman'en.

1 Laamiiɓe 16:31

O tokki hakkeeji Yerobo'am ɓii Nebat. O ɓaŋgi Izabel ɓii Etba'al, laamiiɗo Sidoni'en boo ngam ɓesdugo hakkeeji maako fahin. O yehi, o rewi Ba'al, o sujidani ɗum.

2 Laamiiɓe 18:13

Nder nduuɓu laamu Hezekiya sappo e nayaɓu, Sanherib, laamiiɗo Assuura ukkani berniiji Yahuuda cemmbiɗɗi fuu, o nyaami ɗi.

2 Habaruuji Nyalaaɗe 26:10

O nyiɓi cuuɗi towɗi cemmbiɗɗi nder ladde boo, o wasi gaawi ɗuuɗɗi, ngam o mari dabbaaji ɗuuɗɗi nder lesdi towndiije e dow yayre. O woodi remooɓe gese e hakkilanooɓe inabooje haa kooseeje e jarne, ngam o yiɗi ndemri.

2 Habaruuji Nyalaaɗe 27:4

O nyiɓi berniiji nder kooseeje Yahuuda. Nder layɗe boo o nyiɓi cuuɗi mawɗi cemmbiɗɗi e cuuɗi towɗi cemmbiɗɗi.

Jabuura 106:21

Ɓe ngejjiti Allah kisnuɗo ɓe kuuwɗo kuuɗe mawɗe e kaayeefiije haa Misra, lesdi Haamu, non boo kuuɗe kulniiɗe haa maayo Maaliya.

Jabuura 95:6

Ngare, cujidanen mo, tuggen koppi yeeso Jawmiraawo, tagɗo en.

Esaaya 17:10

Onon Isra'iila'en, on ngejjiti Allah, kisnoowo on, tapaare hisnoore on. On ɗon njubo jarne booɗɗe, on aawi aawdi njananndi ton.

Esaaya 29:23

To ɓikkoy maɓɓe ngi'i kuugal juuɗe am caka maɓɓe, nden kam ɓe annditan min woni Allah Ceniiɗo mo Yaakubu, ɓe kulan Allah Isra'iila.

Esaaya 42:13

Jawmiraawo ɗon wurto bana jaaliiɗo, bana konoowo o ɗon ummina tikkere maako saatunde. O ɗon hoola, o ɗon wooka wookaandu konu. O ɗon jaalo konne'en maako.

Esaaya 42:25

Ngam maajum o rufi tikkere maako saatunde e o ukki konu caatuŋgu dow maɓɓe. Ɗum ukki dow maɓɓe koo toy fuu bana yiite, ammaa ɓe paamaay. Ɗum wuli ɓe, ammaa ɓerɗe maɓɓe njaɓaay.

Esaaya 43:21

Ummaatoore nde mbaɗmi ɗum ngam hoore am anndinan maŋgtoore am.

Esaaya 9:10

Ammaa Jawmiraawo jaalini konne'en Recin dow maɓɓe, o ummini konne'en maɓɓe,

Esaaya 9:9

“Birikje ngibbi, ammaa min nyiɓtoto bee kaa'e cehaaɗe. Dundeeje pe'aama, ammaa min ɗisan leɗɗe cemmbiɗɗe haa nokkuuje maaje.”

Yeremiya 17:27

Ammaa sey on ɗowtano yam. Sey on cena nyannde siwtorde, taa on nastina doŋgle haa dammuɗe bernixol Urusaliima nder nyannde man. To naa non, mi huɓɓan yiite haa dammuɗe Urusaliima. Nge wulan cuuɗi maagol booɗɗi, nge nyifataako.”

Yeremiya 2:32

Kadi paanyo debbo yejjitan fawne muuɗum na? Ɓaŋgeteeɗo yejjitan toggoore ɓaŋgal muuɗum na? Ammaa ummaatoore am yejjiti yam, neeɓi.

Yeremiya 23:27

Ɓe tammi bee yeccirgo koyɗi maɓɓe ɓe mbaɗan yimɓe am ngejjita innde am, bana kaakiraaɓe maɓɓe ngejjitirno innde am, tokki Ba'al.

Yeremiya 3:21

Nane, bojji ɗon haa towndiije cooke. Yimɓe Isra'iila ɗon mboya ngam ɓe ngayli laabi maɓɓe, ɓe ngejjiti Jawmiraawo Allah maɓɓe!

Yeremiya 5:17

Nde nyaaman nafuuda gese mooɗon e nyaamdu mooɗon. Nde nyaaman ɓiɓɓe mon worɓe e rewɓe, nde nyaaman dammooji mooɗon e na'i mooɗon, nde nyaaman inabooje mooɗon e ibbe mooɗon. On ɗon koolo berniiji mooɗon cemmbiɗɗi, ammaa ummaatoore nde'e halkan ɗi bee kaafahi.

Ezekiyel 23:35

Ngam maajum, ndaa nii Allah Jawmiraawo wi'i: “A yejjiti yam, a wudini yam ɓaawo ma. Ngam maajum kiita suuno ma e daakaareeku ma ɗon dow maaɗa!”

Hose'a 13:6

Nde ɓe keɓi durduɗe, ɓe kaari. Nde ɓe kaari, ɓerɗe maɓɓe mawniti. Ngam maajum ɓe ngejjiti yam.

Hose'a 2:13

Mi haɗan seyo maako fuu, non boo juulɗe maako, waato juulɗe lewru hesru e nyalɗe ciwtorɗe maako e juulɗe maako goɗɗe fuu.

Hose'a 4:6

Ummaatoore am ɗon halka ngam nde walaa anndal. An a wudini anndal, ngam maajum min boo mi wudinte diga kuugal limanku am. A faalaay tawreeta Allah maaɗa, ngam maajum min boo mi faalataa ɓiɓɓe maaɗa.

Amos 1:10

Ngam maajum nelanmi yiite dow mahi taariiɗi Tirus, nge nyaama cuuɗi maagol cemmbiɗɗi.”

Amos 1:12

Ngam maajum nelanmi yiite nder berniwol Teman, nge nyaama cuuɗi Bosra cemmbiɗɗi.”

Amos 1:14

Ngam maajum kuɓɓanmi yiite haa mahi taariiɗi Rabba, nge nyaama cuuɗi maagol cemmbiɗɗi, bee hoolo konu nder nyannde haɓre, caka naargewol nder nyannde duluuru.

Amos 1:4

Ngam maajum nelanmi yiite nder saare Hazayel, nge nyaama cuuɗi Benhadat cemmbiɗɗi.

Amos 2:5

Ngam maajum nelanmi yiite nder lesdi Yahuuda, nge nyaama cuuɗi Urusaliima cemmbiɗɗi.”

Efesu'en 2:10

Ngam Allah bee hoore mum tagi en. O tagi en nder Yeesu Almasiihu haa en kuuwa kuuɗe booɗɗe. Kanje boo, Allah aarti taaskitini ɗe haa en kuuwa ɗe.

Tooktaaki Tawreeta 32:18

Isra'iila'en, on ngejjiti Allah tapaare mooɗon, tagɗo on, dokkuɗo on ngeendam!