Hose'a 8:1 - Fulfulde Bible

¹ Jawmiraawo wi'i: “Fuufu luwal konu! Konne'en ɗon ukkano lesdi am bana jigaawal, ngam ɓe ɗowtanaaki alkawal am, ɓe tuurtani tawreeta am.

Fulfulde DC Bible

¹ Jawmiraawo wi'i: “Fuufu luwal konu! Konne'en ɗon ukkano lesdi am bana jigaawal, ngam ɓe ɗowtanaaki alkawal am, ɓe tuurtani tawreeta am.

Hose'a 8:1 Iomraidhean Croise

2 Laamiiɓe 18:27

O wi'i ɓe: “On tammi jaagorɗo am neli yam haa jaagorɗo mooɗon e haa mooɗon tan na? Naa ɗum laarani boo jooɗiiɓe dow mahol ɓe'e na? Kamɓe boo naa ɓe nyaaman bu'e maɓɓe, ɓe njaran cille maɓɓe, kal-kal bee mooɗon!”

Esaaya 18:3

Onon yimɓe duniyaaru fuu, onon wonɓe dow lesdi, to ɓe ndarni tuutawal dow kooseeje, on ndaaran. To ɓe puufi luwal konu, on nanan.

Esaaya 24:5

Lesdi soɓi les jooɗiiɓe muuɗum, ngam ɓe ƴaɓɓi umrooje, ɓe luuti farillaaji, ɓe piisti alkawal duumiiŋgal.

Esaaya 58:1

Jawmiraawo wi'i: “Hoolu bee sawtu, taa naŋgta! Townu sawtu ma bana luwal! Anndin ummaatoore am yimɓe danygol Yaakubu zunuubaaji e hakkeeji maɓɓe.

Yeremiya 31:32

Ngal laatataako bana alkawal ngal kaɓɓumi bee kaakiraaɓe maɓɓe nyannde mi naŋngi juuɗe maɓɓe ngam wurtingo ɓe lesdi Misra. Koo mi laati jawmiiɓe, kamɓe ɓe piisti alkawal bee am.

Yeremiya 34:18

Ardiiɓe Yahuuda e Urusaliima e saraaki'en e liman'en e yimɓe lesdi fuu kaɓɓi alkawal yeeso am. Ɓe ta'i gaggel caka cak, ɓe caali caka reetaaji maagel ɗiɗi. Ammaa ɓe piisti alkawal am, ɓe tokkaaki umrooje maagal. Ngam maajum mbaɗanmi ɓe ko ɓe mbaɗi gaggel.

Yeremiya 4:13

Ndaa, konneejo ɗon wara bana duule! Mootaaji pucci maako ɗon nanndi bee duluuru, pucci maako ɓuri dute yaawugo. Kayto, en majji!

Yeremiya 4:5

Anndine nder Yahuuda, ngooyne haa Urusaliima! Puufe luwal nder lesdi, ngooke bee semmbe, mbi'e: Mooɓte ngam nastugo berniiji cemmbiɗɗi.

Yeremiya 48:40

Ndaa nii Jawmiraawo wi'i: “Ummaatoore suuyan dow Mo'ab bana dutal ngal weeɗi bileeji mum.

Yeremiya 49:22

Konne'en ukkanto Bosra bana dutal leeranŋgal haa dow. Nyalaade man semmbiɗɓe Edoom kulan bana debbo ɓesnanɗo.”

Yeremiya 51:27

“Ɓaŋgte tuutawal nder lesdi! Puufe luwal konu haa ummaatooje nana ɗum! Taaskitine ummaatooje ngam haɓre bee Baabila! Ewne laamuuji Araraada e Minni e Askanas, ndarne hooreejo ngam haɓugo bee maagol! Ngadde pucci ɗuuɗɗi bana baɓɓatti!

Yeremiya 6:1

“Onon yimɓe Benyamin, ndogge, ngurte Urusaliima! Puufe luwal haa Teko'a, mbaɗe alaama konu haa Bayti-Kerem, ngam sarru e halkere naawnde ɗon ngara diga woyla.

Ezekiyel 11:4

Ngam maajum waɗ annabaaku dow maɓɓe, ɓii-Aadama, waɗ annabaaku!”

Ezekiyel 16:59

Ngam ndaa nii Allah Jawmiraawo wi'i: “Mi waɗete fodde kuuɗe ma, ngam a yawi hunayeere, a fiisti alkawal.

Ezekiyel 17:3

Wi' ɓe: Ndaa nii Allah Jawmiraawo wi'i: Dutal maŋngal bee bileeji juutɗi, marŋgal liiliiji juutɗi booɗɗi marɗi noone feere feere wari haa kooseeje Libanon, yewi lisal ɓurŋgal towugo haa lekki cemmbiɗki,

Ezekiyel 7:14

Ɓe puufan luwal, ɓe taaskanto konu. Ammaa walaa mo wurtoto ngam yahugo haɓre, ngam mi ɗon tikkana mooɓgal lesdi fuu.

Hose'a 4:6

Ummaatoore am ɗon halka ngam nde walaa anndal. An a wudini anndal, ngam maajum min boo mi wudinte diga kuugal limanku am. A faalaay tawreeta Allah maaɗa, ngam maajum min boo mi faalataa ɓiɓɓe maaɗa.

Hose'a 5:8

Kadi puufe luwal haa Gibiya, puufe ngal haa Rama, koole haa Baytawiina: Benyamin, konne'en ɗon ɓaawo ma!

Hose'a 6:7

Ammaa kamɓe ɓe ɗowtanaaki alkawal am haa Adama, ɓe zammbi yam ton.

Hose'a 9:15

Jawmiraawo wi'i: “Halleende maɓɓe fuu waŋgi haa Gilgal. Ton nganymi ɓe. Ngam daliila kuuɗe maɓɓe kalluɗe ndiiwanmi ɓe diga saare am. Mi meetataa yiɗugo ɓe, ngam ardiiɓe maɓɓe fuu ɓe tuurtuɓe.

Yo'el 2:1

Puufe luwal konu haa Siyona, koole dow hooseere Jawmiraawo seniinde. Yimɓe lesdi fuu ndiwna, ngam nyalaade Jawmiraawo ɓaditake.

Yo'el 2:15

Puufe luwal konu haa Siyona, taaskane suumaye, umre mooɓtorde.

Amos 3:6

To goɗɗo fuufi luwal konu, ummaatoore nder wuro hultortaa na? To sarru ukkanake wuro, naa ɗum Jawmiraawo ukki ngu na?

Amos 8:3

Nyalaade ɗon wara haa gimi nder laamorde laato bojji. Nyawmanɗe ɗuuɗan, yimɓe ngudinan ɗe koo toy, jeende mawnde laatoto!” Non Jawmiraawo Allah wi'i.

Amos 9:1

Mi yi'i Jawmiraawo ɗon dari kommbi hirsirde. O umri: “Fiy dow ko'e daŋraŋge, haa caɓɓaaje maaje fuu dimmbo! Sampitit ɗe dow ko'e yimɓe fuu! To goɗɗo lutti, mi mbaran mo bee kaafahi, walaa mo daɗata, walaa mo hisata sam!

Habakuk 1:8

Pucci maɓɓe ɓuri paaɗaaji yaawugo, ɗi ɓuri caafaali ladde baawal. Wa'iiɓe pucci ɗon camna, ɗon ngara diga daayiiɗum, ɗon piira bana dutal jaawɗotooŋgal dow ko ngal yiɗi naŋngugo.

Sefaniya 1:16

nyalaade luwal konu e hoolo dow berniiji cemmbiɗɗi e kisruɗe towɗe.

Zekariya 11:1

An Libanon, maɓɓitit dammuɗe maaɗa, haa yiite nyaama leɗɗe ma cemmbiɗɗe.

Zekariya 9:14

Nden Jawmiraawo waŋgan dow maɓɓe. Kurol maako ɗelkan bana ma'ere. Allah Jawmiraawo fuufan luwal konu, o yahan nder keni caatuɗi iwɗi fombina.

Matta 24:28

Ngam haa nyawmande woni fuu, ton jigaaje mooɓtoto.

1 Korintu'en 15:52

Ɗum waɗoto law, bana ma'annde yiitere, saa'i fuufannde luwal ragareere. Luwal fuufete. Nden maayɓe ummititto ngam ngeendam nduumiiɗam. Enen, en ngaylititto.

Tooktaaki Tawreeta 28:49

Jawmiraawo umminan ummaatoore diga daayiiɗum, haa keerol duniyaaru, ummaatoore nde on anndataa wolde maare. O jippinan nde dow mooɗon bana dutal jipporto dow kusel.