Hose'a 7:4 - Fulfulde Bible

⁴ Ɓe fuu ɓe jeenooɓe, ɓe nanndi bee tamsirdu wulndu jaw ndu tamsoowo acci yiite ɗon wula nder maaru, wakkati o jiiɓi kuroori haa ndi ufo.

Fulfulde DC Bible

⁴ Ɓe fuu ɓe jeenooɓe, ɓe nanndi bee tamsirdu wulndu jaw ndu tamsoowo acci yiite ɗon wula nder maaru, wakkati o jiiɓi kuroori haa ndi ufo.

Hose'a 7:4 Iomraidhean Croise

Yeremiya 23:10

Lesdi heewi jeenooɓe, yimɓe ɗon njaawɗa waɗugo ko halli, ɓe semmbiɗɓe waɗugo ko haanaay. Naaloore Jawmiraawo ɗon dow lesdi. Ngam maajum ndi ɗon nder suno, durduɗe fuu ɗayli.

Yeremiya 9:1

Jawmiraawo wi'i: “Mi yiɗi mi heɓa hoɗorde nder ladde bana dillooɓe jahaaŋgal, haa mi acca yimɓe ummaatoore am, mi daayto ɓe. Ngam ɓe fuu maɓɓe ɓe jeenooɓe, ɓe laati mooɓre zammbotooɓe.

Yeremiya 9:2

Foroy ɓe ɗon taaski fewugo. Ɓe kuuwtinirtaa gooŋga ngam laamanaago lesdi, ammaa fewre. Ɓe ɗon ɗuɗɗina kuuɗe kalluɗe, ɓe njaɓaay yam boo.

Hose'a 4:10

Ɓe nyaaman, ammaa ɓe kaarataa. Ɓe mbaɗan daakaareeku, ammaa ɓe ɗuuɗataa, ngam ɓe acci ɗowtanaago Jawmiraawo.

Hose'a 4:12

Ummaatoore am ɗon ƴama labbi maare ɗi leggal, nde ɗon sarwo sawru hatti maare. Ngam ruuhu daakaareeku majjini nde, haa nde waɗi njeenu dow Allah maare, nde tuurtani mo.

Hose'a 4:2

sey naalooje e pewe e mbar-hoore e nguyka e daakaareeku e toonyaare e dufki ƴiiƴam dow dufki ƴiiƴam.

1 Korintu'en 5:6

Juro mooɗon yahaay sam! On anndaa ufnirɗum seɗɗa ufnan kullu fuu na?

Yaakuba 4:4

Onon yewɓe umrooje Allah! On anndaa soobrugo bee duniyaaru ɗum honugo Allah na? To on coobiri bee duniyaaru, nden kam on laatake konne'en Allah.