Hose'a 7:16 - Fulfulde Bible

¹⁶ Ɓe ɗon ngaylito, ammaa naa heedi am. Ɓe ɗon bana lagaawal bonniiŋgal. Ardiiɓe maɓɓe ndo'orto bee kaafahi, ngam daliila ɗemɗe maɓɓe elewɗe. Ngam daliila man yimɓe lesdi Misra njalata ɓe.”

Fulfulde DC Bible

¹⁶ Ɓe ɗon ngaylito, ammaa naa heedi am. Ɓe ɗon bana lagaawal bonniiŋgal. Ardiiɓe maɓɓe ndo'orto bee kaafahi, ngam daliila ɗemɗe maɓɓe elewɗe. Ngam daliila man yimɓe lesdi Misra njalata ɓe.”

Hose'a 7:16 Iomraidhean Croise

Jabuura 12:3

Yimɓe ɗon pewindira, ɓe ɗon mbolwindira bolle rikiciije, koo moy fuu bee ɓerɗe ɗiɗi.

Jabuura 12:4

Yaa Jawmiraawo, ta'u ɗemɗe maɓɓe naafikiije e kunnduɗe maɓɓe ƴaggiiɗe.

Jabuura 12:5

Ɓe ɗon mbi'a: “Min mbolwan ko min ngiɗi, walaa mo haɗata min. Moy mari min?”

Jabuura 17:10

Ɓe caatini ɓerɗe maɓɓe, kunnduɗe maɓɓe ɗon mbolwa bolle mawnitiiɗe.

Jabuura 52:2

O winndi nde ɓaawo Do'ek Edoomiijo yehi haa Sawulu, wi'i mo: Daawuda ɗon nder saare Ahimelek.

Jabuura 57:4

Diga asama Allah neldatam kisndam, o do'an taasnanɗo yam, o waŋginantam mbooɗeeŋga e gooŋgaaku maako.

Jabuura 73:9

Ɓe ɗon kallina asamanji, haa duniyaaru boo ɓe ɗon mbolwa ko ɓe ngiɗi fuu.

Jabuura 78:37

Ɓe ɗakkotiraay bee maako, ɓe kakkilanaay alkawal maako bana ko haani.

Jabuura 78:57

Ɓe tuurtani mo, ɓe zammbi mo bana kaakiraaɓe maɓɓe, ɓe mboofi bana kuri piɗaaɗi bee lagaawal ɓosliiŋgal.

Esaaya 3:8

Fakat Urusaliima yani, Yahuuda do'ake. Ɓe ɗon ndartano Jawmiraawo bee bolle e kuuɗe maɓɓe, ɓe tuurtani tedduŋgal maako.

Yeremiya 18:18

Nden yimɓe mbi'i: “Ngare, en kaɓɓa dabare dow Yeremiya! Liman'en ekkitinooɓe en tawreeta ɗon foroy, hikma'en carwanto en tum, annabi'en ngaazoto wolde Allah foroy. Kallinen mo, taa kakkilanen bolle maako sam!”

Yeremiya 3:10

Bee non fuu Yahuuda, debbo zammbotooɗo go wartaay haa am bee gooŋga, sey bee fewjere.” Non Jawmiraawo wi'i.

Yeremiya 42:18

Ndaa nii Jawmiraawo honooɓe asama, Allah Isra'iila wi'i: “Bana mi rufi tikkere am e ɓernuki am dow yimɓe Urusaliima, bana non ndufranmi ɓernuki am dow mooɗon, to on ndilli Misra. Mi laatinan on hulniiɓe, yimɓe kuɗan on, naaliran bee inɗe mon. On meetataa yi'ugo nokkuure nde'e boo.”

Ezekiyel 23:32

Ndaa nii Allah Jawmiraawo wi'i: “A yaran nder jardugel kiita deerɗa lugguŋgel, jaasŋgel. Koo moy yawete, jancete, ngam ngel heewi kiita jur.

Ezekiyel 36:20

Nde ɓe njehi haa ummaatooje jananne, ɓe lasbini innde am seniinde, ngam yimɓe ton ɗon mbolwa dow maɓɓe, ɗon mbi'a: Kamɓe, ɓe yimɓe ummaatoore Jawmiraawo, ammaa ɓe ngurti diga lesdi maako.

Daniyel 7:25

O wolwan kalluka dow Allah Ɓaŋiiɗo, o toonyoto senaaɓe Allah boo. O anninan waylugo juulɗe e umrooje diina. Senaaɓe Allah hokkete haa juŋngo maako duuɓi tati e reeta.

Hose'a 11:5

Isra'iila'en lorataako haa lesdi Misra, jonta Assuura laamanto ɓe, ngam ɓe cali lortaago haa am.

Hose'a 11:7

Ummaatoore am ɗon tabiti nder gudinki nuɗɗinki maare. Nde ewnaama ngam ummaago, ammaa nde daraaki.

Hose'a 6:4

Jawmiraawo wi'i: “An Efrayim, ɗume mi waɗante? An Yahuuda, ko mbaɗanmi ngam ma? Mbooɗeeŋga mooɗon ɗon nanndi bee ruulde fajiri, bana saawawre fajiri sottannde law.

Hose'a 7:13

Bone laatanto ɓe, ngam ɓe ndoggi yam daayiiɗum. Halkere ukkanto ɓe, ngam ɓe tuurtani yam. Mi soottanno ɓe, ammaa ɓe mbolwi pewe dow am.

Hose'a 9:3

Ɓe njooɗataako nder lesdi Jawmiraawo, Efrayim loroto haa Misra, haa Assuura boo ɓe nyaaman nyaamduuji coɓɗi.

Hose'a 9:4

Haa ton ɓe ndufantaa Jawmiraawo dokke inaboojam, kirseteeɗi maɓɓe boo pottantaa mo. Nyaamdu maɓɓe laatoto nyaamdu mayiti, koo moy nyaami ndu, soɓan. Nyaamdu maɓɓe laatoto ngam ko'e maɓɓe tan, walaa ko nastata haykaliiru Jawmiraawo.

Hose'a 9:6

Ndaa, ɓe fuu ɓe ndilli ngam lesdi maɓɓe wonnake. Fakat Misra jaɓɓoto ɓe, Memfis boo uwan ɓe. Giŋngille njaɓtan pellel cardi maɓɓe marndi saman, gi'e boo keewan cuuɗi maɓɓe.

Malakiya 3:13

Jawmiraawo wi'i: “Bolle mooɗon caati dow am. Ammaa on ɗon ƴama: Ɗume min mbolwindiri dow maaɗa?

Malakiya 3:14

On mbi'i: Jagganaago Jawmiraawo woni meere. Ko nafata to min kakkilani umrooje maako? Ko nafata to min cunake yeeso Jawmiraawo honooɓe asama?

Matta 12:36

Mi ɗon wi'a on: Nyalaade darŋgal, yimɓe njaabanto ko'e muuɗum'en dow bolle meereeje ɗe ɓe mbolwi fuu.

Luka 8:13

Woɗɓe boo nanndi bee pellel kaa'e, ɗum nananɓe wolde, ɓe njaɓa nde bee seyo. Ammaa nde walaa ɗaɗi nder maɓɓe, ɓe nuɗɗina ngam wakkati seɗɗa. To jarribeeki wari, ɓe njoofa.

Yaakuba 3:5

Non boo ɗemŋgal. Ngal tergal pamaral, ammaa ngal ɗon juroro wolwugo haalaaji mawɗi. Nume boo no yiite famare nyaamirta laynde mawnde.

2 Piyer 2:8

Ngam adiliijo oo ɗonno jooɗodi bee maɓɓe, halleende maɓɓe nde o yi'i e o nani ɗonno torra ɓernde maako masin.

Wahayu Yuhanna 13:5

Ndabbaawa heɓi laawol wolwugo bolle elewɗe e kalluɗe dow Allah, nga heɓi huuwtinirgo baawɗe maaga lebbi cappanɗe nayi e ɗiɗi (42).