Hose'a 7:1 - Fulfulde Bible

¹ Jawmiraawo wi'i: “Nde ngiɗmi nyawndugo Isra'iila fuu, aybe Efrayim e kuuɗe Samariya kalluɗe mbaŋgi. Ngam ɓe ɗon pewja. Wuyɓe ɗon nasta cuuɗi, fasooɓe ɗon njaɓta dow laabi.

Fulfulde DC Bible

¹ Jawmiraawo wi'i: “Nde ngiɗmi nyawndugo Isra'iila fuu, aybe Efrayim e kuuɗe Samariya kalluɗe mbaŋgi. Ngam ɓe ɗon pewja. Wuyɓe ɗon nasta cuuɗi, fasooɓe ɗon njaɓta dow laabi.

Hose'a 7:1 Iomraidhean Croise

Esaaya 28:1

Kayto laamorde Efrayim! A laatake meetaleewol pawnaaŋgol gonŋgol dow waadiwol cemmbiɗŋgol. Wuykooɓe lesdi ma ɗon mantoro ma. Ammaa a nanndi bee pinndi ɗaylundi ngonndi dow ko'e wuykuɓe ɓe njaram do'i.

Esaaya 59:12

Yaa Jawmiraawo, zunuubaaji amin ɗuuɗi yeeso maaɗa, hakkeeji amin ɗon ngullo min. Tuurtolji amin ɗon ngondi bee amin, aybeeji amin boo min anndi ɗi:

Esaaya 59:13

Min tuurtani ma, min zammbi ma, min acci tokkaago ma. Min mbolwi haala toonyaare e tuurtol. Ɓerɗe amin numi pewe, kunnduɗe amin mbolwi ɗe.

Esaaya 59:14

Kiita ngooŋɗuka lori ɓaawo, adilaaku ɗon dari daayiiɗum. Gooŋga fergi haa luumo, darnuɗum heɓataa nastugo.

Yeremiya 51:9

Jananɓe jooɗiiɓe ton mbi'i: Min muuyno yamɗitingo Baabila, ammaa ngol yamɗitaay. Accen ngol, en koota, koo moy haa lesdi mum! Kiita Allah dow maagol mawni haa yotti duule asama.”

Ezekiyel 16:46

Adda ma, ɗum Samariya, jooɗiiɗo bee ɓiyum'en rewɓe haa woyla. Minya debbo boo, jooɗiiɗo bee ɓiyum'en rewɓe haa fombina, ɗum Sodoma.

Ezekiyel 23:4

Innde mawniraawo, Ohola (ɗum Samariya). Innde minyiraawo boo, Oholiba (ɗum Urusaliima). Mi te'i ɓe ɗiɗo fuu, ɓe ndanyani yam ɓiɓɓe worɓe e rewɓe.

Ezekiyel 24:13

Urusaliima, a soɓi bee kuuɗe ma cemtiniiɗe. Mi yiɗno laɓɓingo ma, ammaa a laaɓaay. A laaɓataa fahin, sonaa to mi rufi tikkere am fuu dow maaɗa.

Hose'a 10:5

Jooɗiiɓe haa Samariya ɗon kula daliila gaggel haa Baytawiina. Ummaatoore maagel sunoto daliila maagel. Liman'en maagel ndiwnan daliila maagel, ngam tedduŋgal maagel dahaama daayiiɗum.

Hose'a 11:8

An Efrayim, noy mbaawranmi accugo ma? An Isra'iila, noy mbaawranmi yoofugo ma? Noy mbaawranmi waɗango ma ko mi waɗani wuro Adama? Noy mbaawranmi laatingo ma bana wuro Ceboyim? Ɓernde am saklake, yurmeende heewi ɓernde am.

Hose'a 12:1

Efrayim taarni Jawmiraawo bee pewe. Isra'iila taarni mo bee rikici. Yahuuda ɗon wondi bee Allah, ammaa o ɗon ɗakkotiri boo bee ɗowanteeɓe jananɓe.

Hose'a 12:2

Efrayim ɗon wuura bee henndu, ɗon taasna henndu fuunaaŋge, ɗon ɗuɗɗina pewe e toonyaare nde weeti fuu. O ɗon haɓɓa alkawal bee Assuura, o ɗon nelda nebbam haa Misra.

Hose'a 4:17

Yimɓe Efrayim ɗakkotiri bee labbi. Acce ɓe!

Hose'a 4:2

sey naalooje e pewe e mbar-hoore e nguyka e daakaareeku e toonyaare e dufki ƴiiƴam dow dufki ƴiiƴam.

Hose'a 5:1

Jawmiraawo wi'i: “Nane, onon liman'en! Keɗite booɗɗum, onon Yimɓe laamu Isra'iila! Keɗite, onon yimɓe saare laamiiɗo! Ngam haa mooɗon kiita wari. Ammaa on laati tuuforgol haa Mispa e zubaawol be'itaaŋgol dow hooseere Taboora.

Hose'a 6:4

Jawmiraawo wi'i: “An Efrayim, ɗume mi waɗante? An Yahuuda, ko mbaɗanmi ngam ma? Mbooɗeeŋga mooɗon ɗon nanndi bee ruulde fajiri, bana saawawre fajiri sottannde law.

Hose'a 7:13

Bone laatanto ɓe, ngam ɓe ndoggi yam daayiiɗum. Halkere ukkanto ɓe, ngam ɓe tuurtani yam. Mi soottanno ɓe, ammaa ɓe mbolwi pewe dow am.

Hose'a 8:5

An Samariya, mi wudini gaggel ma! Tikkere am ɗon saati dow yimɓe ma. Haa ndey ɓe tokkoto soɓugo bana non?

Hose'a 8:9

Ɓe njehi haa Assuura, bana wamnde ladde feere maare. Efrayim soodi waaye'en.

Amos 3:10

Jawmiraawo wi'i: “Ɓe anndaa waɗugo ko fotti, sey hebbingo ndesaaji nder cuuɗi maɓɓe cemmbiɗɗi bee waɗugo toonyaare e jaɓtol.”

Amos 3:9

Ngooyne haa cuuɗi cemmbiɗɗi nder Asdod e nder Misra habaru bana ni'i: “Mooɓe dow kooseeje taariiɗe berniwol Samariya. Ndaare torra makka e toonyaare haa caka maagol!”

Amos 8:14

Kamɓe ɓe ɗon kunoro jonta bee aybe Samariya, ɓe ɗon mbi'a: Mi ɗon hunoro bee ɗowanteeɗo maaɗa geeto, yaa Dan! Malla boo: Mi hunoro bee laawol cenaaŋgol jahranŋgol Biirsaba! Ammaa ɓe njanan, ɓe ummitittaako.”

Mika 6:16

On ɗon njogo umrooje laamiiɗo Omiri, on ɗon mbaɗa ko saare Akab waɗno fuu, on ɗon tokko sawariiji maɓɓe. Ngam maajum mi wilan berniwol mon, ɓe njancan jooɗiiɓe nder maagol, toskaare ummaatoore am ukkanto on.”

Matta 23:37

“Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali.

Luka 13:34

Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali.

Luka 19:42

o wi'i: “Mi yiɗi a anndano an boo ko woni salaaman maaɗa hanndeere nde'e! Ammaa jonta ɗum suuɗaama haa gite maaɗa.