Hose'a 6:6 - Fulfulde Bible

⁶ Ngam mbooɗeeŋga ngiɗmi, naa kirseteeɗi. Anndal Allah ngiɗmi, naa guleteeɗi.

Fulfulde DC Bible

⁶ Ngam mbooɗeeŋga ngiɗmi, naa kirseteeɗi. Anndal Allah ngiɗmi, naa guleteeɗi.

Hose'a 6:6 Iomraidhean Croise

1 Habaruuji Nyalaaɗe 28:9

An boo, ɓiyam Suleymaanu, teddin Allah baaba maaɗa, jaggana mo bee ɓernde laaɓnde e nafsu ma fuu. Ngam Jawmiraawo ɗon linya ɓerɗe fuu o anndi anniyaaji e numooji. To a waylitake heedi maako, o waŋgante. Ammaa to a acci mo, o wudinte haa foroy.

Jabuura 50:8

Mi felataa ma ngam kirseteeɗi maaɗa e guleteeɗi ma ɗi lii'antoɗa yam tum.

Balndi 21:3

Waɗugo adilaaku e pottuɗum ɓuri fottango Jawmiraawo dow kirseteeɗi.

Gaazoowo 5:1

Taa yaawu maɓɓititgo hunnduko ma, taa ɓernde ma yaawa wolwugo koo ɗume yeeso Allah. Ngam haa asama Allah woni, an boo dow lesdi. Nden kam taa ɗuɗɗin bolle:

Esaaya 1:11

Jawmiraawo wi'i: “Ko yaali yam bee ɗuuɗeeŋga kirsaaɗi mon? Mi safti jawɗi gulaaɗi e ɓellere nyalbi. Mi seyortaako ƴiiƴam ga'i kalhali e baali e jawɗi be'i.

Esaaya 58:6

Ndaa, suumayeere nde ngerdotoomi: Yooftugo yimɓe ɓe naŋnguɗon bilaa hujja, fiɓtugo ɓoggi kaɓɓirgal, rimɗingo toonyaaɓe, yewugo kaɓɓirgal koo ngale.

Yeremiya 22:16

O jiŋngi laafuɗo e talakaajo, koo ɗume fuu yehi booɗɗum. Kanjum woni anndugo yam, non Jawmiraawo wi'i.

Yeremiya 7:22

“Saa'i mi wurtini kaakiraaɓe mooɗon lesdi Misra, mi umraay ɓe haala guleteeɗi e kirseteeɗi.

Daniyel 4:27

o wi'i: “Ndaare no Baabila mawniri! Min wartiri berniwol ngo'ol jooɗorde laamiiɗo. Mi nyiɓi ngol bee baawɗe am mawɗe, ngam tedduŋgal e daraja am!”

Hose'a 14:2

Onon Isra'iila'en, lorte haa Jawmiraawo, Allah mooɗon! Ngam aybe mooɗon do'i on.

Hose'a 2:20

Nyalaade maajum kaɓɓanmi alkawal ngam maɓɓe bee dabbaaji ladde e colli asama e ladooji dow lesdi, mi yewan lagaawal e kaafahi, mi timminan haɓre nder lesdi, haa ɓe keɓa siwtaago nder de'ere.

Hose'a 4:1

Hose'a wi'i: “Onon Isra'iila'en, nane wolde Jawmiraawo: Min Jawmiraawo mi woodi daliila wullaago on, onon jooɗiiɓe nder lesdi ndi'i, ngam walaa gooŋgaaku malla mbooɗeeŋga malla anndal Allah nder lesdi ndi,

Hose'a 8:13

Ɓe lii'ani yam dokke kirseteeɗi ngam haa ɓe nyaama kusel man, ammaa min Jawmiraawo mi yerdataako ɓe. Jonta ciftoranmi aybeeji maɓɓe, mi hiitoto hakkeeji maɓɓe. Ɓe loroto haa Misra!

Amos 5:21

Jawmiraawo wi'i: “Mi ɗon wanya juulɗe mooɗon, mi wudini ɗe. Mi seyortaako mooɓorle mooɗon.

Mika 6:6

Bee ɗume ɓaditotoomi Jawmiraawo e kofotoomi yeeso Allah Ɓaŋiiɗo? Mi ɓadito mo bee guleteeɗi koo bee nyalbi na?

Mika 6:8

An neɗɗo, Jawmiraawo anndini ma ko wooɗi e ko o ɗaɓɓata haa maaɗa: Ɗum waɗugo ko fotti, yiɗugo waɗugo mbooɗeeŋga e tokkaago Allah ma bee tiinaare.

Matta 12:7

To on paamino ko saawi nder bolle ɗe'e: Enɗam ngiɗmi, naa dabbaaji kirsaaɗi, nden kam on aybintaano yimɓe ɓe ngalaa aybe.

Matta 5:7

Barka laatanto enɗooɓe, ngam Allah enɗan ɓe.

Matta 9:13

Ndille, ekkite ko saawi nder bolle ɗe'e: Enɗam ngiɗmi, naa dabbaaji kirsaaɗi. Mi waraay ewnaago adili'en, ammaa hakke'en.”

Markus 12:33

Sey koo moy fuu yiɗa Allah bee ɓernde e hakkiilo e semmbe mum fuu, sey o yiɗa keeddiɗɗiiko boo bana no o yiɗirta hoore maako. Ɗum ɓuri dokke dabbaaji gulaaɗi e lii'aaɗi fuu.”

1 Yuhanna 2:3

To en ɗowtanake umrooje Allah, nden kam en paami en anndi mo fakat.

1 Yuhanna 3:6

Mo ɗon tabiti nder kawtal bee Almasiihu fuu waɗataa hakke, ammaa baɗoowo hakke meeɗaay yi'ugo mo, meeɗaay anndugo mo boo.

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.