Hose'a 4:15 - Fulfulde Bible

¹⁵ To an Isra'iila, a laatake daakaareejo, walaa haaje Yahuuda boo nasta nder hakke. Taa njehe haa Gilgal, taa njehe haa Baytawiina, taa kune bee wi'go: Fakat bana Jawmiraawo o geeto!

Fulfulde DC Bible

¹⁵ To an Isra'iila, a laatake daakaareejo, walaa haaje Yahuuda boo nasta nder hakke. Taa njehe haa Gilgal, taa njehe haa Baytawiina, taa kune bee wi'go: Fakat bana Jawmiraawo o geeto!

Hose'a 4:15 Iomraidhean Croise

2 Habaruuji Nyalaaɗe 17:4

Ammaa o ɗakkotiri bee Allah mo baaba maako jaggani, o ɗowtani umrooje Allah, o tokkaaki kuuɗe Isra'iila.

2 Habaruuji Nyalaaɗe 21:11

Yehoram nyiɓi nokkuuje towɗe dow kooseeje Yahuuda boo, bana non o estiri yimɓe jooɗiiɓe haa Urusaliima haa ɓe ndewi labbi, yimɓe Yahuuda boo o selni ɗum.

Esaaya 48:1

Nane ɗu'um, onon yimɓe Yaakubu, ewnaaɓe bee innde Isra'iila, onon danygol Yahuuda: On ɗon kunoro bee innde Jawmiraawo, on ɗon ewno Allah Isra'iila, ammaa naa bee gooŋgaaku e adilaaku.

Yeremiya 44:26

Ammaa nane wolde Jawmiraawo jonta, onon Yahuudu'en wonɓe haa Misra. O wi'i: Mi hunori bee innde am mawnde: Walaa Yahuuduujo meetata hunoraago bee innde am nder lesdi Misra fuu, o wi'a: Fakat bana Jawmiraawo Allah o geeto!

Yeremiya 5:2

Koo to ɓe mbi'i: Fakat bana Jawmiraawo o geeto – ɓe ɗon kunoro fewre.”

Ezekiyel 20:39

Allah Jawmiraawo wi'i: “Onon yimɓe Isra'iila, njehe, ndewe labbi mon kadi! Ammaa ɓaawo maajum, fakat on ɗowtanto yam, on meetataa soɓnugo innde am seniinde bee dokke mon e labbi mon.”

Hose'a 10:5

Jooɗiiɓe haa Samariya ɗon kula daliila gaggel haa Baytawiina. Ummaatoore maagel sunoto daliila maagel. Liman'en maagel ndiwnan daliila maagel, ngam tedduŋgal maagel dahaama daayiiɗum.

Hose'a 10:8

Nokkuuje towɗe haa Isra'iila waɗi hakke nattan. Gi'e e geene mawnan dow kirsirɗe maɓɓe. Nden ɓe toroto kooseeje: “Cudde min!”, towndiije boo: “Ndo'e dow amin!”

Hose'a 12:1

Efrayim taarni Jawmiraawo bee pewe. Isra'iila taarni mo bee rikici. Yahuuda ɗon wondi bee Allah, ammaa o ɗon ɗakkotiri boo bee ɗowanteeɓe jananɓe.

Hose'a 12:11

Mi wolwani annabi'en, mi ɗuɗɗini wahayuuji, mi waɗi balndi bee kunnduɗe annabi'en.

Hose'a 12:12

To sooynde adilaaku ɗon haa Gile'at, nden kam fakat ɓe nattan. Haa Gilgal ɓe lii'i kirseteeɗi kalhali. Ngam maajum kirsirɗe maɓɓe ngartan baagaaje kaa'e nder diidi haa gese.”

Hose'a 4:12

Ummaatoore am ɗon ƴama labbi maare ɗi leggal, nde ɗon sarwo sawru hatti maare. Ngam ruuhu daakaareeku majjini nde, haa nde waɗi njeenu dow Allah maare, nde tuurtani mo.

Hose'a 5:8

Kadi puufe luwal haa Gibiya, puufe ngal haa Rama, koole haa Baytawiina: Benyamin, konne'en ɗon ɓaawo ma!

Hose'a 9:15

Jawmiraawo wi'i: “Halleende maɓɓe fuu waŋgi haa Gilgal. Ton nganymi ɓe. Ngam daliila kuuɗe maɓɓe kalluɗe ndiiwanmi ɓe diga saare am. Mi meetataa yiɗugo ɓe, ngam ardiiɓe maɓɓe fuu ɓe tuurtuɓe.

Amos 4:4

Jawmiraawo wi'i: “Njehe haa Baytila, mbaɗe aybe! Njehe haa Gilgal, ɗuɗɗine aybeeji! Nde weeti fuu, ngadde kirseteeɗi mon e nyalaade tataɓre fuu, ngadde zakka mon!

Amos 5:5

Ammaa taa ngaylite haa Baytila. Taa njehe Gilgal. Taa njehe Biirsaba sam. Ngam fakat Gilgal dahete, Baytila laatoto huunde meere.”

Amos 6:10

Banndiraawo uwanɗo waran ngam o wurtina maayɓe e suudu. O ƴaman nyukkiiɗo nder suudu: “Goɗɗo ɗon wondi bee maaɗa na?” Kaŋko o jaaboto: “Aa'a, woodaa.” O wi'an: “Jeeɗa! Taa ewna innde Jawmiraawo!”

Amos 8:14

Kamɓe ɓe ɗon kunoro jonta bee aybe Samariya, ɓe ɗon mbi'a: Mi ɗon hunoro bee ɗowanteeɗo maaɗa geeto, yaa Dan! Malla boo: Mi hunoro bee laawol cenaaŋgol jahranŋgol Biirsaba! Ammaa ɓe njanan, ɓe ummitittaako.”

Efesu'en 5:11

Taa kawte bee huuwooɓe kuuɗe meereeje ɗe nyiɓre, ndikka on pefta ɗe.

Yosuwa 5:9

Nden Jawmiraawo wi'i Yosuwa: “Hannde ittumi mbustu Misra dow mooɗon. Ngam maajum ɓe ɗon ewna nokkuure man Gilgal haa wargo hannde.”

Yosuwa 7:2

Saa'i ɓe ɗon haa Yeriko, Yosuwa neli worɓe woɗɓe haa Ayu. Berniwol man daayaaki bee Baytawiina haa fuunaaŋge Baytila. O wi'i ɓe: “Kore lesdi man.” Ɓe njehi, ɓe kori Ayu.