Hose'a 2:8 - Fulfulde Bible

⁸ Ngam maajum cukkanmi laawol maako bee gi'e, mi maɓɓan ngol bee paddirɗum, ngam taa o heɓta laabi maako.

Fulfulde DC Bible

⁸ Ngam maajum cukkanmi laawol maako bee gi'e, mi maɓɓan ngol bee paddirɗum, ngam taa o heɓta laabi maako.

Hose'a 2:8 Iomraidhean Croise

1 Habaruuji Nyalaaɗe 29:16

Yaa Allah Jawmiraawo amin, kuuje ɗuuɗɗe ɗe min taaskitini haa min nyiɓa suudu ngam innde ma seniinde, ɗe iwi haa maaɗa, ngam an mari koo ɗume fuu.

Ayuba 19:8

Allah maɓɓi laawol am, saalaago haa ton heɓataako sam. O nyiɓɓini laabi am.

Esaaya 1:3

Ngaari anndi marɗo ɗum, wamnde boo anndi ngaɓaare haa jawmiire nyaamnata ɗum. Ammaa koo ko Isra'iila anndi, ummaatoore am faamataa sam.”

Esaaya 46:6

Yimɓe maɓɓitan boorooji muuɗum'en, ngurtinan kaŋŋeeri, ɓe awnan cardi bee awnorɗum. Ɓe njoɓan tappoowo kaŋŋeeri haa o wartira ɗum lawru. Nden ɓe teddina ndu, ɓe cujidana ndu.

Yeremiya 7:18

Ɓikkoy ɗon teena leɗɗe, baabiraaɓe maakoy ɗon kuɓɓa yiite, rewɓe boo ɗon njiiɓa kuroori haa ɓe tamsa tamseeje ngam lawru rewru ndu ɓe ewnata Mayramjo asama. Ɓe ɗon ndufa njaramji dufeteeɗi ngam labbi feere haa ɓe mettinammi ɓernde.

Ezekiyel 23:41

Nden ɓe njooɗi dow be'itte booɗɗe. Dow taabal yeeso be'itte ɓe njo'ini uurle e nebbam ɗi ndokkumi ɓe.

Daniyel 3:1

Laamiiɗo Nabukodonosor umri waɗugo suura kaŋŋeeri. Towirka maaka, baakin meetir cappanɗe tati, njaajirka maaka boo baakin meetir tati. O darni ka haa waadiwol Duura nder lesdi Baabila.

Daniyel 5:23

A mawniti dow Jawmiraawo mo asama. Ɓe ngaddani ma njardukoy koy a hooci diga haykaliiru maako. An e mawɓe ma e rewɓe ma e sulaaɓe ma, on njardi inaboojam bee maakoy, on maŋgti labbi kuuwraaɗi bee kaŋŋeeri e cardi e njamndi mboɗeeri e njamndi ɓaleeri e leggal e hayre, ɗi ngi'ataa, ɗi nanataa, ɗi anndaa koo ɗume. Ammaa a teddinaay Allah jogiiɗo yoŋki ma e laabi ma fuu haa juŋngo muuɗum.

Hose'a 10:1

Isra'iila woni inabohi dimanki ɓiɓɓe ɗuuɗɗe. Nde ɗum ɓesdi ɗuɗɗingo ɓiɓɓe, ɗum ɓesdi boo ɗuɗɗingo kirsirɗe ngam labbi. Nde ɗum ɓesdi wo'ingo lesdi muuɗum, ɗum ɓesdi boo wo'ingo daŋraŋge labbi.

Hose'a 13:1

Jawmiraawo wi'i: “Nde Efrayim wolwi, koo moy fuu diwni. Lenyol ngo'ol ɓuri marugo tedduŋgal nder Isra'iila fuu. Ammaa ngol nasti aybe bee Ba'al, ngol waati.”

Hose'a 13:2

Hose'a wi'i: “Koo jonta boo yimɓe Efrayim ɗon tokko waɗugo hakke. Bee cardi maɓɓe ɓe ɗon mbaɗa suuraaji ɓolinaaɗi fodde hakkiilo maɓɓe. Labbi ɗi'i fuu, waɗooɓe sanaa'a mbaɗi ɗi. Ndaa ko yimɓe mbi'ata dow maɓɓe: Yimɓe lii'ooɓe kirseteeɗi ɗon kebbo nga'oy koy bee kunnduɗe boo.

Hose'a 2:5

To naa non, mi ɓortan mo fuu, o laato temmbo bana nyannde o danya. Mi laatinan mo bana ladde hamaadaare, mi laatinan mo harde yoornde, mi mbaran mo bee ɗomka.

Hose'a 4:11

Daakaareeku e inaboojam kiɗɗam e inaboojam kesam ittan hakkiilo.

Hose'a 8:4

Ɓe laamini laamiiɓe, ammaa naa dow umroore am. Ɓe ndarni ardiiɓe bilaa anndaaŋgal am. Ɓe mbaɗi labbi bee cardi e kaŋŋeeri maɓɓe. Bana nii Isra'iila ɗaɓɓiri halkere maɓɓe.

Habakuk 1:16

Ɓe ɗon lii'ano zubaawol kirseteeɗi, ɓe ɗon ngula uurle ngam arewal, ngam ɗum keɓni ɓe geɗal ɗuuɗŋgal e nyaamdu welndu.

Luka 15:13

Ɓaawo balɗe seɗɗa, ɓiɗɗo go sorri jawdi mum fuu, dilli lesdi ndaayiindi. O majjini jawdi maako bee yeeɗugo nder daakaareeku.

Roma'en 1:28

Nde ɓe cali anndititgo Allah, Allah yoofi ɓe ɓe tokko hakkiilooji maɓɓe paataaɗi, ɓe mbaɗa ko fottaay.

Tooktaaki Tawreeta 8:18

Ciftore Jawmiraawo, Allah mooɗon, ngam kaŋko riskini on bee hokkugo on semmbe. O waɗi ɗum ngam alkawal ngal o haɓɓi bee kaakiraaɓe mooɗon bee hunayeere haa wargo hannde.

Alkaali'en 9:27

Ɓe njehi haa gese inabooje maɓɓe, ɓe teɓi inabooje, ɓe ɓiɗɗi ɗe. Nden ɓe mbaɗi juulde seyo. Ɓe nasti suudu ɗowanteeɓe maɓɓe, ɓe nyaami, ɓe njari, ɓe naali Abimelek.