Hose'a 2:4 - Fulfulde Bible

⁴ “Ngulle daada mooɗon, ngulle mo! Ngam naa o debbo am, min boo naa mi goriiko. Sey o itta alaamaaji daakaareeku haa tiinde maako, o itta alaamaaji njeenu haa enɗi maako.

Fulfulde DC Bible

⁴ “Ngulle daada mooɗon, ngulle mo! Ngam naa o debbo am, min boo naa mi goriiko. Sey o itta alaamaaji daakaareeku haa tiinde maako, o itta alaamaaji njeenu haa enɗi maako.

Hose'a 2:4 Iomraidhean Croise

2 Laamiiɓe 9:22

Nde Yoram laari Yeehu, o ƴami mo: “Jam waddi ma na, Yeehu?” Yeehu jaabi: “Noy jam laatorto? Nde nii daada ma Izabel accaay waɗugo daakaareeku bee rewugo labbi e waɗugo boo hiilaaji ɗuuɗɗi.”

Esaaya 27:11

To lice leɗɗe njoori, ngewi, rewɓe ngaran, njamnan ɗe. Ngam ummaatoore nde'e nde walaa faamu. Ngam maajum tagɗo nde yurmintaa nde, baɗɗo nde hinnataako nde.

Esaaya 50:1

Ndaa nii Jawmiraawo wi'i: “Toy ɗereewol ceergal ngol mi seeri daada mooɗon bee maajum? Malla tokkiiɗo yam nyamaande moy coorrumi on haa muuɗum? Ndaa on coorraama ngam daliila zunuubaaji mon. Ngam daliila aybeeji mon daada mooɗon seeraama.

Esaaya 57:3

Ɓadite, onon ɓiɓɓe debbo hiilaajo, onon danygol jeenoowo, daakaareejo!

Yeremiya 13:14

Mi sampitan ɓe, oo dow oya, baabiraaɓe e ɓikkoy fuu. Mi enɗataa koo moy, mi yurmintaa koo moy, mi hinnataako koo moy. Walaa ko haɗatammi halkugo ɓe, non Jawmiraawo wi'i.”

Yeremiya 16:5

Jawmiraawo wi'i: “Taa nastu saare suniiɓe, koo ngam woyugo koo ngam de'itingo. Mi ittani ummaatoore nde'e salaaman am e mbooɗeeŋga am e enɗam am.

Ezekiyel 23:25

Mi rufan tikkere kaajal am dow ma, ngam maajum accanmi ɓe ɓe kiito ma bee tikkere. Ɓe ta'an kine ma e noppi ma, ɓe mbaran danygol ma bee kaafahi. Ɓe koo'an ɓiɓɓe ma worɓe e rewɓe, ko luttani ma boo, ɓe ngulan ɗum bee yiite.

Ezekiyel 8:18

Ngam maajum maatinanmi ɓe tikkere am. Mi laarataa ɓe bee enɗam, mi yurmintaa ɓe sam. Koo to ɓe mboyani yam bee sawtu, mi nanataa ɓe.”

Ezekiyel 9:10

Ngam maajum min boo mi enɗataa, mi yurmintaa. Mi lornan kuuɗe maɓɓe dow ko'e maɓɓe.”

Hose'a 1:2

Ndaa nii Jawmiraawo fuɗɗi wolwugo bee hunnduko Hose'a: O wi'i Hose'a: “Yah, te'u debbo daakaareejo, danydu ɓiɓɓe daakaareeku bee maako, ngam yimɓe lesdi am ɗon mbaɗa daakaareeku bee labbi, ɓe acci yam min Jawmiraawo.”

Hose'a 1:6

Debbo go reedi fahin, o danyi ɓiɗɗo debbo. Jawmiraawo wi'i Hose'a: “Inndu mo Lo-Ruhama, waato Enɗaaka, ngam mi tokkataako enɗugo laamu Isra'iila fahin, mi yaafataako ɓe sam.

Hose'a 5:7

Ɓe zammbi Jawmiraawo, ngam ɓe ndanyi ɓiɓɓe njaalu'en. Ammaa jonta, nder lewru wooru tan, ɓe kalkan, kamɓe bee jawdi maɓɓe.

Zekariya 1:12

Nden malaa'ikaajo Jawmiraawo wi'i: “Yaa Jawmiraawo honooɓe asama, ndey enɗata Urusaliima e gure Yahuuda? A tikkani ɗe duuɓi cappanɗe joweeɗiɗi jonta.”

Yuhanna 8:41

On ɗon kuuwa kuuɗe baaba mooɗon.” Ɓe mbi'i mo: “Minin min laataaki njaalu'en, min ngoodi Baabiraawo gooto, ɗum Allah.”

Roma'en 11:22

Ndaare mbooɗeeŋga Allah e caatal mum fuu. O ɗon saatana accuɓe mo, ammaa o ɗon woonana on nde on ɗon tabiti nder mbooɗeeŋga maako. To naa non, onon boo on ta'eteeɓe.

Roma'en 9:18

Ngam maajum Allah ɗon huuwa bana o muuyi: O hinnoto oo, o saatinan hoore oya.

Yaakuba 2:13

Ngam to goɗɗo walaa enɗam, Allah hiitoto mo bilaa enɗam. Ammaa marɗo enɗam hulataa kiita Allah.