Hose'a 2:20 - Fulfulde Bible

²⁰ Nyalaade maajum kaɓɓanmi alkawal ngam maɓɓe bee dabbaaji ladde e colli asama e ladooji dow lesdi, mi yewan lagaawal e kaafahi, mi timminan haɓre nder lesdi, haa ɓe keɓa siwtaago nder de'ere.

Fulfulde DC Bible

²⁰ Nyalaade maajum kaɓɓanmi alkawal ngam maɓɓe bee dabbaaji ladde e colli asama e ladooji dow lesdi, mi yewan lagaawal e kaafahi, mi timminan haɓre nder lesdi, haa ɓe keɓa siwtaago nder de'ere.

Hose'a 2:20 Iomraidhean Croise

Laataanooji 9:10

e marɗum yoŋki gonduɗum bee mooɗon fuu, colli e dabbaaji saare malla ɗi ladde, ko wurti koommbowal bee mooɗon fuu e dabbaaji gonɗi dow lesdi fuu.

Esaaya 2:4

O laatoto kiitoowo hakkunde ummaatooje, non boo caka le'i ɗuuɗɗi. Bee kaafaaje maɓɓe ɓe tappiran baaneeje, bee labbe maɓɓe boo bafɗi. Walaa ummaatoore meetata ɓaŋgtugo kaafahi dow ummaatoore woɗnde, ɓe meetataa ekkitaago haɓre.

Esaaya 62:4

A meetataa wi'eego: Accaaɗo. Ɓe meetataa wi'ugo lesdi ma: Geewaaɗo. Ammaa ɓe mbi'ete: Ceynanɗo Jawmiraawo, lesdi ma boo: Te'aaɗo. Ngam Jawmiraawo seyorto ma, o laatanto lesdi ma bana ɓaŋɗo.

Yeremiya 24:7

Mi hokkan ɓe faamu ngam anndugo min woni Jawmiraawo. Nden ɓe laatoto ummaatoore am, min boo mi laatoto Allah maɓɓe, ngam ɓe lortoto haa am bee ɓernde woore.

Yeremiya 30:10

Onon yimɓe danygol suka am Yaakubu, taa kule! Onon yimɓe Isra'iila, taa kultore! Ndaa mi hisnan on e lesdi ndaayiindi ndi daheeki, ndi laatiiɗon haɓɓaaɓe e muuɗum. Danygol Yaakubu wartan, jooɗoto bee jam e de'ere, walaa kulnanɗo ɓe.”

Yeremiya 32:41

Mi seyorto woonango ɓe. Bee ɓernde am e muuyo am fuu tabitinanmi ɓe bee hoolaare nder lesdi ndi'i.

Yeremiya 9:24

Jawmiraawo wi'i: “Saa'i ɗon wara haa mi hiito koo ɓeye juulnaaɓe fuu haa ɓalli muuɗum'en,

Ezekiyel 16:62

Min mi haɓɓan alkawal bee maaɗa, an boo a faaman min woni Jawmiraawo,

Ezekiyel 16:8

Kadiboo mi saali, mi laari ma. Mi yi'i a heewti, a he'i te'eego. Mi we'iti alkibbaare am dow maaɗa ngam wiirnugo temmbuki ma. Nden mi hunani ma, mi haɓɓi alkawal bee ma, a laati te'aaɗo am.” Non Allah Jawmiraawo wi'i.

Ezekiyel 34:25

Mi haɓɓan alkawal salaaman bee maɓɓe. Mi nattinan dabbaaji kalluɗi diga lesdi, haa baali am nguura nder ladde, ɗi mbaalo nder layɗe bee jam.

Ezekiyel 34:27

Leɗɗe e gese ndiman ɓiɓɓe, koo moy jooɗoto jam nder lesdi mum. Mi rimɗinan yimɓe am diga juuɗe ɓilluɓe ɓe, mi yewan kaɓɓirɗe maɓɓe. Nden kam ɓe paaman min woni Jawmiraawo.

Ezekiyel 38:23

Yeeso ummaatooje ɗuuɗɗe mbaŋginanmi mi mawɗo, ceniiɗo. Nden ɓe paaman min woni Jawmiraawo.”

Hose'a 13:4

Min mi Jawmiraawo, Allah mooɗon diga on ɗonno haa lesdi Misra tawon. On anndaa ɗowanteeɗo feere, sey min, on ngalaa kisnoowo feere sonaa min!

Hose'a 2:19

Mi ittan inɗe Ba'alji nder hunnduko maaɗa, walaa mo siftorta inɗe maaji fahin.

Hose'a 6:6

Ngam mbooɗeeŋga ngiɗmi, naa kirseteeɗi. Anndal Allah ngiɗmi, naa guleteeɗi.

Farillaaji Lewi'en 26:5

Alkamaari mon ɗuuɗan masin. Hiddeko on timmina fiyugo ndi, on ittan inabooje. Diga on timminaay teɓugo inabooje tawon, saa'i aawugo yaaltan. On nyaaman, on kaaran, on njooɗoto jam nder lesdi mon.

Farillaaji Lewi'en 26:6

Mi hokkan on salaaman nder lesdi mon. On mbaaloto jam, walaa kulnanɗo on. Mi nattinan dabbaaji mbarooji nder lesdi, konu meetataa laataago nder lesdi mon.

Mika 4:3

O laatoto kiitoowo hakkunde jama'aaje ɗuuɗɗe, o ta'anan ummaatooje cemmbiɗɗe daayiiɗe kiita. Kaafaaje maɓɓe, ɓe tappiran baaneeje, labbe maɓɓe boo bafɗi. Ummaatoore ɓaŋgtataa kaafahi dow ummaatoore woɗnde. Ɓe meetataa ekkitaago haɓre.

Zekariya 9:10

O nattinan mootaaji pucci konu nder Efrayim, non boo pucci konu nder Urusaliima. O yewan lagaaje konu fuu. O tabitinan salaaman caka ummaatooje. Laamu maako yaajan diga mbeela nga'a haa ngaya, diga maayo Efratis haa keeri duniyaaru.

Matta 11:27

Nden o wi'i: “Baabiraawo am halfini yam kuuje fuu. Walaa annduɗo Ɓiɗɗo sonaa Baabiraawo, walaa annduɗo Baabiraawo boo sonaa Ɓiɗɗo e mo Ɓiɗɗo yiɗi waŋginango mo fuu.

Luka 10:22

Baabiraawo am halfini yam kuuje fuu. Walaa annduɗo moy woni Ɓiɗɗo sonaa Baabiraawo, walaa annduɗo boo moy woni Baabiraawo, sonaa Ɓiɗɗo e mo Ɓiɗɗo yiɗi waŋginango mo ɗum.”

Yuhanna 17:3

Ndaa ko woni ngeendam nduumiiɗam: Ɓe annda an woni Allah gooto, gooŋgaajo, ɓe annda boo Yeesu Almasiihu, nelaaɗo ma.

Yuhanna 8:55

Ammaa on anndaa mo, min mi anndi mo. To mi wi'no mi anndaa mo, mi laatotono pewoowo bana mooɗon. Ammaa mi anndi mo, mi ɗon ɗowtano bolle maako.

2 Korintu'en 4:6

Ngam Allah mo wi'no: “Sey annoora yayna nder nyiɓre”, acci annoora mum yayna nder ɓerɗe amin boo, ngam haa min annda tedduŋgal maako jaynanŋgal dow yeeso Almasiihu.

Filippi'en 3:8

Naa kuuje ɗe'e tan, ammaa mi ɗon laara koo ɗume fuu bana asar, ngam mi heɓi ko ɓuri ɗum fuu: Ɗum anndugo Yeesu Almasiihu, Jawmiraawo am. Ngam daliila maako ngudinmi koo ɗume fuu. Mi ɗon laara ɗum bana mbuuwri meere, ngam haa mi heɓa Almasiihu,

Kolossi'en 1:10

Nden kam on mbaawan yeeɗugo ngeendam pottananɗam Jawmiraawo tum, kuuɗe mon booɗɗe fuu mbaŋginan nafuuda, on ɓesdoto anndugo Allah boo,

2 Timote 1:12

Ngam daliila man, mi ɗon yara boneeji ɗi'i. Ammaa ɗi cemtintaa yam, ngam mi anndi mo nuɗɗinmi. Mi ɗon hooli mo o baawɗo aynugo ko o halfini yam, haa to nyalaade kiita wari.

Ibraniŋke'en 8:11

Walaa haaje goɗɗo ekkitina keeddiɗɗum malla deerɗum, wi'a ɗum: Anndu Jawmiraawo. Ngam ɓe fuu ɓe anndatam, diga leesɗo maɓɓe haa mawɗo maɓɓe.

1 Yuhanna 4:6

Ammaa enen en yimɓe Allah. Annduɗo Allah nanan en. Mo laataaki mo Allah, nanantaa en. Bana nii en cenndindirta Ruuhu gooŋga bee ruuhu fewre.

1 Yuhanna 5:20

En anndi boo Ɓiɗɗo Allah wari, hokki en faamu ngam anndugo Allah gooŋgaajo. En ɗon nder kawtal bee Allah gooŋgaajo e bee Ɓiɗɗo mum Yeesu Almasiihu. Kaŋko woni Allah gooŋgaajo e ngeendam nduumiiɗam.