Hose'a 14:3 - Fulfulde Bible

³ Lorte haa Jawmiraawo, mbolwane mo. Mbi'e mo: “Yaafana min aybe fuu, yerda min, dow min ngaddane ga'i kirseteeɗi, min ngaddante gettooje!

Fulfulde DC Bible

³ Lorte haa Jawmiraawo, mbolwane mo. Mbi'e mo: “Yaafana min aybe fuu, yerda min, dow min ngaddane ga'i kirseteeɗi, min ngaddante gettooje!

Hose'a 14:3 Iomraidhean Croise

2 Habaruuji Nyalaaɗe 16:7

Saa'i man Hanani, gi'oowo wari haa Asa, laamiiɗo Yahuuda, wi'i mo: “A ɓaari laamiiɗo Siriya, a ɓaaraaki Jawmiraawo Allah ma. Ngam man jama'aare konu laamiiɗo Siriya daɗi ma.

Jabuura 10:14

A yi'i ɗum, ngam a ɗon laara torra e bone yimɓe, a taaskake wallugo ɓe. Tampuɗo halfinan hoore mum haa juŋngo ma, ngam an woni balloowo atiime'en fuu.

Jabuura 146:3

Taa koole mawɓe, taa koole ɓiɓɓe Aadama ɓe mbaawataa hisnugo on.

Jabuura 146:9

Jawmiraawo aynan jananɓe, o wallan atiime'en e rewɓe yurumɓe. Ammaa o yibbinan dabareeji halluɓe.

Jabuura 33:17

Hoolaago baawɗe pucci ngam heɓugo jaalorgal, ɗum huunde meere, no semmbe maaji ɗuuɗiri fuu, ɗi mbaawataa hisnugo.

Jabuura 68:5

Ngimane Allah, maŋgte innde maako! Taaskitine laawol ngam Allah ba'iiɗo duule! Innde maako Jawmiraawo, ceye yeeso maako!

Esaaya 1:29

On cemtan ngam on ndewi labbi les leɗɗe mawɗe, on keewan semteende daliila jarne labbi ɗe cuɓɗon.

Esaaya 2:20

Nyalaade man yimɓe koo'an labbi muuɗum'en ɗi cardi e kaŋŋeeri, ɗi ɓe mbaɗino ngam sujidango ɗi, ɓe cakkina ɗi caka doombi e bilwili.

Esaaya 27:9

Ndaa nii yaafuye hakkeeji danygol Yaakubu heɓrete e ndaa nafuuda maare boo: Ɓe naman kaa'e kirsirɗe fuu bana ɓe namirta kaa'e daneeje, ɓe ittan daŋraŋge Asera e gulduɗe uurle fuu, ɗe meetataa darneego.

Esaaya 30:16

On mbi'i: Naa non! Ammaa min ndoggan bee pucci. Nonnon nii, on ndoggan! On mbi'i: Min mba'oto pucci jaawɗotooɗi. Nonnon nii, taasnooɓe on njaawɗoto ko ɓuri on!

Esaaya 30:2

Ɓe ɗon njippo haa Misra bilaa ƴamugo muuyo am. Ɓe ɗon ndogga haa aynol Firawna, ɓe ɗon ɗaɓɓita hisrude les ɗowdi Misra.

Esaaya 31:1

Bone laatanto yahanɓe haa Misra ngam ɗaɓɓititgo ballal. Ɓe ɗon tuugo dow pucci, ɓe ɗon koolo mootaaji pucci Misra ngam ɗi ɗuuɗɗi e wa'iiɓe pucci ɓe'e ɓe semmbiɗɓe. Ammaa ɓe tijjataako heedi Ceniiɗo Isra'iila, ɓe ƴamataa Jawmiraawo.

Esaaya 31:3

Ngam Misra'en ɓe yimɓe, ɓe laataaki Allah. Pucci maɓɓe ɗum pucci tan, naa ruuhu. To Jawmiraawo forti juŋngo mum, balloowo fergoto, ballaaɗo do'oto, hawtaade maɓɓe ɓe kalkidan.

Esaaya 36:8

Kadi, narru bee jaagorɗo am, laamiiɗo Assuura. Mi hokkete pucci ujine ɗiɗi, to a woodi wa'otooɓe ɗi.

Yeremiya 49:11

Acce atiime'en mon, mi wuurnan ɓe. Rewɓe yurumɓe caka mooɗon boo koolo yam.”

Ezekiyel 36:25

Mi wiccan ndiyam laaɓɗam dow mooɗon ngam laɓɓingo on diga coɓe mon e labbi mon fuu.

Ezekiyel 37:23

Ɓe meetataa soɓnugo ko'e maɓɓe bee labbi maɓɓe malla kuuɗe maɓɓe nyidduɗe malla aybeeji maɓɓe. Mi hisnan ɓe diga gudinki nuɗɗinki maɓɓe fuu. Mi laɓɓinan ɓe ngam ɓe laato ummaatoore am, min boo mi laato Allah maɓɓe.

Hose'a 12:1

Efrayim taarni Jawmiraawo bee pewe. Isra'iila taarni mo bee rikici. Yahuuda ɗon wondi bee Allah, ammaa o ɗon ɗakkotiri boo bee ɗowanteeɓe jananɓe.

Hose'a 13:2

Hose'a wi'i: “Koo jonta boo yimɓe Efrayim ɗon tokko waɗugo hakke. Bee cardi maɓɓe ɓe ɗon mbaɗa suuraaji ɓolinaaɗi fodde hakkiilo maɓɓe. Labbi ɗi'i fuu, waɗooɓe sanaa'a mbaɗi ɗi. Ndaa ko yimɓe mbi'ata dow maɓɓe: Yimɓe lii'ooɓe kirseteeɗi ɗon kebbo nga'oy koy bee kunnduɗe boo.

Hose'a 14:8

Yimɓe Isra'iila ngartan, njooɗoto fahin haa ɗowdi muuɗum, ɓe ndeman alkamaari, ɓe mbaɗan pinndi bana inabohi, ɓe maran innde woonde bana inaboojam Libanon.

Hose'a 2:17

Diga ton boo mi hokkitan mo gese inabooje maako, mi waylitan waadiwol Akor, ngol laatano mo nastirde tammunde. Ton o jaaboto ewnaandu am bana nder nyalɗe o paanyono, nde o wartino diga lesdi Misra.”

Hose'a 4:12

Ummaatoore am ɗon ƴama labbi maare ɗi leggal, nde ɗon sarwo sawru hatti maare. Ngam ruuhu daakaareeku majjini nde, haa nde waɗi njeenu dow Allah maare, nde tuurtani mo.

Hose'a 5:13

Efrayim yi'i nyawu muuɗum, Yahuuda boo yi'i huuduure muuɗum. Nden Efrayim yehi Assuura, neldi laamiiɗo mawɗo habaru. Ammaa kaŋko o waawataa yamɗitingo on, o waawataa hurgugo huuduure mooɗon.

Hose'a 7:11

Efrayim laati bana poola kumiiŋga nga walaa hakkiilo. Ɓe ewni Misra ngam ballal, ɓe njehi haa Assuura boo.

Hose'a 8:6

Gaggel man iwi haa Isra'iila, baɗoowo sanaa'a waɗi ɗum. Ngel laataaki Allah. Ngam man, gaggel Samariya sampititto.

Hose'a 8:9

Ɓe njehi haa Assuura, bana wamnde ladde feere maare. Efrayim soodi waaye'en.

Yonas 2:10

Ammaa min mi lii'ante kirseteeɗi, bee gime gettooje. Mi hokkan ko togiimi. Kisndam ɗon haa Jawmiraawo!”

Zekariya 13:2

Jawmiraawo honooɓe asama wi'i: “Saa'i man nattinanmi inɗe labbi nder lesdi, ngam taa goɗɗo siftora ɗe. Mi nattinan boo fewooɓe wi'anɓe ɓe annabi'en e ruuhu coɓki nder lesdi.

Yuhanna 14:18

Mi accataa on bana atiime'en, mi loroto haa mooɗon.

Tooktaaki Tawreeta 17:16

Taa laamiiɗo mara pucci ɗuuɗɗi. Taa o lorna ummaatoore haa Misra boo ngam heɓoygo pucci ɗuuɗɗi. Ngam Jawmiraawo wi'i on: Taa lorte ton sam.