Hose'a 13:13 - Fulfulde Bible

¹³ Luuwe danyanɗo ngaranan mo, ammaa o ɓiɗɗo sooya-hakkiiloojo, ngam to saa'i man waɗi, o wurtataako danyrugol.

Fulfulde DC Bible

¹³ Luuwe danyanɗo ngaranan mo, ammaa o ɓiɗɗo sooya-hakkiiloojo, ngam to saa'i man waɗi, o wurtataako danyrugol.

Hose'a 13:13 Iomraidhean Croise

2 Laamiiɓe 19:3

Ɓe mbi'i mo: “Ndaa ko Hezekiya wi'i: Nyalaade nde'e ɗum nyalaade ɓillaare e feloore e toskaare ngam amin, bana to nyalaade danyugo yotti, ammaa semmbe danyugo walaa.

Jabuura 48:6

Ɓe ndaari ngol, ɓe kayɗini, ɓe kultori, law ɓe ndoggi!

Balndi 22:3

Kakkilɗo to yi'i sarru, o nyukkoto, ammaa sooya-anndal'en tokkitinan laawol, ɓe naawnoto.

Esaaya 13:8

Ɓe caklake, naawɗum ukkani ɓe, ɓe ɗon njaŋngito bana ɓesnanɗo, ɓe ɗon cutindira, ɓe kayɗini, geese maɓɓe ɗon nguli jaw.

Esaaya 21:3

Ngam man keeci am tampi, naawreeŋga naŋngi yam bana luuwe ɓesnanɗo. Mi sakli, mi huli haa mi waawaay nanugo e yi'ugo.

Esaaya 26:17

Bana reeduujo ɓadiiɗo danyugo ɗon ɓoslo, ɗon woya nder luuwe muuɗum, non min laatori yeeso maaɗa, yaa Jawmiraawo.

Esaaya 37:3

Ɓe mbi'i mo: “Ndaa ko Hezekiya wi'i: Nyalaade nde'e ɗum nyalaade ɓillaare e feloore e toskaare ngam amin, bana to nyalaade danyugo yotti, ammaa semmbe danyugo walaa.

Esaaya 66:9

Kadi to mi yottini debbo haa wakkati luuwe mum, nden mi haɗan mo danyugo na?” Nii Jawmiraawo wi'i. “Min hokkata yoŋki, kadi mi maɓɓan danyrugol na?” Nii Allah wi'i.

Yeremiya 13:21

A woowi bee jananɓe bana sooba'en maaɗa. Ɗume mbi'ata to Jawmiraawo laamini ɓe dow maaɗa? Saa'i man luuwe naŋngete bana ɗe debbo ɓesnanɗo.

Yeremiya 22:23

A ɗon hoolɗina caka leɗɗe booɗɗe iwɗe Libanon. Ammaa a uuman, saa'i luuwe naŋngete bana ɗe ɓesnanɗo.”

Yeremiya 30:6

Ƴame goɗɗo: Gorko meeɗi ɓesnugo na? Ngam ɗume mi ɗon yi'a worɓe fuu bee juuɗe muuɗum'en dow keeci muuɗum'en, kal-kal bee debbo ɓesnanɗo? Ngam ɗume geese maɓɓe purɗi?

Yeremiya 4:31

Mi ɗon nana daande bana nde debbo ɓesnanɗo, wookaandu boo bana ndu danyanɗo afo mum. Ɗum berniwol Urusaliima, ngol ɗon laaha, ngol weeɗi juuɗe maagol, ngol ɗon woya: Kayto! Mi natti! Yoŋki am hokkaama haa juuɗe mbarooɓe.”

Yeremiya 49:24

Yimɓe Damas tampi, ngayliti haa ndogga nder kulol. Mettamɓeram e naawreeŋga naŋngi ɓe, bana luuwe naŋngirta ɓesnanɗo.

Hose'a 5:4

Kuuɗe maɓɓe ɗon kaɗa ɓe loraago haa Allah maɓɓe, ngam ruuhu daakaareeku ɗon caka maɓɓe, ngam ɓe anndaa yam min Jawmiraawo.

Yuhanna 16:21

To debbo reeduujo ɓadake ɓesnugo, o sunoto ngam saa'i torra warani mo. Ammaa to o ɓesni, o yejjitan bone man ngam daliila seyo, ngam o danyi neɗɗo haa duniyaaru.

Yuhanna 5:4

ngam saa'i feere malaa'ikaajo Jawmiraawo ɗon jippo nder weendu man, dimmba ndiyam. Nyawɗo mo aarti nastugo ndiyam ɓaawo ɗam dimmbake fuu, yamɗiti nyawu muuɗum koo nguye fuu.]

Kuuɗe Nelaaɓe 24:25

Ammaa nde Pol wolwi dow adilaaku e naŋgtaare e kiita ngaranka, Felikus hultori, wi'i: “He'i jonta kam, dillu! To mi heɓi wakkati, mi ewnete fahin.”

2 Korintu'en 6:2

Ngam o wi'i: “Wakkati mo'ere mi jaɓi tornde ma, nyalaade kisndam mi walli ma.” Ndaa, jonta woni wakkati mo'ere, hannde woni nyalaade kisndam!

Tooktaaki Tawreeta 32:6

Bana non ngettirton Allah na? Onon faataaɓe ɓe ngalaa hakkiilo! Naa kaŋko woni Baabiraawo mooɗon, tagɗo on, tabitinɗo on haa on laato ummaatoore?

1 Tessaloniiki'en 5:3

Wakkati yimɓe mbi'ata: “Salaaman ɗon! Hoolɗinaare ɗon!” Nden halkere ukkanto ɓe bana luuwe ngaranta ɓesnanɗo. Ɓe ndaɗataa sam.