Hose'a 11:8 - Fulfulde Bible

⁸ An Efrayim, noy mbaawranmi accugo ma? An Isra'iila, noy mbaawranmi yoofugo ma? Noy mbaawranmi waɗango ma ko mi waɗani wuro Adama? Noy mbaawranmi laatingo ma bana wuro Ceboyim? Ɓernde am saklake, yurmeende heewi ɓernde am.

Fulfulde DC Bible

⁸ An Efrayim, noy mbaawranmi accugo ma? An Isra'iila, noy mbaawranmi yoofugo ma? Noy mbaawranmi waɗango ma ko mi waɗani wuro Adama? Noy mbaawranmi laatingo ma bana wuro Ceboyim? Ɓernde am saklake, yurmeende heewi ɓernde am.

Hose'a 11:8 Iomraidhean Croise

Laataanooji 14:8

Nden laamiiɓe Sodoma e Gomorra e Adama e Ceboyim e Bela, waato Co'ar, ɓe fuu ɓe ngurti, ɓe taaskani konu nder waadiwol Sidim.

2 Samuyila 24:16

Nde malaa'ikaajo forti juŋngo mum dow Urusaliima ngam haa o halka ngol boo, Jawmiraawo faasiti waɗugo sarru. O wi'i malaa'ikaajo kalkanɗo yimɓe: “He'i! Ittu juŋngo ma jonta.” Malaa'ikaajo Jawmiraawo ɗon dari haa laarre Arawna Yebusiijo.

1 Laamiiɓe 3:26

Nden daada ɓiŋngel geetel, tori laamiiɗo, ngam ɓernde maako yurmini ɓiyiiko. O wi'i: “Useni, barkaama, ndokke mo ɓiŋngel geetel, taata mbare ngel!” Ammaa oya wi'i: “Koo min koo an, walaa koo gooto heɓata ngel, cennde ngel.”

2 Laamiiɓe 13:23

Ammaa Jawmiraawo mo'ani ɓe, o enɗi ɓe fahin, ngam daliila alkawal maako bee Ibrahiima e Isiyaaku e Yaakubu. O yiɗaa halkugo ɓe. Haa wargo saa'i maajum o wudinaay ɓe daayiiɗum e maako.

2 Habaruuji Nyalaaɗe 36:15

Nde ɗuuɗɗum Jawmiraawo Allah kaakiraaɓe maɓɓe nelani ɓe nelaaɓe mum, ngam o yurmini yimɓe maako e jooɗorde maako.

Jabuura 106:45

O siftori alkawal ngal o haɓɓi bee maɓɓe, o faasiti ɓernango ɓe daliila mbooɗeeŋga maako ɗuuɗŋga.

Esaaya 16:11

Mi ɗon uuma ngam Mo'ab, ɓernde am ɗon woya ngam Kir-Heeres.

Esaaya 63:15

Yaa Jawmiraawo, gonɗo haa asama, laar jooɗorde ma woonde seniinde! Toy yiide ma haajunde e cuusal ma? A salani min hinnuye ma e enɗam ma!

Yeremiya 18:8

Ammaa to ummaatoore man wayliti, acci halleende muuɗum, nden kam mi faasitan waɗugo kalluɗum ko mbi'mi dow maare.

Yeremiya 3:12

Yah, wooynu bolle ɗe'e gal woyla: Jawmiraawo wi'i: An Isra'iila gudinɗo nuɗɗinki, lorta! Mi acci laarugo on bee tikkere, ngam mi koolniiɗo, mi tikkataa haa foroy.” Non Jawmiraawo wi'i.

Yeremiya 31:20

An Efrayim, a ɓiɗɗo am giɗaaɗo, a ɓiŋngel am ngel ɓurmi yiɗgo. Nde ngiɗmi felugo ma fuu, mi siftoran no mi yiɗiri ma. Ngam maajum ɓernde am ɗon waylo nder am, mi hinnoto ma fakat.” Non Jawmiraawo wi'i.

Yeremiya 42:10

To on tokkake jooɗaago nder lesdi ndi'i, nden kam mi tabitinan on, mi nattintaa on, mi juboto on, mi ɗoofataa on. Ngam mi mimsitan sarru ngu mi ukkani on.

Yeremiya 9:6

Ngam maajum Jawmiraawo honooɓe asama wi'i: “Mi foondan ɓe, mi ɓolinan ɓe bana njamndi haa mi laara to ɓe gooŋga'en malla naa non. To naa non, noy mbaɗanmi ummaatoore am fahin?

Yeremiya 9:7

Ɗemɗe maɓɓe nanndi bee kuri mbarooji, ɗe ɗon mbolwa fewjere. Koo moy ɗon wolwana keeddiɗɗum haala jam, ammaa ɓernde maako ɗon tuufana mo tuuforli.

Gimi Boyki 1:20

Yaa Jawmiraawo, laar ɓillaare am, teteki am ɗon ngula, ɓernde am ta'i ngam daliila tuurtol am. Kaafahi mbari ɓikkoy am haa yaasi, waade nasti cuuɗi fuu.

Gimi Boyki 3:32

Ɓaawo o sunni en, o hinnoto en boo fodde mo'e maako ɗuuɗɗe.

Gimi Boyki 3:33

O seyortaako torrugo ɓiɓɓe Aadama.

Ezekiyel 33:11

Yeccu ɓe: Fakat bana min Allah Jawmiraawo mi geeto, mi seyortaako maayde kalluɗo. Mi yiɗi o acca yahdu maako hallundu, o yeeɗa. Onon Isra'iila'en, acce laabi mon kalluɗi! Koni ngiɗɗon maayugo?

Ezekiyel 6:9

To ɓe dahaama, ɓe ciftortam. Ngam maajum mi naawnan ɓerɗe maɓɓe daliila daakaareeku maɓɓe ngam ɓe ngayliti ɓe acci yam. Mi ɗelminan gite maɓɓe accuɗe tijjugo yam ngam tokkaago labbi. Nden kam ɓe nganyan halleende maɓɓe e kuuɗe maɓɓe nyidduɗe fuu.

Hose'a 6:4

Jawmiraawo wi'i: “An Efrayim, ɗume mi waɗante? An Yahuuda, ko mbaɗanmi ngam ma? Mbooɗeeŋga mooɗon ɗon nanndi bee ruulde fajiri, bana saawawre fajiri sottannde law.

Hose'a 7:1

Jawmiraawo wi'i: “Nde ngiɗmi nyawndugo Isra'iila fuu, aybe Efrayim e kuuɗe Samariya kalluɗe mbaŋgi. Ngam ɓe ɗon pewja. Wuyɓe ɗon nasta cuuɗi, fasooɓe ɗon njaɓta dow laabi.

Amos 4:11

“Mi halki woɗɓe mooɗon bana mi halkiri Sodoma e Gomorra. On laati bana leggel jamnaaŋgel ngel goɗɗo wurtini diga yiite. Bee non fuu, on lortaaki haa am.” Non Jawmiraawo wi'i.

Amos 7:3

Jawmiraawo faasiti waɗugo sarru. O wi'i: “Ɗum laatataako!”

Amos 7:6

Jawmiraawo Allah faasiti waɗugo sarru. O wi'i: “Kanjum boo ɗum laatataako!”

Mika 5:3

Kaŋko o ummoto, o dura tokkere maako bee baawɗe Jawmiraawo, bee maŋngu innde Jawmiraawo Allah maako. Ɓe njooɗoto jam ngam laamu maako mawnan haa yotto keeri duniyaaru.

Sefaniya 2:9

Ngam maajum min Allah mo Isra'iila'en cujidanta ɗum wi'i: Fakat bana mi geeto lesdi Mo'ab laatoto bana Sodoma, lesdi Ammooni'en boo bana Gomorra. Lesɗe ɗe'e laatoto nokkuure gi'e e wasarde mannda, ladde yeewnde haa foroy. Yimɓe am luttanɓe njaɓtan ɓe, luttuɗum ummaatoore am martan mardi maɓɓe.”

Matta 23:37

“Urusaliima! Urusaliima! A mbari annabi'en, a fiɗi nelaaɓe ɓe Allah neli haa ma bee kaa'e. Nde ɗuuɗɗum mi yiɗino mooɓtugo yimɓe ma, bana no gertogal mooɓtirta ɓikkoy mum les bileeji mum, ammaa on cali.

Tooktaaki Tawreeta 29:22

Gese laatoto ladde meere, ɗe cuddirteeɗe mannda e baruudu. Walaa mo aawata ton. Koo geene boo puɗataa ton. Gure mon nanndan bee Sodoma e Gomorra e Adama e Ceboyim, ɓaawo Jawmiraawo nattini ɗe bee tikkere mum saatunde.

Tooktaaki Tawreeta 29:23

Nden ummaatooje fuu ƴaman: Ngam ɗume Jawmiraawo waɗi lesdi mum bana nii? Ngam ɗume tikkere maako saati?

Tooktaaki Tawreeta 32:36

Ngam Jawmiraawo hiitanto ummaatoore mum, o hinnoto jaggiiɓe maako. Ngam o yi'i ɓe ɗon tampa, maccuɓe e rimɓe maɓɓe fuu njinni.

2 Piyer 2:6

Allah hiiti gure Sodoma e Gomorra, nattini ɗe e laatini ɗe doɗɗe. Ɗum laatani halluɓe ɓe'e misaalu ko tammi heɓugo ɓe.

Yahuuda 1:7

Bana non boo Sodoma e Gomorra bee berniiji piltuɗi. Yimɓe maaji mbaɗi bana malaa'ika'en go mbaɗi, ɓe tokki waɗugo daakaareeku, ɓe mbaɗi baaldal ngal luuti ɗabiya. Kiita yiite duumiiŋge ɗon torra ɓe, ɗum laati deentinki ngam yimɓe fuu.

Wahayu Yuhanna 11:8

Ɓalli maɓɓe mbaaloto haa daldal berniwol maŋngol, maana innde maagol Sodoma e Misra, haa ton boo ɓe ɓilno Jawmiraawo maɓɓe dow leggal gaafaaŋgal.

Wahayu Yuhanna 18:18

ɓe ngooki nde ɓe ngi'i cuurɗe guleeki maagol, ɓe mbi'i: “Walaa berniwol feere fotino bee berniwol maŋngol ngo'ol!”

Alkaali'en 10:16

Ɓe itti ɗowanteeɓe jananɓe caka maɓɓe, ɓe njaggani Jawmiraawo. Ngam maajum o yurmini Isra'iila'en nder ɓillaare maɓɓe.