Hose'a 11:6 - Fulfulde Bible

⁶ Konne'en ukkanto berniiji maɓɓe, ɓe ngewan palduɗe maɓɓe, nattinan ɓe ngam daliila nufayeeje maɓɓe.

Fulfulde DC Bible

⁶ Konne'en ukkanto berniiji maɓɓe, ɓe ngewan palduɗe maɓɓe, nattinan ɓe ngam daliila nufayeeje maɓɓe.

Hose'a 11:6 Iomraidhean Croise

Jabuura 106:39

Ɓe coɓni ko'e maɓɓe bee kuuɗe maɓɓe, ɓe ɗakkotiri bee labbi, ɓe kuuwi kuuɗe kalluɗe.

Jabuura 106:43

Nde ɗuuɗɗum Jawmiraawo hisni ɓe, ammaa ɓe tokki tuurtango mo, ɓe tullitini waɗugo aybeeji.

Esaaya 18:5

Ngam hiddeko ɓe itta inabooje, to pinndi saami, rimi ɓiɓɓe ɓenndanɗe, Jawmiraawo halkan ɓe bana goɗɗo ta'irta lice kese e lice bilitanɗe.

Esaaya 27:10

Walaa koo gooto haa berniwol cemmbiɗŋgol. Ngol laati jooɗorde accaande, ferewnde bana ladde hamaadaare. Ga'i ɗon ndura ton, ɗi ɗon mbaalo ton, ɗi ɗon nyaama huɗo wonko ton.

Esaaya 30:1

Jawmiraawo wi'i: “Bone laatanto Yahuudu'en tuurtuɓe dow am! Ɓe kooci anniyaaji ɗi iwaay haa am, ɓe kaɓɓi alkawal luutŋgal Ruuhu am, haa ɓe mbaaga hakke dow hakke.

Esaaya 9:14

Ndottiijo e tedduɗo, kamɓe ngoni hoore. Annabiijo ekkitinanɗo fewre, kaŋko woni wicco.

Yeremiya 5:17

Nde nyaaman nafuuda gese mooɗon e nyaamdu mooɗon. Nde nyaaman ɓiɓɓe mon worɓe e rewɓe, nde nyaaman dammooji mooɗon e na'i mooɗon, nde nyaaman inabooje mooɗon e ibbe mooɗon. On ɗon koolo berniiji mooɗon cemmbiɗɗi, ammaa ummaatoore nde'e halkan ɗi bee kaafahi.

Yeremiya 50:35

Jawmiraawo wi'i: “Kaafahi waran dow Kaldiya'en, dow jooɗiiɓe haa Baabila e ardiiɓe maagol e hikma'en maagol.

Gimi Boyki 2:9

Dammuɗe berniwol ngibbi, o sampiti jamɗe palduɗe maaje. Laamiiɗo e saraaki'en ɗon caka saadooni'en, dooka walaa, annabi'en boo keɓataa wahayuuji diga Jawmiraawo fahin.

Hose'a 10:14

Ngam man fitina ummoto caka ummaatoore mooɗon. Berniiji mooɗon cemmbiɗɗi fuu mbilete, bana laamiiɗo Salman wiliri Bayti-Arbeel nder nyalaade konu, nde o dirɓi daadiraaɓe dow ɓikkoy muuɗum'en.

Hose'a 10:6

Konne'en njahran ngel haa Assuura, ngel laatoto dokkal ngam laamiiɗo mawɗo. Efrayim semtan, Isra'iila toskoto ngam daliila anniyaaji muuɗum.

Hose'a 4:16

Isra'iila laati saata-hooreejo bana nagge. Jonta min Jawmiraawo mi duran ɗum bana bortel nder ngaynaaka njaaska na?

Hose'a 4:17

Yimɓe Efrayim ɗakkotiri bee labbi. Acce ɓe!

Farillaaji Lewi'en 26:25

Mi ukkan kaafahi dow mooɗon, mi waatoto on ngam on piisti alkawal bee am. To on ɗaɓɓiti hisrude nder berniiji mon, mi nyawnan on nyawu kalluŋgu ndaaɓoowu, mi hokkan on haa juuɗe konne'en mon.

Farillaaji Lewi'en 26:31

haa mi laatina berniiji mon bille. Mi yibbinan cuuɗi mon cenaaɗi, mi jaɓataa uureeŋgol kirseteeɗi mon.

Farillaaji Lewi'en 26:33

Mi saŋkitan on nder ummaatooje goɗɗe, mi fartan on bee kaafahi losaaki. Lesdi mon laatoto ladde meere, berniiji mon laatoto bille.

Amos 6:8

Jawmiraawo Allah hunori bee hoore muuɗum: Ndaa ko Jawmiraawo Allah honooɓe asama wi'i: “Mi ɗon wanya mawnitaare yimɓe Yaakubu, mi ɗon wanya cuuɗi maɓɓe cemmbiɗɗi. Ngam man njoofanmi berniwol e ko woni nder maagol fuu haa konne'en mum.”

Mika 5:11

Mi nattinan hiilaaji ɗi mbaɗoton, waɗooɓe hatti boo ngonataa caka mooɗon fahin.

Tooktaaki Tawreeta 28:52

Ɓe kippoto berniiji mon fuu haa to mahi lesdi mon towɗi, cemmbiɗɗi ɗi on kooloto ngibbi. Ɓe kippoto berniiji lesdi ndi Jawmiraawo, Allah mooɗon hokkata on fuu.

Tooktaaki Tawreeta 32:25

Kaafahi do'an ɓiɓɓe maɓɓe dow laabi, kultoreeŋgol ukkanto ɓe nder cuuɗi, suka'en e faanyɓe e musinankoy e ndotti'en fuu kalkan.