Hose'a 10:12 - Fulfulde Bible

¹² Aawane ko'e mooɗon adilaaku, on codan mbooɗeeŋga. Kippite ngesa kesa! Saa'i waɗi haa on ngaylito heedi am, min Jawmiraawo, haa mi wara, mi toɓnana on adilaaku.

Fulfulde DC Bible

¹² Aawane ko'e mooɗon adilaaku, on codan mbooɗeeŋga. Kippite ngesa kesa! Saa'i waɗi haa on ngaylito heedi am, min Jawmiraawo, haa mi wara, mi toɓnana on adilaaku.

Hose'a 10:12 Iomraidhean Croise

Jabuura 105:4

Ngaylite heedi Jawmiraawo, tore baawɗe maako, ɗakkotire bee maako koo ndey fuu.

Jabuura 72:6

O laatano yimɓe bana iyeende dow durduɗe, bana waabiliije coofnanɗe lesdi.

Balndi 11:18

Kalluɗo heɓan riba ka tabitittaa, ammaa baɗanɗo ko fotti heɓan mbarjaari tabitndi.

Balndi 18:21

Maayde e ngeendam ngoni haa ɗemŋgal, kuuwtinirɗo ngal bee hakkiilo nyaaman nafuuda maagal.

Gaazoowo 11:6

Fajiri aaw aawdi ma, asiri boo taa naŋgtu juŋngo ma. Ngam a anndaa ko waŋginta nafuuda, ɗu'um na, koo ɗuma malla ɗum wooɗan ɗiɗi fuu!

Esaaya 30:23

Nden kam Jawmiraawo toɓnan iyeende dow aawdi mon ndi aawɗon nder lesdi. Lesdi fuɗnan nyaamdu welndu, semmbiɗndu. Nyalaade man tokke mon nduran nder durdude yaasnde.

Esaaya 31:1

Bone laatanto yahanɓe haa Misra ngam ɗaɓɓititgo ballal. Ɓe ɗon tuugo dow pucci, ɓe ɗon koolo mootaaji pucci Misra ngam ɗi ɗuuɗɗi e wa'iiɓe pucci ɓe'e ɓe semmbiɗɓe. Ammaa ɓe tijjataako heedi Ceniiɗo Isra'iila, ɓe ƴamataa Jawmiraawo.

Esaaya 32:20

Barka laatanto on! On mbaawan aawugo haa ndiyam woni fuu, walaa haaje on toŋga na'i e bamɗe.

Esaaya 44:3

Ngam mi rufan ndiyam dow lesdi marndi haaje ndiyam e maaje dow lesdi njoorndi. Mi waanjan Ruuhu am dow ɓiɓɓe mon e barka am boo dow danygol mon.

Esaaya 45:8

Asamanji, toɓne saawawre! Duule acce adilaaku ila! Lesdi maɓɓito, jaɓa ɗum haa ndi fuɗna kisndam e adilaaku! Min Jawmiraawo tagi ɗum fuu.”

Esaaya 48:18

Kadi, to on kakkilanino umrooje am, salaaman mooɗon ilanno bana ndiyam nder maayo, adilaaku mooɗon bana ƴuuge mbeela.

Esaaya 5:6

Mi wilan ka fuu, ka meetataa salteego malla remeego. Giŋngille e gi'e puɗan nder maaka, mi haɗan koo duule boo toɓnugo iyeende dow maaka.

Esaaya 54:14

A tabitan bee adilaaku. A daayoto ɓillaare, a hulataa fahin. A daayoto kultoreeŋgol boo, ngol ɓaditittaako ma.

Esaaya 55:6

Ɗakkotire bee Jawmiraawo saa'i o taweteeɗo. Tore mo saa'i o ɓadiiɗo.

Yeremiya 50:4

Jawmiraawo wi'i: “Wakkati man yimɓe Isra'iila e yimɓe Yahuuda kawtan, ngaran bee bojji ngam ɗakkotirgo bee Jawmiraawo Allah muuɗum'en.

Ezekiyel 34:26

Mi barkiɗinan ɓe nder lesdi taariindi towndiire am seniinde. Mi toɓnanan ɓe iyeele marɗe barka nder saa'iire fottannde.

Hose'a 12:6

Kaŋko woni Jawmiraawo Allah honooɓe asama, bee innde nde yimɓe ewnorto mo.

Hose'a 14:1

Doole Samariya roondo kiita aybe mum, ngam berniwol ngo'ol tuurtani Allah maagol. Yimɓe maagol ndo'oto bee kaafahi, konne'en naman ɓikkoy maagol, ceekan reedu'en maagol.

Hose'a 6:3

Annden Jawmiraawo, tiinooɗen anndugo mo. O waŋganan en bana no fajiri weetirta fakat. O waranan en bana iyeende, bana no iyeende ragareere yarnirta lesdi.”

Hose'a 8:7

Nde nii ɓe aawi henndu, ɓe tammi sodugo duluuru. Koo ƴommbe alkamaari maɓɓe mbaɗataa cammeeje. To ɗe mbaɗi boo, ɗe mbaɗataa kuroori. To kuroori waɗi boo, jananɓe nyaaman ndi.

Amos 5:15

Nganye halleende, ngiɗe mbooɗeeŋga, mbaɗe kiita ngooŋɗuka haa hiitordu. Teema Jawmiraawo, Allah honooɓe asama hinnoto luttuɓe Yusufu.

Amos 5:4

Ndaa nii Jawmiraawo wi'i Isra'iila'en: “Ngaylite heedi am, nden kam on ngeeɗan!

Amos 5:6

Ngaylite heedi Jawmiraawo, nden kam on ngeeɗan! To naa non o halkan lenyol Yusufu bee yiite, o wulan Baytila, walaa nyifanɗo nge!

Amos 5:8

O waɗi koode ɗaccuki e dulooje. O ɗon wayla nyiɓre nyiɓɓunde haa laato fajiri, o ɗon wayla nyalawma haa laato jemma. O ɗon umra ndiyamji mbeela, haa o waanja ɗi dow lesdi. Innde maako Jawmiraawo.

Luka 13:24

“Tiiɗe nastirgo dammugal paaɗŋgal. Mi ɗon wi'a on: Ɗuuɗɓe ngiɗi nastugo, ammaa ɓe mbaawataa.

Kuuɗe Nelaaɓe 2:18

Koo dow maccuɓe am e horɓe am fuu boo, mi waanjan Ruuhu am dow maɓɓe nder saa'i man, ɓe mbaɗan annabaaku.

2 Korintu'en 9:10

Allah woni dokkanɗo aawoowo aawdi e nyaamdu. O hokkan on boo aawdi, o ɗuɗɗinan ndi, o fuɗnan ndi, haa kuuɗe adiliije mooɗon mbaɗa nafuuda ɗuuɗka.

Yaakuba 3:18

Kuuɗe adiliije iwi haa sulhindiranɓe yimɓe, waddanɓe sulhu hakkunde yimɓe.