Hose'a 1:7 - Fulfulde Bible

⁷ Ammaa mi enɗan yimɓe laamu Yahuuda, min Jawmiraawo Allah maɓɓe, mi hisnan ɓe. Mi hisnataa ɓe bee lagaawal malla kaafahi malla haɓre malla pucci malla wa'iiɓe ɗi.”

Fulfulde DC Bible

⁷ Ammaa mi enɗan yimɓe laamu Yahuuda, min Jawmiraawo Allah maɓɓe, mi hisnan ɓe. Mi hisnataa ɓe bee lagaawal malla kaafahi malla haɓre malla pucci malla wa'iiɓe ɗi.”

Hose'a 1:7 Iomraidhean Croise

2 Laamiiɓe 19:29

Nden Esaaya wi'i laamiiɗo Hezekiya: “Ndaa ko laatanto ma alaama: Hikka on nyaaman gabbe gariije, mawri boo ko fuɗi ɓaawo. Ammaa hitaande tataɓre aawe, code, njube gese inabooje, nyaame ɓiɓɓe maaje.

2 Laamiiɓe 19:34

Ngam min mi aynan berniwol ngo'ol haa mi hisna ngol ngam hoore am e ngam daliila jaggiiɗo am Daawuda boo.”

2 Laamiiɓe 19:35

Jemma maajum malaa'ikaajo Jawmiraawo yehi nder saŋngeere Assuura'en, mbari worɓe ujine teemerre e cappanɗe njoweetato e njowo (185.000). Nde weeti, luttuɓe, yeeɗɓe tawi ɓalli maayɗi.

2 Laamiiɓe 6:18

Nde honooɓe Siriya'en njippi gal Elisa, o tori Jawmiraawo, o wi'i: “Wumnu yimɓe ɓe'e!” Jawmiraawo wumni ɓe fodde wolde Elisa.

Jabuura 33:16

Walaa laamiiɗo mo hisata bee jama'aare konu ɗuuɗnde, walaa konoowo cuusɗo mo hisata bee ɗuuɗeeŋga semmbe mum.

Jabuura 44:7

Ngam naa lagaawal am kooliimi, kaafahi am hisnataa yam.

Gurtaaki 14:13

Muusa wi'i ɓe: “Taa kule! Ndare booɗɗum, on ngi'an bana noy Jawmiraawo hisnirta on hannde. Ngam Misra'en ɓe ngi'oton hannde, on meetataa yi'ugo ɓe haa abada.

Gurtaaki 14:30

Bana non Jawmiraawo hisniri Isra'iila'en nyalaade man diga baawɗe Misra'en. Isra'iila'en ngi'i ɓalli Misra'en maayɓe dow fomoonde maayo.

Esaaya 12:2

Allah woni kisndam am, mi ɗon hoolo mo, mi diwnataa. Jawmiraawo woni semmbe am e yimre am, kaŋko laati kisndam am.”

Esaaya 30:18

Ammaa Jawmiraawo ɗon reena wakkatiire nde o mo'anta on. O ummoto haa o hinno on. Ngam Jawmiraawo woni Allah baɗanɗo kiita ngooŋɗuka, barka laatanto hoolotooɓe mo fuu.

Esaaya 49:6

O wi'i: “Laataago suka am ummitinanɗo le'i Yaakubu, lortinanɗo luttuɓe Isra'iila, he'aay. Mi waɗete a annoora ummaatooje, haa kisndam am yotto keeri duniyaaru.”

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Yeremiya 25:5

Ɓe mbi'i koo moy mooɗon acca laabi mum kalluɗi e kuuɗe mum kalluɗe, nden on njooɗoto haa foroy nder lesdi ndi Jawmiraawo hokki on, onon e kaakiraaɓe mon.

Yeremiya 25:6

Ɓe mbi'i on, taa on tokko ɗowanteeɓe woɗɓe, taa on ndewa ɓe, taa on cujidana ɓe, ngam taa on tikkina Jawmiraawo bee labbi ɗi mbaɗɗon bee juuɗe mon, kaŋko boo o hiito on. Nden kam o ukkantaa on sarru.

Yeremiya 33:26

Fakat bana mi tabitini ɗum, mi jogoto alkawal am bee danygol Yaakubu e suka am Daawuda, mi laaman goɗɗo danygol Daawuda dow danygol Ibrahiima e Isiyaaku e Yaakubu. Ngam mi wartiran joonde maɓɓe bana naane, mi enɗan ɓe.”

Hose'a 1:8

Ɓaawo debbo go enti Lo-Ruhama, o reedi kadiboo, o danyi ɓiɗɗo gorko.

Zekariya 4:6

Malaa'ikaajo wi'i yam: “Ndaa wolde Jawmiraawo ngam Zorobaabila: A hiɓɓintaa kaliifaaku maaɗa bee cuusal malla bee semmbe maaɗa, ammaa sey bee Ruuhu am tan! Non Jawmiraawo honooɓe asama wi'i.

1 Samuyila 17:47

Mooɓtiiɓe haa ɗo fuu anndan Jawmiraawo walaa haaje kaafahi malla labbo ngam hisnugo yimɓe mum. Haɓre nde'e ɗum haɓre Jawmiraawo, o hokkan min on haa juuɗe amin.”