Hose'a 1:4 - Fulfulde Bible

⁴ Jawmiraawo wi'i Hose'a: “Inndu mo Yisre'el, ngam lutti wakkati seɗɗa, mi hiitoto saare Yehu, ngam ɓe ndufi ƴiiƴam haa Yisre'el. Mi nattinan laamu Isra'iila.

Fulfulde DC Bible

⁴ Jawmiraawo wi'i Hose'a: “Inndu mo Yisre'el, ngam lutti wakkati seɗɗa, mi hiitoto saare Yehu, ngam ɓe ndufi ƴiiƴam haa Yisre'el. Mi nattinan laamu Isra'iila.

Hose'a 1:4 Iomraidhean Croise

2 Laamiiɓe 10:1

Akab woodino ɓiɓɓe worɓe cappanɗe njoweeɗiɗo haa Samariya. Yeehu winndi bataakeeji, o neldi ɗi haa Samariya, haa Yisre'el, haa ndotti'en e eltooɓe ɓiɓɓe Akab, wi'ugo ni'i:

2 Laamiiɓe 10:17

Nde o yotti Samariya, o mbari luttuɓe saare Akab nder Samariya fuu, haa o nattini danygol Akab fodde wolde nde Jawmiraawo wi'no Eliya.

2 Laamiiɓe 15:29

Nder zamanu Peka, Tigilat-Pileser laamiiɗo Assuura wari, nyaami Iyon e Abel-Bayti-Ma'aka e Yanuha e Keedes e Hacoor e Gile'at e Galiili, lesdi Neftali fuu. O dahi yimɓe haa Assuura.

2 Laamiiɓe 15:8

Nder nduuɓu laamu Azariya, laamiiɗo Yahuuda cappanɗe tati e njoweetataɓu, Zekariya ɓii Yerobo'am laami haa Isra'iila. O laami haa Samariya lebbi joweego.

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Esaaya 8:3

Ɓaawo man mi nasti haa debbo am. O reedi, o danyi ɓiɗɗo gorko. Jawmiraawo wi'i yam: “Ewnu mo Yaawan keɓal konu-yaawɗan jaɓtugo.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Yeremiya 20:3

Jaŋngo man, nde Pashuuru yoofti mo e tiggirgal, Yeremiya wi'i mo: “Jawmiraawo ewnataako ma Pashuuru fahin, ammaa Magor-Missabib, waato Kulniiɗum koo toy.

Yeremiya 23:2

Ndaa nii Jawmiraawo Allah Isra'iila wi'i dow ardiiɓe ɗowanɓe ummaatoore muuɗum: “On caŋkiti yimɓe am, on ndiiwi ɓe, on kakkilanaay ɓe sam. Ngam maajum kiitotoomi on ngam kuuɗe mon kalluɗe.

Yeremiya 3:8

O yi'i boo no mi wudiniri Isra'iila gudinɗo nuɗɗinki, no mi hokkiri mo ɗereewol ceergal ngam o waɗno njeenu. Ammaa Yahuuda, deerɗiiko zammbotooɗo, hulaay. O yehi kaŋko boo, o waɗi daakaareeku.

Ezekiyel 23:10

Kamɓe ɓorti mo, ɓe kooci ɓiɓɓe maako worɓe e rewɓe, nden kaŋko man boo ɓe mbari mo bee kaafahi. Koo toy fuu rewɓe nani habaru kiita maako.

Ezekiyel 23:31

A tokki laawol deerɗa, ngam maajum njarnanmaami jardugel kiita maako.”

Hose'a 1:6

Debbo go reedi fahin, o danyi ɓiɗɗo debbo. Jawmiraawo wi'i Hose'a: “Inndu mo Lo-Ruhama, waato Enɗaaka, ngam mi tokkataako enɗugo laamu Isra'iila fahin, mi yaafataako ɓe sam.

Hose'a 1:9

Jawmiraawo wi'i Hose'a: “Inndu mo Lo-Ammi, waato Naa-ummaatoore-am, ngam onon naa on ummaatoore am, min boo naa mi Allah mooɗon.”

Hose'a 2:13

Mi haɗan seyo maako fuu, non boo juulɗe maako, waato juulɗe lewru hesru e nyalɗe ciwtorɗe maako e juulɗe maako goɗɗe fuu.

Hose'a 2:22

Mi haɓɓan teegal bee maaɗa dow gooŋgaaku, an boo a anndan Jawmiraawo.”

Hose'a 9:17

Hose'a wi'i: “Allah am wudinan ɓe, ngam ɓe nananaay mo. Ɓe ngiiloto caka ummaatooje.”

Amos 9:8

Ndaa, gite am ɗon ndaara laamu Isra'iila marŋgu hakke, mi halkan ngu, mi halkan ngu dow lesdi. Ammaa mi nattintaa danygol Yaakubu fuu.” Non Jawmiraawo wi'i:

Matta 1:21

O tammi danyugo ɓiɗɗo gorko, a inndan mo Yeesu, ngam kaŋko hisnata ummaatoore maako diga hakkeeji maare.”

Luka 1:13

Ammaa malaa'ikaajo wi'i mo: “Taa hultor, Zekariya, ngam Allah nani do'aare maaɗa. Debbo maaɗa Elizabet danyante ɓiŋngel, a innda ngel Yuhanna.

Luka 1:31

A tammi reedugo, a danyan ɓiɗɗo gorko, a inndan mo Yeesu.

Luka 1:63

Zekariya anndini ɓe, ɓe ndokka mo alluha. Nden o winndi: “Innde maagel Yuhanna.” Yimɓe fuu kayɗini.

Yuhanna 1:42

O yahri mo haa Yeesu. Yeesu laari mo, wi'i: “An woni Simon ɓii Yuhanna, yeeso ɗo innde ma laatoto Kefas. Kefas yiɗi wi'go Tapaare.”

Yosuwa 19:18

Ndaa berniiji gonɗi nder maagal: Yisre'el e Kesulot e Sunem