Haggay 1:8 - Fulfulde Bible

⁸ Mba'e dow hooseere, ngadde leɗɗe, nyiɓte haykaliiru. Kanjum seynatammi, ɗum teddintam boo.

Fulfulde DC Bible

⁸ Mba'e dow hooseere, ngadde leɗɗe, nyiɓte haykaliiru. Kanjum seynatammi, ɗum teddintam boo.

Haggay 1:8 Iomraidhean Croise

1 Laamiiɓe 6:1

Nder nduuɓu teemeɗɗe nayi e cappanɗe joweetataɓu ɓaawo gurtaaki Isra'iila'en diga lesdi Misra, nder nduuɓu laamu Suleymaanu dow Isra'iila nayaɓu, lewru ɗiɗaɓru wi'eteendu Ziw, laamiiɗo Suleymaanu fuɗɗi mahango Jawmiraawo haykaliiru.

1 Laamiiɓe 9:3

Jawmiraawo wi'i mo: “Mi nani do'aare e tornde ma nde a tori yam. Mi seni haykaliiru ndu a mahani yam ngam tabitingo innde am ton foroy, mi hakkilanan ndu, mi woonanan on koo ndey.”

1 Habaruuji Nyalaaɗe 22:19

Jonta kam, tiiɗe nder anniya mon haa on ɗakkotira bee Jawmiraawo, Allah mooɗon. Puɗɗe nyiɓugo haykaliiru seniindu ngam Allah Jawmiraawo, haa on njo'ina sundukru alkawal Jawmiraawo e kuuje cenaaɗe ngam Allah nder suudu ndu nyiɓanton innde maako.”

2 Habaruuji Nyalaaɗe 7:16

Ndaa mi suɓi haykaliiru ndu'u, mi seni ndu, haa innde am wona ton haa foroy, mi hakkilanan ndu, mi woonanan on koo ndey.

Esira 3:7

Ɓe njoɓi sehooɓe kaa'e e sehooɓe leɗɗe, ɓe ndokki yimɓe Tirus e Sidon nyaamdu e njaram e nebbam, haa ɓe ngadda leɗɗe cemmbiɗɗe diga Libanon dow mbeela haa Yafo, fodde ko Koores, laamiiɗo Persiya duŋani ɓe.

Esira 6:4

Ɓe nyiɓta ndu bee kaa'e cehaaɗe ɓale tati, dow maaje boo leɗɗe ɓalal gootal. Kuugal man yoɓe bee jawdi saare laamu.

Gurtaaki 29:43

Ton pottanmi bee Isra'iila'en, tedduŋgal am senan nokkuure man.

Esaaya 60:13

Tedduŋgal Libanon waran haa maaɗa, non boo leɗɗe cemmbiɗɗe e irin leɗɗe booɗɗe mawɗe e pamare fuu ngam fawnugo nokkuure am seniinde. Mi teddinan nokkuure nde kosɗe am njaaɓata ton.

Esaaya 60:7

Tokke Keedar fuu mooɓoto haa maaɗa. Jawɗi Nebayot laatanto ma lii'eteeɗi. A lii'oto ɗi dow hirsirde, mi yerdoto ɗi. Mi mawninan daraja suudu am ko ɓuri naane.

Esaaya 66:11

Musine kosam maagol de'itinanɗam, kaare bee maajam. Ceyore ɗuuɗeeŋga risku maagol.

Haggay 1:7

Ndaa nii Jawmiraawo honooɓe asama wi'i: Numte kuuɗe mon!

Haggay 2:7

Mi dimmban ummaatooje fuu, nden kuuje maaje marɗe saman ngaran haa ɗo. Jawmiraawo honooɓe asama wi'i: Mi hebbinan haykaliiru ndu'u bee tedduŋgal.

Haggay 2:9

Tedduŋgal haykaliiru ɗiɗawru ndu'u ɓuran ngal aranndu. Mi jo'inan salaaman e hayru haa nokkuure nde'e”, non Jawmiraawo honooɓe asama wi'i.