Habakuk 1:4 - Fulfulde Bible

⁴ Ngam man tawreeta ɗowtanaaka, gooŋgaaku boo waŋgaay sam. Halluɓe ɗon ɓilla adili'en, ngam man kiita gooŋgaaha laati fewre.

Fulfulde DC Bible

⁴ Ngam man tawreeta ɗowtanaaka, gooŋgaaku boo waŋgaay sam. Halluɓe ɗon ɓilla adili'en, ngam man kiita gooŋgaaha laati fewre.

Habakuk 1:4 Iomraidhean Croise

1 Laamiiɓe 21:13

Worɓe meere'en ɗiɗo ngari, ɓe njooɗi yeeso maako. Ɓe ceedi dow Nabot yeeso yimɓe. Ɓe mbi'i: “Nabot wolwi kalluka dow Allah e dow laamiiɗo.” Nden ɓe ngurtini mo yaasi berniwol, ɓe piɗi mo bee kaa'e haa o maayi.

Ayuba 21:7

Koni halluɓe ngeeɗata? Koni semmbe maɓɓe ɗon ɓesdo, ɓe ɗon ndottida?

Jabuura 11:3

To hoolaare e gooŋgaaku mbirgaama, ɗume adiliijo waawata waɗugo?”

Jabuura 119:126

Yaa Jawmiraawo, saa'i waɗi a hiito! Ngam yimɓe luuti tawreeta ma.

Jabuura 22:12

Taa daaytu bee am, ngam ɓillaare ɓadake, walaa goɗɗo wallatammi!

Jabuura 22:16

Kondondol am yoori bana fayannde loope yoornde, ɗemŋgal am ɗon takko nder hunnduko am, a wallini yam nder mbulwuldi bana maayɗo.

Jabuura 59:2

Yaa Allah am, hisnam juuɗe konne'en am, daaynam bee ummantooɓe yam.

Jabuura 59:4

Ngam ndaa ɓe ɗon mbaaltani yam, haa ɓe itta yoŋki am, yimɓe semmbiɗɓe ɗon carwootira dow am. Ammaa min mi tuurtanaay ma, mi waɗaay hakke, yaa Jawmiraawo.

Jabuura 94:3

Haa ndey seyo halluɓe tokkoto, yaa Jawmiraawo? Haa ndey ɗum duurata?

Gurtaaki 23:2

Taa tokke mooɓre ngam waɗugo kalluɗum. Taa on ceeda ko fottanta mooɓre ngam suuɗugo gooŋga haa yeeso kiita.

Gurtaaki 23:6

To laafuɗo caka mooɗon woodi wullaandu, taa calane mo kiita gooŋɗuka.

Esaaya 5:20

Bone laatanto wi'ooɓe kalluɗum ɗum booɗɗum e booɗɗum boo ɗum kalluɗum, sannjooɓe nyiɓre bee jayŋgol nden jayŋgol boo bee nyiɓre, wartirooɓe kaaɗɗum belɗum e belɗum boo kaaɗɗum.

Esaaya 59:12

Yaa Jawmiraawo, zunuubaaji amin ɗuuɗi yeeso maaɗa, hakkeeji amin ɗon ngullo min. Tuurtolji amin ɗon ngondi bee amin, aybeeji amin boo min anndi ɗi:

Yeremiya 12:1

Yeremiya tori, wi'i: “Yaa Jawmiraawo, a adiliijo timmuɗo, mi waawataa hujjotirgo bee ma! Ammaa bee non fuu mi yiɗi wolwango ma haala kiita ngooŋɗuka. Ngam ɗume nufayeeje halluɓe ɗon kiɓɓe, ɓe ɗon njaha yeeso yeeso? Ngam ɗume zammbotooɓe njooɗoto nder de'ere?

Yeremiya 12:6

Koo deerɗiraaɓe ma e yimɓe saare baaba ma zammbi ma, ɓe ɗon mooɓta yimɓe dow maaɗa bilaa anndaaŋgal ma. Taa nuɗɗin ɓe to ɓe mbi'i ma bolle booɗɗe.”

Yeremiya 26:8

Nde Yeremiya timmini wolwugo ko Jawmiraawo umruno mo o wolwana ummaatoore fuu, liman'en e annabi'en e ummaatoore fuu naŋngi mo, kooli: “A he'i mbareego!

Yeremiya 8:7

Koo ngaasiyoowal boo anndi wakkati muuɗum. Poola e sonndu zawleeru e kumaarewal anndi wakkati loraaki muuɗum'en. Ammaa yimɓe ummaatoore am kam anndaa umrooje am.

Ezekiyel 9:9

O jaabi yam: “Aybe yimɓe Isra'iila e Yahuuda mawni masin. Lesdi heewi mbar-hoore, berniwol boo heewi toonyaare, ngam ɓe ɗon mbi'a: Jawmiraawo wudini lesdi, yi'ataa ɓe.

Hose'a 10:4

Ɓe mbolwi bolle meere, ɓe kuni kunayeeje pewe, ɓe kaɓɓi alkawalji. Haala kiitaaji ɗon ummo haa maɓɓe bana geene mbarooje mawnanɗe nder diidi haa ngesa.

Amos 5:12

Mi anndi, zunuubaaji mooɗon ɗuuɗi, hakkeeji mooɗon teddi. On ɗon ɓilla adiliijo, on ɗon ngaɗa rusiya ngam sottingo gooŋga talakaajo haa hiitordu.

Amos 5:7

On ɗon ngayla gooŋgaaku haa ngu laati bana njaram kaaɗɗam, on ɗon ngudina adilaaku bana mbuuwri haa lesdi.

Markus 7:9

Nden o ɓesdi wi'ugo: “On mbaawi wudingo umroore Allah ngam jogaago al'aada mooɗon.

Kuuɗe Nelaaɓe 7:52

Woodi annabiijo koo gooto mo kaakiraaɓe mooɗon toonyaaki na? Ɓe mbari nelaaɓe Allah, anndinɓe garki Adiliijo. Ndaa, on zammbi mo, on mbari mo.

Kuuɗe Nelaaɓe 7:59

Saa'i ɓe ɗon piɗa Etiyen, kaŋko o ɗon toro bana ni'i: “Jawmiraawo Yeesu, jaɓ yoŋki am!”

Roma'en 3:31

To mi wi'i bana nii, mi ɗon wila tawreeta na? Naa non sam! Mi ɗon tabitina tawreeta.

Tooktaaki Tawreeta 16:19

Taa ɓe cela laawol gooŋga haa kiita. Taa ɓe cenndindira yimɓe. Taa ɓe njaɓa caahu rusiya, ngam rusiya haɗan yi'ugo gooŋga, waylan haala gooŋɗuɓe.