Gurtaaki 8:15 - Fulfulde Bible

¹⁵ Nden ɓe mbi'i Firawna: “Ɗum baawɗe Allah! Ammaa hoore Firawna saati, o nananaay Muusa e Haruna, bana Jawmiraawo wi'no.”

Fulfulde DC Bible

¹⁵ Nden ɓe mbi'i Firawna: “Ɗum baawɗe Allah! Ammaa hoore Firawna saati, o nananaay Muusa e Haruna, bana Jawmiraawo wi'no.”

Gurtaaki 8:15 Iomraidhean Croise

Gurtaaki 14:5

Nde ɓe anndini laamiiɗo Misra Isra'iila'en ngurtake lesdi Misra, numooji Firawna e numooji saraaki'en maako ngayli dow yimɓe, ɓe mbi'i: “Ɗume mbaɗɗen ɗo? Koni en acci Isra'iila'en ndilli, ɓe acca huuwango en?”

Gurtaaki 4:21

Fahin Jawmiraawo wi'i Muusa: “Mi hokki ma baawɗe waɗugo kaayeefiiji koo ɗiye fuu. To a lortake haa Misra, tiina waɗugo kaayeefiiji ɗi'i yeeso Firawna. Min, mi saatinan hoore maako ngam taa o yoofta Isra'iila'en.

Gurtaaki 7:4

Firawna nanantaa on. Nden mi waŋginan baawɗe am haa Misra bee kiitaaji naawɗi, mi wurtinan mooɓe honooɓe am, waato ummaatoore am Isra'iila'en diga lesdi Misra.

Gurtaaki 8:14

Hiila'en lesdi Misra boo kaɓdi waɗugo bana non bee hiilaaji muuɗum'en, haa ɓe ngurtina cufi. Ammaa ɓe mbaawaay. Cufi tokkitini ukkango yimɓe e dabbaaji fuu.

Gurtaaki 8:16

Jawmiraawo wi'i Muusa: “Jaŋngo dawu cub, yah dara yeeso Firawna yaake o wurtoto yahugo maayo. Wi' mo: Ndaa nii Jawmiraawo wi'i: Accu yimɓe ummaatoore am njaha njaggano yam.

Gurtaaki 8:28

Fahin Firawna saatini hoore muuɗum, o accaay Isra'iila'en ndilla.

Gurtaaki 8:8

Muusa e Haruna ngurti saare Firawna. Muusa tori Jawmiraawo ngam daliila paaɓi ɗi o waddi dow Firawna.

Balndi 26:11

Bana rawaandu loroto, nyaamta tuure mum, non paataaɗo fuɗɗitan faataare mum.

Balndi 29:1

Caatinanɗo hoore mum nde woɗɓe ɗon pela ɗum, o geweteeɗo bee juhuki, walaa hurgaago.

Gaazoowo 8:11

Ngam ɗume yimɓe keewi suuno waɗugo kalluɗum? Ngam kuuɗe maɓɓe kalluɗe kiitataake law.

Esaaya 26:10

To kalluɗo heɓi mo'ere, o ekkitittaako adilaaku. Koo nder lesdi gooŋga'en boo o tokkoto waɗugo kalluɗum, o yi'ataa maŋngu Jawmiraawo.

Hose'a 6:4

Jawmiraawo wi'i: “An Efrayim, ɗume mi waɗante? An Yahuuda, ko mbaɗanmi ngam ma? Mbooɗeeŋga mooɗon ɗon nanndi bee ruulde fajiri, bana saawawre fajiri sottannde law.

Ibraniŋke'en 3:15

Ndaa ko Deftere Allah wi'i: “To on nani sawtu Allah hannde, taa caatine ko'e mon bana nyannde nde kaakiraaɓe mon tuurtuno dow Allah.”

Ibraniŋke'en 3:8

taa caatine ko'e mon bana kaakiraaɓe mon tuurtanino mo nyannde poondol nder ladde hamaadaare.

Wahayu Yuhanna 16:9

Yiite wulŋge nge'e wuli yimɓe haa ɓe kuɗi innde Allah, marɗo baawɗe dow masiibooji ɗi'i. Ammaa ɓe cali tuubugo, ɓe cali teddingo Allah boo.

1 Samuyila 6:12

Na'i tokki laawol yahugo Bayti-Semes, ɗi ɗon mboya, ɗi celaay haa juŋngo nyaamo malla nano sam. Laamiiɓe Filisti'en tokki ɗi haa njotti keerol Bayti-Semes.

1 Samuyila 6:3

Ɓe njaabi: “Fakat, to on ɗon lorna sundukru ɗowanteeɗo Isra'iila'en, taa lorne ndu sookru. Nelde dokkal bee maaru ngam ittuki hakkeeji mon haa on njamɗita. Bana non anndirton daliila ka o accaay hiitaago on.”

1 Samuyila 6:6

Taa caatine ko'e mon bana Misra'en e Firawna ɓooyma. Allah saatani ɓe haa ɓe njoofi Isra'iila'en.

1 Samuyila 6:9

Ndaare ndu booɗɗum. To ndu yehi gal Bayti-Semes, laawol lesdi maaru, nden kam ɗum Jawmiraawo neldi en sarru maŋngu ngu'u. To ndu yehi laawol feere, en anndan naa kaŋko hiiti en, ammaa ɗum hoddiroore non.”