Gurtaaki 6:6 - Fulfulde Bible

⁶ Ngam maajum yeccu Isra'iila'en ni'i: Min woni Jawmiraawo, Mi hisnan on diga ɓillaare kuugal Misra'en caatuŋgal, mi wurtinan on maccuŋgaaku maɓɓe, mi rimɗinan on bee juŋngo am fortaaŋgo e kiitaaji am mawɗi.

Fulfulde DC Bible

⁶ Ngam maajum yeccu Isra'iila'en ni'i: Min woni Jawmiraawo, Mi hisnan on diga ɓillaare kuugal Misra'en caatuŋgal, mi wurtinan on maccuŋgaaku maɓɓe, mi rimɗinan on bee juŋngo am fortaaŋgo e kiitaaji am mawɗi.

Gurtaaki 6:6 Iomraidhean Croise

1 Laamiiɓe 8:42

koo ummaatooje jananne nanan ɗum, nden to jananno mo laataaki goɗɗo caka Isra'iila'en ummaatoore ma, wari diga lesdi ndaayiindi ngam toraago ma nder haykaliiru ndu'u,

2 Laamiiɓe 17:36

Ammaa min, Jawmiraawo gurtinɗo on lesdi Misra bee baawɗe e juŋngo fortaaŋgo, kuleeɗam, cujidaneeɗam, lii'aneeɗam kirseteeɗi.

1 Habaruuji Nyalaaɗe 17:21

Walaa ummaatoore feere haa duniyaaru bana yimɓe ma Isra'iila'en. An sootti ɓe ngam haa ɓe laato yimɓe ma. A waɗani hoore ma innde bee huuwugo kuuje mawɗe, kulniiɗe. A rimɗini ɓe diga lesdi Misra, a riiwi ummaatooje yeeso maɓɓe.

Nehemiya 1:10

Ɓe maccuɓe ma e ummaatoore ma. A sootti ɓe bee baawɗe ma mawɗe e juŋngo ma semmbiɗŋgo.

Jabuura 77:16

A sootti yimɓe ma bee juŋngo semmbiɗŋgo, a hisni danygol Yaakubu e Yusufu.

Jabuura 81:11

Min woni Jawmiraawo Allah mon, gurtinɗo on lesdi Misra. Maɓɓite kunnduɗe mon, haa mi hebbina ɗe, on kaara.

Jabuura 81:6

O tabitinani le'i Yusufu seedamku ngu'u, saa'i o yehi hippaago lesdi Misra. Mi ɗon nana sawtu goɗɗo mo mi anndaa, o wi'i:

Jabuura 81:7

“Mi wakkiti doŋgle balbe mon, juuɗe mon ndimɗi e jogaago silaawo.

Gurtaaki 1:11

Misra'en laatini Isra'iila'en maccuɓe, ndarni kaliifa'en dow maɓɓe ngam torrugo ɓe bee kuugal caatuŋgal. Isra'iila'en nyiɓani Firawna berniiji cigorɗi ɗi'i: Pitom e Ra'meses.

Gurtaaki 12:41

Nde duuɓi teemeɗɗe nayi e cappanɗe tati man timmi, nder nyalaade nde'e, honooɓe Jawmiraawo, waato ummaatoore Isra'iila'en fuu wurti lesdi Misra.

Gurtaaki 12:51

Nyalaade man nden Jawmiraawo wurtini honooɓe mum, waato ummaatoore mum Isra'iila'en lesdi Misra fodde mooɓe muuɗum'en.

Gurtaaki 13:14

To ɓiɓɓe mooɗon nder garanɗum ƴami on: Ngam ɗume mbaɗoton ɗum? On njaaba ɓe: Bee juŋngo semmbiɗŋgo Jawmiraawo wurtiniri en njeyaaŋgu haa Misra haa en ngonno nder maccuŋgaaku.

Gurtaaki 13:16

Ɗum laatano on bana alaama haa juuɗe mon e ciftinorɗum haa tiiɗe mon. Ngam Jawmiraawo wurtini en Misra bee juŋngo mum semmbiɗŋgo.”

Gurtaaki 13:3

Muusa wi'i yimɓe ummaatoore: “Ciftore nyalaade nde ngurtiiɗon njeyaaŋgu haa Misra, Jawmiraawo wurtini on bee juŋngo semmbiɗŋgo. To on ɗon mbaɗa juulde nde'e, taa on nyaama tamseeje ufnaaɗe.

Gurtaaki 15:13

A rimɗini ummaatoore ma! Bee mbooɗeeŋga ma a ɗowi nde. A ɗowi nde bee baawɗe ma haa jooɗorde ma seniinde.

Gurtaaki 16:6

Muusa e Haruna mbi'i Isra'iila'en fuu: “Kiikiiɗe on anndan Jawmiraawo, kaŋko wurtini on lesdi Misra.

Gurtaaki 18:1

Yetiro, limanjo haa Mediyan, esiraawo Muusa, nani ko Allah waɗani Muusa e ummaatoore muuɗum Isra'iila fuu, waato no Jawmiraawo wurtiniri Isra'iila'en diga Misra.

Gurtaaki 2:11

Nde Muusa mawni, o wurti haa o laara deerɗiraaɓe maako. O yi'i no kuugal maɓɓe saatiri. O yi'i Misraajo ɗon fiya Ibraniŋkeejo, goɗɗo lenyol maako.

Gurtaaki 3:17

O wi'i: Mi wurtinan on diga toskaare lesdi Misra, mi yahra on haa lesdi Kanaani'en e Heti'en e Amoori'en e Perezzi'en e Hewi'en e Yebusi'en, nder lesdi keewndi kosam e njumri.

Gurtaaki 3:8

Mi jippi ngam mi hisna ɓe diga juuɗe Misra'en, mi wurtina ɓe diga lesdi man, mi yahra ɓe haa lesdi mboondi, njaasndi, lesdi keewndi kosam e njumri, haa lesdi ndi Kanaani'en e Heti'en e Amoori'en e Perezzi'en e Hewi'en e Yebusi'en njooɗi.

Gurtaaki 32:11

Muusa tori Jawmiraawo Allah mum: “Yaa Jawmiraawo, ngam ɗume tikkere ma saatata dow yimɓe ma ɓe ngurtinɗa lesdi Misra bee baawɗe mawɗe e juŋngo semmbiɗŋgo?

Gurtaaki 6:2

Fahin Jawmiraawo wolwani Muusa, wi'i mo: “Min woni Jawmiraawo.

Gurtaaki 6:29

o wi'i mo: “Min woni Jawmiraawo. Yah yeccu Firawna, laamiiɗo Misra, ko mi wolwani ma fuu.”

Gurtaaki 6:8

Mi yahran on nder lesdi ndi kuniimi hokkugo Ibrahiima e Isiyaaku e Yaakubu. Mi hokkan on ndi, ndi laatoto maral mooɗon. Min woni Jawmiraawo.”

Gurtaaki 7:4

Firawna nanantaa on. Nden mi waŋginan baawɗe am haa Misra bee kiitaaji naawɗi, mi wurtinan mooɓe honooɓe am, waato ummaatoore am Isra'iila'en diga lesdi Misra.

Gurtaaki 7:5

Nden Misra'en anndan min woni Jawmiraawo, wakkati portanmi juŋngo am dow Misra, haa mi wurtina Isra'iila'en diga lesdi maɓɓe.”

Esaaya 9:12

Ammaa yimɓe ummaatoore lortaaki haa piyɗo ɓe, ɓe ngartanaay Jawmiraawo honooɓe asama.

Esaaya 9:17

Halleende wulan bana yiite wulanŋge gi'e e giŋngille, nge jamnan laynde sukkunde, haa nge ummina cuurɗe bana daŋraŋgal.

Yeremiya 21:5

Min bee hoore am mi haɓan bee mooɗon, bee juŋngo am fortiiŋgo semmbiɗŋgo, bee ɓernuki am e tikkere am saatunde.

Yeremiya 27:5

Min bee baawɗe am mawɗe e juŋngo am fortaaŋgo tagrumi lesdi e yimɓe e dabbaaji gonɗi dow maari. Mi hokkan ɗum haa juŋngo mo ngiɗmi.

Yeremiya 32:21

A wurtini yimɓe ummaatoore ma diga lesdi Misra bee alaamaaji e kaayeefiiji e juŋngo ma semmbiɗŋgo, fortiiŋgo e kulniiŋgo.

Ezekiyel 20:33

Allah Jawmiraawo wi'i: “Fakat bana mi geeto, mi laamanto on bee juŋngo semmbiɗŋgo, bee baawɗe am, mi rufan tikkere am dow mooɗon.

Kuuɗe Nelaaɓe 13:17

Allah mo yimɓe Isra'iila, suɓi kaakiraaɓe meeɗen, mawnini ɓe yaake ɓe ɗonno haa lesdi Misra. O wurtini ɓe Misra bee baawɗe muuɗum mawɗe.

Tooktaaki Tawreeta 11:2

Paame hannde ko Jawmiraawo ekkitini on. Ɓikkoy mooɗon anndaa ɗum, ngi'aay ɗum. Ammaa onon on ekkiti ɗum, on ngi'i maŋngu maako e juŋngo maako semmbiɗŋgo fortaaŋgo.

Tooktaaki Tawreeta 15:15

Ciftore, onon boo, naane on laatino maccuɓe nder lesdi Misra, ammaa Jawmiraawo, Allah mooɗon rimɗini on. Ngam maajum umrumi on umroore nde'e hannde.

Tooktaaki Tawreeta 26:8

O wurtini en diga lesdi Misra bee juŋngo semmbiɗŋgo, fortaaŋgo. O huuwi kuuje kulniiɗe mawɗe e alaamaaji e kaayeefiiji.

Tooktaaki Tawreeta 4:23

Ndeente, taa ngejjite alkawal ngal Jawmiraawo, Allah mon haɓɓi bee mooɗon! Taa mbaɗane ko'e mon lawru fodde suura koo kaye ngam Jawmiraawo, Allah mooɗon haɗi ɗum.

Tooktaaki Tawreeta 4:34

Malla ɗowanteeɗo moye foondi jaɓtugo ummaatoore mum diga juŋngo ummaatoore feere, bee masiibooji e alaamaaji e kaayeefiiji, bee konu e juŋngo semmbiɗŋgo e kuuje mawɗe kulniiɗe? Onon on ngi'i no Jawmiraawo, Allah mooɗon waarani on ɗum fuu haa Misra.

Tooktaaki Tawreeta 5:15

Siftor an boo a laatino maccuɗo nder lesdi Misra. E min Jawmiraawo, Allah maaɗa mi wurtini ma ton bee juŋngo am semmbiɗŋgo fortaaŋgo. Ngam man min Jawmiraawo, Allah maaɗa mi umri ma a siwto nyalaade siwtorde.

Tooktaaki Tawreeta 6:12

nden kam, ndeente! Taa on ngejjita Jawmiraawo mo wurtini on njeyaaŋgu nder lesdi Misra.

Tooktaaki Tawreeta 7:19

Ciftore masiibooji naawɗi e kaayeefiiji ɗi ngi'ɗon bee gite mon. Ciftore no Jawmiraawo rimɗiniri on bee juŋngo mum fortaaŋgo, semmbiɗŋgo. Ummaatooje ɗe kuloton jonta, o halkan ɗe bana o halkiri Misra'en.

Tooktaaki Tawreeta 7:8

Ngam Jawmiraawo yiɗi on, hebbini hunayeere nde o hunani kaakiraaɓe mon. O wurtini on bee juŋngo maako semmbiɗŋgo diga lesdi Misra, o rimɗini on e njeyaaŋgu diga juŋngo Firawna, laamiiɗo Misra.

Tooktaaki Tawreeta 9:29

Ammaa kamɓe ngoni ummaatoore ma, maral ma, ɓe ngurtinɗa lesdi Misra bee baawɗe ma mawɗe e juŋngo ma fortaaŋgo.”