Gurtaaki 40:34 - Fulfulde Bible

³⁴ Ruuldere suddi jooɗorde laymaaru fottirde. Tedduŋgal Jawmiraawo hebbini jooɗorde.

Fulfulde DC Bible

³⁴ Ruuldere suddi jooɗorde laymaaru fottirde. Tedduŋgal Jawmiraawo hebbini jooɗorde.

Gurtaaki 40:34 Iomraidhean Croise

2 Samuyila 7:6

Mi meeɗaay jooɗaago nder suudu, diga ngurtinmi Isra'iila'en nder Misra haa wargo hannde. Wakkati man fuu mi ɗon waanca, suudu laymaaru laati jooɗorde am.

2 Habaruuji Nyalaaɗe 5:13

Yimooɓe e fuufooɓe algaytaaji kawti, maŋgti Jawmiraawo, ngetti mo bee sawtu gooto. Ɓe ngimi maŋgtoore Jawmiraawo bee algaytaaji e koŋsiije e kuuje gimruɗe fuu, ɓe ngetti Jawmiraawo “ngam o booɗɗo, mbooɗeeŋga maako ɗon haa abada”. Nde ɓe ngimi bana non, liman'en boo ngurti suudu seniindu, ruulde wari, hebbini haykaliiru fuu.

2 Habaruuji Nyalaaɗe 7:2

Liman'en mbaawaay nastugo haykaliiru ngam tedduŋgal Jawmiraawo hebbini ndu.

Jabuura 26:8

Yaa Jawmiraawo, mi yiɗi suudu ma, haa njooɗiiɗa e jooɗorde tedduŋgal ma.

Gurtaaki 14:24

Hiddeko weeta, Jawmiraawo jimmiti, laari jama'aare Misra'en nder ruulde nanndunde bee daŋraŋgal yaynannde bana yiite. O jiiɓi nde hakkiilo.

Gurtaaki 16:10

Saa'i Haruna ɗon wolwana yimɓe jama'aare Isra'iila, ɓe ɗonno ngaylito gal ladde. Law, tedduŋgal Jawmiraawo waŋgi nder ruulde.

Gurtaaki 25:8

Isra'iila'en mbaɗanammi jooɗorde seniinde, haa mi jooɗo caka maɓɓe.

Gurtaaki 29:43

Ton pottanmi bee Isra'iila'en, tedduŋgal am senan nokkuure man.

Gurtaaki 33:9

Koo ndey Muusa nasti ndu fuu, ruulde nanndunde bee daŋraŋgal go jippo, daro haa dammugal laymaaru, Jawmiraawo boo wolida bee Muusa.

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Esaaya 6:4

Caɓɓaaje haa dammuɗe haykaliiru ndiwni ngam sawtu ewnooɓe, cuurka hebbini suudu.

Ezekiyel 10:4

Tedduŋgal Jawmiraawo ummi diga dow keruba'en, wari haa les dammugal haykaliiru. Suudu heewi ruulde go, daldal saare fuu heewi jayŋgol tedduŋgal Jawmiraawo.

Farillaaji Lewi'en 16:2

O wi'i: “Yeccu deerɗa Haruna taa o nasta nokkuure ɓurnde senaago ɓaawo wiirndallo, sey bee saa'iire fottannde tan. Ton mbaŋganmi nder ruulde haa dow jooɗorde ngam kefergal. To o ɗowtaaki, o maayan.

Haggay 2:7

Mi dimmban ummaatooje fuu, nden kuuje maaje marɗe saman ngaran haa ɗo. Jawmiraawo honooɓe asama wi'i: Mi hebbinan haykaliiru ndu'u bee tedduŋgal.

Haggay 2:9

Tedduŋgal haykaliiru ɗiɗawru ndu'u ɓuran ngal aranndu. Mi jo'inan salaaman e hayru haa nokkuure nde'e”, non Jawmiraawo honooɓe asama wi'i.

Limle 7:89

Nde Muusa nasti laymaaru fottirde ngam wolididgo bee Jawmiraawo fuu, o nani sawtu Jawmiraawo haa dow jooɗorde ngam kefergal wonnde dow seedamku alkawal. Jooɗorde ngam kefergal nga'al ɗon hakkunde keruba'en ɗiɗo, ton Jawmiraawo woliditta bee maako.

Roma'en 9:4

Kamɓe ɓe asŋgol Isra'iila, suɓaaɓe Allah. Allah laatini ɓe ɓiɓɓe mum, waŋginani ɓe tedduŋgal mum, haɓɓi alkawalji bee maɓɓe, hokki ɓe tawreeta e umrooje dewal, iinani ɓe hayruuji ɗuuɗɗi.

Wahayu Yuhanna 15:8

Haykaliiru heewi cuurɗe daliila tedduŋgal Allah e baawɗe muuɗum. Walaa mo waawi nastugo haykaliiru haa malaa'ika'en njoweeɗiɗo ɓe'e timmini masiibooji joweeɗiɗi go.

Wahayu Yuhanna 21:3

Mi nani sawtu iwi diga leeso laamu ɗon wi'a bee semmbe: “Ndaa jooɗorde Allah caka yimɓe! O jooɗoto bee maɓɓe, ɓe laatoto ummaatooje maako. Allah bee hoore mum wondan bee maɓɓe, laatoto Allah maɓɓe.