Gurtaaki 34:9 - Fulfulde Bible

⁹ O wi'i: “Yaa Jawmiraawo, to a yerdake yam, yah caka amin, koo nde yimɓe ummaatoore nde'e ɓe saata-ko'e'en. Yaafa aybeeji amin e hakkeeji amin. Jaɓ min, min laato maral ma!”

Fulfulde DC Bible

⁹ O wi'i: “Yaa Jawmiraawo, to a yerdake yam, yah caka amin, koo nde yimɓe ummaatoore nde'e ɓe saata-ko'e'en. Yaafa aybeeji amin e hakkeeji amin. Jaɓ min, min laato maral ma!”

Gurtaaki 34:9 Iomraidhean Croise

Jabuura 135:4

Jawmiraawo suɓani hoore mum Yaakubu, yimɓe Isra'iila ɓe yiɗaaɓe maako.

Jabuura 25:11

Yaa Jawmiraawo, ngam daliila innde ma, yaafanam aybeeji am, ngam ɗi ɗuuɗɗi.

Jabuura 28:9

Hisnu ummaatoore ma, barkiɗin yimɓe ɓe marɗa! Laata gaynaako maɓɓe e balloowo maɓɓe haa foroy!

Jabuura 33:12

Barka laatano ummaatoore nde Jawmiraawo woni Allah mum, jama'aare nde o suɓi haa o mara nde!

Jabuura 78:62

O hokki ummaatoore maako haa kaafahi konne'en, o ɓernani yimɓe laatiiɓe maral maako.

Jabuura 94:14

Ngam Jawmiraawo wudintaa ummaatoore mum, o accataa yimɓe laatiiɓe maral maako.

Gurtaaki 19:5

Jonta, to on nanani yam fakat, to on ɗowtanake alkawal am, nden kam on laatoto ummaatoore am yiɗaande caka ummaatooje fuu, koo nde duniyaaru fuu, min jeyi.

Gurtaaki 32:9

Jawmiraawo wi'i Muusa: “Mi yi'i yimɓe ɓe'e, ɓe saata-ko'e'en.

Gurtaaki 33:12

Muusa wi'i Jawmiraawo: “Ndaa, a umri yam mi ɗowa ummaatoore nde'e. Ammaa a anndinaay yam moy a nelata ngam wallugo yam. A wi'i boo: Mi anndi ma bee innde ma, mi yerdake ma.

Gurtaaki 34:7

Mi tokkoto waŋgingo mbooɗeeŋga am haa yotto gide ujineere. Mi yaafoto aybe e tuurtol e hakke. Ammaa mi laarataa aybuɗo bana laaɓɗo sam. Mi hiitoto aybe baabiraaɓe haa ɓiɓɓe e taaniraaɓe haa yidere tataɓre e nayaɓre.”

Esaaya 48:4

Mi anndi ko'e mon caati bana njamndi, bana njamndi mboɗeeri.

Yeremiya 10:16

Ammaa Allah laatiiɗo geɗal Yaakubu laataaki bana non. Kaŋko woni tagɗo kuuje fuu, o suɓi Isra'iila'en ɓe laato yimɓe maral maako. Innde maako Jawmiraawo honooɓe asama.

Mika 7:18

Moy ɗowanteeɗo nanndi bee maaɗa? A yaafoto aybe, a falataa tuurtol yimɓe maaɗa luttuɓe. Tikkere maaɗa duurataa haa foroy ngam a yerdi woonango min.

Zekariya 2:12

Ndaa nii Jawmiraawo honooɓe asama mo neli yam wi'i dow ummaatooje jaɓtuɗe on kuuje: “Meemɗo on, meemi ɓiŋngel yiitere am!

Limle 14:19

Mi ɗon toro ma, yaafa aybe ummaatoore nde'e fodde mbooɗeeŋga ma ɗuuɗŋga, bana no a yaafori nde diga nde ɗonno haa Misra haa wargo hannde.”

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

Tooktaaki Tawreeta 32:9

Ngam Jawmiraawo suɓi Isra'iila laatini ɗum ummaatoore muuɗum e maral muuɗum.

Tooktaaki Tawreeta 4:20

Ammaa onon, Jawmiraawo hooci on, wurtini on nder ɓolinirde njamndi nde lesdi Misra, ngam on laato ummaatoore maako e maral maako, bana no on mba'i hannde.

Tooktaaki Tawreeta 9:18

Nden mi sujidi yeeso Jawmiraawo fahin nyalawmaaje cappanɗe nayi e jemmaaje cappanɗe nayi. Mi nyaamaay koo ɗume, mi yaraay boo ndiyam. Ngam on mbaɗi hakke dow Jawmiraawo, on mbaɗi ko halli yeeso Allah.

Tooktaaki Tawreeta 9:26

Mi tori Jawmiraawo, mi wi'i mo: Yaa Allah Jawmiraawo, taa nattin ummaatoore ma nde marɗa, yimɓe ɓe kisnuɗa bee baawɗe ma mawɗe, ɓe ngurtinɗa lesdi Misra bee juŋngo ma semmbiɗŋgo.

Tooktaaki Tawreeta 9:29

Ammaa kamɓe ngoni ummaatoore ma, maral ma, ɓe ngurtinɗa lesdi Misra bee baawɗe ma mawɗe e juŋngo ma fortaaŋgo.”