Gurtaaki 34:21 - Fulfulde Bible

²¹ Nyalɗe joweego kuuwoton, ammaa nyalaade joweeɗiɗawre sey on ciwto, koo nder wakkati remugo e wakkati sodugo boo.

Fulfulde DC Bible

²¹ Nyalɗe joweego kuuwoton, ammaa nyalaade joweeɗiɗawre sey on ciwto, koo nder wakkati remugo e wakkati sodugo boo.

Gurtaaki 34:21 Iomraidhean Croise

Laataanooji 45:6

Waɗi jonta duuɓi ɗiɗi, weelo ɗon nder lesdi. Lutti duuɓi jowi fahin walaa remugo malla sodugo.

Nehemiya 13:15

Saa'i man ngi'mi Yahuudu'en woɗɓe ɗon njaaɓa inabooje nder ɓiɗɗirɗe maaje nyalaade siwtorde, ɓe ɗon mooɓta alkamaari, ɓe ɗon ndimnda ndi bamɗe maɓɓe, non boo inaboojam e inabooje e ibbe e dimle goɗɗe boo, ɓe ɗon ngadda ɗum haa Urusaliima nyalaade siwtorde. Mi barri ɓe, taa ɓe coorra kuuje maɓɓe nyalaade man.

Gurtaaki 23:12

Nyalɗe joweego kuuwoton kuuɗe mon, ammaa nyalaade joweeɗiɗawre, ciwte, ngam haa ngaari ma e wamnde ma ciwto e jaggiiɓe e hoɗɓe caka mooɗon keɓa poofa.

Gurtaaki 31:15

On kuuwa kuuɗe mooɗon nyalɗe joweego, ammaa nyalaade joweeɗiɗawre ɗum nyalaade siwtorde senaande ngam Jawmiraawo. Koo moy huuwi kuugal nder maare, o mbareteeɗo.

Gurtaaki 35:2

Nyalɗe joweego goɗɗo huuwata kuugal. Ammaa nyalaade joweeɗiɗawre laatano on nyalaade seniinde, nyannde siwtorde ngam Jawmiraawo. Koo moy huuwi kuugal nder maare, o mbareteeɗo.

Esaaya 30:24

Ga'i e bamɗe ɗum ndemrirton ngesa, nyaaman huɗo jillindiraako mannda, ko on camminta bee tufirgel e ɓoftirgel.

Farillaaji Lewi'en 23:3

On kuuwa kuuɗe mon nyalɗe joweego. Nyannde joweeɗiɗawre woni siwtorde. Nder maare taa on kuuwa sam, ammaa on mooɓta mooɓtorde senaande. Nyalaade siwtorde, Jawmiraawo jeyi, koo toy on njooɗoto fuu.

Luka 13:14

Ammaa ardiiɗo suudu dewal Yahuudu'en ɓerni ngam jamɗitinki goɗɗo nyannde siwtorde, o wi'i mooɓre: “Nyalɗe joweego fuu ɗon ngam huuwugo, ngare nyalɗe man ngam njamɗiton, ammaa naa nyannde siwtorde!”

Luka 23:56

Ɓe lori, ɓe taaskitini leɗɗe uurɗe e uurdi. Nden ɓe ciwti nyannde siwtorde fodde tawreeta.

Tooktaaki Tawreeta 21:4

Ndotti'en berniwol man njahra nge haa maayel ilooyel foroy, haa nokkuure nde meeɗaay remeego malla aaweego, ton ɓe ngewa daande maage nder maayo.

1 Samuyila 8:12

O waɗan woɗɓe hoore'en dow honooɓe ujineere malla dow cappanɗe njowo, woɗɓe boo ndema gese maako, mooɓta ƴaamle maako malla ɓe mbaɗana mo balmi e ko mootaaji pucci e pucci mari haaje.