Gurtaaki 34:16 - Fulfulde Bible

¹⁶ To on te'ani ɓiɓɓe mooɗon worɓe ɓiɓɓe maɓɓe rewɓe, rewɓe ɓe'e estan ɓiɓɓe mooɗon worɓe haa ɓe zammbo yam bee ɗakkotirgo bee labbi ɗi rewɓe ɓe'e ndewata.

Fulfulde DC Bible

¹⁶ To on te'ani ɓiɓɓe mooɗon worɓe ɓiɓɓe maɓɓe rewɓe, rewɓe ɓe'e estan ɓiɓɓe mooɗon worɓe haa ɓe zammbo yam bee ɗakkotirgo bee labbi ɗi rewɓe ɓe'e ndewata.

Gurtaaki 34:16 Iomraidhean Croise

Laataanooji 24:3

Hunanam bee Jawmiraawo, Allah mo asama e lesdi, a te'antaa ɓiɗɗo am debbo caka ɓiɓɓe Kanaani'en ɓe njooɗiimi caka muuɗum'en.

1 Laamiiɓe 11:1

Koo nde laamiiɗo Suleymaanu te'ino ɓii Firawna laamiiɗo Misra, o yiɗi boo rewɓe ɗuuɗɓe nder le'i jananni, bana ɓiɓɓe rewɓe nder Mo'abi'en e Ammooni'en e Edoomi'en e Sidoni'en e Heti'en.

1 Laamiiɓe 21:25

Fakat, walaa nannduɗo bee Akab mo waɗi anniya ngam waɗugo kalluɗum yeeso Jawmiraawo. Ɗum debbo maako Izabel esti mo.

2 Habaruuji Nyalaaɗe 21:11

Yehoram nyiɓi nokkuuje towɗe dow kooseeje Yahuuda boo, bana non o estiri yimɓe jooɗiiɓe haa Urusaliima haa ɓe ndewi labbi, yimɓe Yahuuda boo o selni ɗum.

Esira 9:12

Ngam maajum, taa ndokke ɓiɓɓe maɓɓe worɓe ɓiɓɓe mon rewɓe, taa te'ane ɓiɓɓe mon worɓe ɓiɓɓe maɓɓe rewɓe boo. Taa ɗaɓɓite jam maɓɓe e hayru maɓɓe sam. Nden kam on laatoto semmbiɗɓe, on nyaaman kuuje lesdi ɓurɗe wooɗugo, on accanan ndi ɓiɓɓe mooɗon maral duumiiŋgal.

Esira 9:2

Ɓe te'i ɓiɓɓe jananɓe rewɓe, ɓe te'ani ɓe ɓiɓɓe maɓɓe worɓe boo. Bana non ummaatoore senaande jillindiri bee ummaatooje jananne. Ardiiɓe e dawrooɓe aarti waɗgo sooynde hoolaare nde'e.”

Nehemiya 10:30

ɓe kawtani banndiraaɓe maɓɓe mawɓe, ɓe ngooŋɗini anniya maɓɓe bee hunayeere, haa ɓe tokko tawreeta ka Allah hokki bee hunnduko jaggiiɗo mum Muusa, ɓe ɗowtano umrooje Allah Jawmiraawo amin e kiitaaji mum e farillaaji mum fuu.

Nehemiya 10:31

Min kuni min ndokkataa yimɓe jananɓe nder lesdi ɓiɓɓe amin rewɓe, min ɓaŋgantaa ɓiɓɓe amin worɓe ɓiɓɓe maɓɓe rewɓe boo.

Nehemiya 13:23

Saa'i man ngi'mi boo Yahuudu'en te'ɓe rewɓe iwɓe Asdod e Ammoon e Mo'ab.

Nehemiya 13:25

Mi feli ɓe, mi naali ɓe, mi fiyi woɗɓe maɓɓe, mi ɗoofi gaasa ko'e maɓɓe, mi hunni ɓe bee innde Allah, taa ɓe ndokka jananɓe ɓiɓɓe maɓɓe rewɓe, taa ɓe koo'a ɓiɓɓe jananɓe rewɓe ngam ko'e maɓɓe, koo ngam ɓiɓɓe maɓɓe worɓe.

Jabuura 106:39

Ɓe coɓni ko'e maɓɓe bee kuuɗe maɓɓe, ɓe ɗakkotiri bee labbi, ɓe kuuwi kuuɗe kalluɗe.

Hose'a 1:2

Ndaa nii Jawmiraawo fuɗɗi wolwugo bee hunnduko Hose'a: O wi'i Hose'a: “Yah, te'u debbo daakaareejo, danydu ɓiɓɓe daakaareeku bee maako, ngam yimɓe lesdi am ɗon mbaɗa daakaareeku bee labbi, ɓe acci yam min Jawmiraawo.”

Farillaaji Lewi'en 21:15

To naa non, o soɓnan danygol maako. Min Jawmiraawo mi seni mo.”

Yosuwa 23:12

To on acci ɗowtanaago mo, to on ɗakkotiri bee ummaatooje luttuɗe caka mooɗon ɗe'e, to on esiri bee maɓɓe, to on ɗon ngillotira bee maɓɓe,

Yosuwa 23:13

nden kam annde fakat, Allah Jawmiraawo mooɗon accan riiwugo ummaatooje man yeeso mooɗon. Ɓe laatanto on bana tuuforgol malla ngaska, bana ɓoccol dow ɓaawo mon, bana gi'e nder gite mon, haa to on natti on fuu nder lesdi mboondi ndi'i ndi Allah Jawmiraawo mooɗon hokki on.

Alkaali'en 14:3

Saaro'en maako ƴami mo: “Walaa paanyo debbo nder banndiraaɓe ma malla nder ummaatoore meeɗen na? Koni ɗaɓɓata debbo haa Filisti'en saadooni'en ɓe'e?” Samson jaabi baaba muuɗum: “Kaŋko fottani yam, te'anam mo!”

Alkaali'en 3:5

Bana nii Isra'iila'en njooɗi caka Kanaani'en e Heti'en e Amoori'en e Perezzi'en e Hewi'en e Yebusi'en.

Alkaali'en 3:6

Ɓe te'i ɓiɓɓe maɓɓe rewɓe, kamɓe boo ɓe te'ni ɓe ɓiɓɓe maɓɓe rewɓe, ɓe ndewi ɗowanteeɓe maɓɓe boo.

Alkaali'en 8:27

Gedeyon waɗi ɗanciki limanjo bee kaŋŋeeri man, ɓili ki haa Ofra, wuro maako. Ton Isra'iila'en fuu laatini ɗanciki ki'i lawru, ɓe ndewi ndu, bana non ndu laatori tuuforgol ngam Gedeyon e yimɓe saare muuɗum.