Gurtaaki 33:4 - Fulfulde Bible

⁴ Nde yimɓe nani koŋngol kalluŋgol ngo'ol, ɓe mboyi, walaa koo gooto ɓorni fawne muuɗum.

Fulfulde DC Bible

⁴ Nde yimɓe nani koŋngol kalluŋgol ngo'ol, ɓe mboyi, walaa koo gooto ɓorni fawne muuɗum.

Gurtaaki 33:4 Iomraidhean Croise

2 Samuyila 19:24

Nden o wi'i Sim'i: “Mi hunanake ma a maayataa.”

1 Laamiiɓe 21:27

Nde Akab nani bolle ɗe'e, o seeki limce maako, o ɓorni limce buhuuje, o suumi. O waali nder limce buhuuje, o ɗonno yaha deesa-deesa.

2 Laamiiɓe 19:1

Nde laamiiɗo Hezekiya nani ɗum, o seeki limce maako. O ɓorni buhuuje, o nasti haykaliiru Jawmiraawo.

Esira 9:3

Nde mi nani ɗum, mi seeki toggoore am e ngapaleewol am, mi ɓori gaasa hoore am e wakkude am, mi jooɗi mi cakliiɗo.

Ayuba 1:20

Nden Ayuba ummi, seeki alkibbaare mum, laɓi hoore mum, do'i haa lesdi, sujidi.

Ayuba 2:12

Nde ɓe eewi mo diga daayiiɗum, ɓe annditaay mo. Ɓe towni sawtu, ɓe mboyi, ɓe ceeki alkibbaaje maɓɓe, ɓe ukki collaaje dow ko'e maɓɓe heedi asama.

Gurtaaki 33:6

Isra'iila'en itti fawne muuɗum'en haa hooseere Horeb, ɓe meetaay ɓornaago ɗe.

Esaaya 32:11

Kultore, onon riskuɓe! Ndiwne, onon sooyɓe saklere! Ɓorte limce mooɗon, temmbiɗe, kadde limce buhuuje!

Ezekiyel 24:17

Taa goɗɗo nana uumaali ma, taa woy maayɗo. Taa ittu meetaleewol ma, taa faɗɗita paɗe ma bana woyanɓe mbaɗata. Taa wiirnu yeeso ma, taa nyaam nyaamdu jooɗotooɓe haa maayiti boo.”

Ezekiyel 24:23

Taa on itta meetaleeji mon, taa on paɗɗito. Taa on njooyna, taa on mboya. Ammaa on njinnan ngam daliila aybeeji mon, on uumoto, koo moy heedi keeddiɗɗum.

Ezekiyel 26:16

Laamiiɓe ummaatooje haa mbeela fuu njippoto leese laamu muuɗum'en. Ɓe ɓortan ngapaleeji maɓɓe e alkibbaaje maɓɓe tuppitaaɗe, ɓe njooɗo haa lesdi ɓe ɗon ndiwna. Ɓe kultoran ngam masiibo ma, ɓe mbaawataa naŋgtugo diwŋgol maɓɓe.

Hose'a 7:14

Nde ɓe mboyi ɓe waaliiɓe dow daage maɓɓe, ɓe toraaki yam nder ɓerɗe maɓɓe. Ɓe ɗon ƴaro ɓalli maɓɓe ngam ɓe keɓa alkamaari e inaboojam kesam. Ammaa min, ɓe ɗon tuurtanammi.

Farillaaji Lewi'en 10:6

Nden Muusa wi'i Haruna e ɓiɓɓe mum Eli'azaaru e Itamar: “Taa njoofe gaasa ko'e mon, taa ceeke limce mon boo, ngam taa maayon, taa Jawmiraawo tikkana jama'aare fuu. Ammaa banndiraaɓe mon, Isra'iila'en fuu mboya ngam daliila yiite nge Jawmiraawo neli ɗum.

Yonas 3:6

Haala man yottani laamiiɗo Niniwe. O ummi dow leeso laamu maako, o ɓorti alkibbaare maako, o ɓorni limce buhuuje, o jooɗi nder doɗɗe.

Zekariya 7:3

ɓe ƴama liman'en huuwanɓe nder haykaliiru Jawmiraawo honooɓe asama e annabi'en: “Min tokko woyugo e suumaago nder lewru jowaɓru bana min ɗonno mbaɗa duuɓi ɗuuɗɗi na?”

Zekariya 7:5

“Yeccu yimɓe lesdi e liman'en fuu: Saa'i on cuumi, on mboyi nder lewru jowaɓru e nder lewru joweeɗiɗaɓru, duuɓi cappanɗe joweeɗiɗi, bee gooŋga cuumɗon ngam am na?

Limle 14:1

Jama'aare Isra'iila fuu wooki, woyi jemmaare man fuu.

Limle 14:39

Muusa yecci Isra'iila'en fuu bolle ɗe'e. Nden ɓe mboyi masin.

1 Samuyila 6:19

Jawmiraawo mbari worɓe cappanɗe njoweeɗiɗo nder yimɓe Bayti-Semes ujine cappanɗe njowo (50.000), ngam ɓe njurni sundukru maako. Yimɓe fuu cuni ngam kiita Jawmiraawo ka'a.