Gurtaaki 32:5 - Fulfulde Bible

⁵ Nde Haruna yi'i ɗum, o mahi hirsirde yeeso maagel. Nden o wooyni: “Jaŋngo woni juulde ngam Jawmiraawo!”

Fulfulde DC Bible

⁵ Nde Haruna yi'i ɗum, o mahi hirsirde yeeso maagel. Nden o wooyni: “Jaŋngo woni juulde ngam Jawmiraawo!”

Gurtaaki 32:5 Iomraidhean Croise

1 Laamiiɓe 21:9

Nder bataakeeji man, o winndi bana ni'i: “Ewne yimɓe, ɓe kawta ngam suumaago, njo'ine Nabot haa nokkuure teddunde caka maɓɓe.

2 Laamiiɓe 10:20

Nden Yeehu umri: “Mbaɗe mooɓtorde juulde senaande ngam Ba'al.” Ɓe ngooyni nde.

2 Laamiiɓe 16:11

Uriya limanjo nyiɓi hirsirde fodde tinndinooje ɗe Akas nelduno diga Damas, bana non Uriya limanjo waɗi nde, haa laamiiɗo Akas warti diga Damas.

2 Habaruuji Nyalaaɗe 30:5

Ngam maajum ɓe narri neldugo ewnaandu nder lesdi Isra'iila fuu, diga Biirsaba haa yotto Dan, yimɓe ngara haa Urusaliima, mbaɗa juulde Paska ngam Jawmiraawo, Allah Isra'iila. Naane ɓe meeɗaayno waɗugo nde tawon bee jama'aare ɗuuɗnde fodde umroore deftere.

Gurtaaki 10:9

Muusa jaabi: “Min ndillidan bee derke'en e ndotti'en amin fuu e ɓiɓɓe amin worɓe e rewɓe, non boo dammooji amin e na'i amin, ngam min mbaɗanan Jawmiraawo amin juulde.”

Gurtaaki 12:14

Nyalaade man laatano on ngam ciftorki, on ngartira nde juulde ngam Jawmiraawo. Njoge ɗum ngam kanjum woni farilla nduumiika haa gide mooɗon fuu.

Gurtaaki 17:15

Nden Muusa mahi hirsirde, inndi nde Jawmiraawo-woni-tuutawal-am.

Gurtaaki 32:4

O jaɓi kon haa juuɗe maɓɓe, o diidi misaalu bee binndirgol, o ɓolini kaŋŋeeri go, o waɗi gaggel fodde misaalu oo. Yimɓe mbi'i: “Yimɓe ummaatoore Isra'iila, kanjum woni ɗowanteeɗo mon, gurtinɗo on lesdi Misra.”

Gurtaaki 32:6

Jaŋngo maajum ɓe ndawi cub, ɓe lii'i guleteeɗi, ɓe mbaɗi kirseteeɗi ngam kawtal. Yimɓe fuu njooɗi, ɗon nyaama, ɗon njara. Nden ɓe ummi haa ɓe pija.

Hose'a 8:11

Efrayim ɗuɗɗini kirsirɗe ngam ittuki hakke. Ammaa ɗe laatanake mo daliila waɗugo hakke!

Hose'a 8:14

Isra'iila yejjiti tagɗo ɗum, nyiɓi cuuɗi laamorɗe. Yahuuda boo ɗuɗɗini berniiji cemmbiɗɗi. Mi nelan yiite nder berniiji maɓɓe, nge nyaaman laamorɗe maɓɓe.”

Farillaaji Lewi'en 23:2

o wi'a Isra'iila'en ni'i: “Ndaa nyalɗe juulɗe ɗe mooɓtoton mooɓtorde senaande ngam Jawmiraawo:

Farillaaji Lewi'en 23:21

Nyannde man taa on kuuwa kuugal naawŋgal, ammaa on ngooyna mooɓtorde senaande. Koo toy njooɗoton fuu, ɗum laati farilla nduumiika haa gide mon fuu.

Farillaaji Lewi'en 23:37

Kanje ngoni juulɗe ɗe Jawmiraawo umri on jogaago, ngam on mooɓta mooɓtorde senaande, on lii'ano Jawmiraawo kirseteeɗi e guleteeɗi e dokke nyaamdu e kirseteeɗi ngam kawtal mon e dokke dufeteeɗe, nyalaade koo ndeyeere fodde umroore maare.

Farillaaji Lewi'en 23:4

Ndaa nyalɗe juulɗe ɗe ngooynoton mooɓtorde nder saa'iije ta'aaɗe, ngam on mooɓta mooɓtorde senaande.”

1 Korintu'en 5:8

Non kadi ngaɗen juulde, naa bee ufnirɗum kiiɗɗum, naa bee ufnirɗum halleende e zunuuba, ammaa bee tamseere nde ufnaakaa, waato tamseere laaɓeeŋga e gooŋga.

1 Samuyila 14:35

Sawulu mahani Jawmiraawo hirsirde. Kayre woni hirsirde arannde nde o mahani Jawmiraawo.