Gurtaaki 3:13 - Fulfulde Bible

¹³ Muusa wi'i Allah: “To mi yehi haa Isra'iila'en, mi wi'i ɓe: Allah kaakiraaɓe mooɗon neli yam haa mooɗon, ɓe ƴamatam: Noy innde maako? Ɗume mbi'anmi ɓe?”

Fulfulde DC Bible

¹³ Muusa wi'i Allah: “To mi yehi haa Isra'iila'en, mi wi'i ɓe: Allah kaakiraaɓe mooɗon neli yam haa mooɗon, ɓe ƴamatam: Noy innde maako? Ɗume mbi'anmi ɓe?”

Gurtaaki 3:13 Iomraidhean Croise

Laataanooji 32:29

O wi'i: “A ewnataake Yaakubu fahin, ammaa Isra'iila. Ngam a haɓi bee Allah e bee yimɓe, a jaalake.”

Gurtaaki 15:3

Jawmiraawo woni konoowo, innde maako Jawmiraawo!

Gurtaaki 3:12

Allah wi'i mo: “Mi wondan bee ma. Ndaa nii ngooŋɗinirta min neli ma: To a wurtini ummaatoore nde'e diga Misra, on njaggano yam dow hooseere nde'e.”

Gurtaaki 3:14

Allah jaabi Muusa: “Min woni mo ngonmi.” O wi'i: “Ndaa nii mbi'ata yimɓe Isra'iila: Min woni neli yam haa mooɗon.”

Gurtaaki 3:15

Fahin Allah wi'i Muusa: “Ndaa nii mbi'ata Isra'iila'en: Jawmiraawo, Allah kaakiraaɓe mooɗon, Allah Ibrahiima e Allah Isiyaaku e Allah Yaakubu neli yam haa mooɗon. Kanjum woni innde am haa foroy, bana non yimɓe ewnorto yam diga yidere haa yidere.

Gurtaaki 7:16

A wi'a laamiiɗo: Jawmiraawo, Allah Ibraniŋke'en, neli yam haa maaɗa. O wi'i ma: Accu ummaatoore am dilla, jaggano yam nder ladde. Ammaa a sali haa jonta.

Balndi 30:4

Moy eeŋgi haa asama, jippi diga ton? Moy mooɓti henndu haa juuɗe mum? Moy haɓɓi ndiyamji nder limce mum? Moy tabitini keeri duniyaaru? Noy innde maako e innde ɓiyiiko? An a anndi na?”

Esaaya 52:6

Ngam maajum yimɓe am anndan innde am nyannde feere. Nyannde man ɓe anndan min wi'i: Ndaa yam ɗo!”

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Yeremiya 23:6

Nder balɗe maako Yahuuda rimɗinte, Isra'iila boo jooɗoto jam. Yimɓe ewnoto laamiiɗo oo: Jawmiraawo-woni-adilaaku-meeɗen.”

Matta 1:21

O tammi danyugo ɓiɗɗo gorko, a inndan mo Yeesu, ngam kaŋko hisnata ummaatoore maako diga hakkeeji maare.”

Matta 1:23

“Paanyo debbo mo annda gorko reedan, danyan ɓiɗɗo gorko, ɓe inndan mo Immanuyila, bana wi'go: Allah ɗon wondi bee meeɗen.”

Kuuɗe Nelaaɓe 3:13

Allah mo Ibrahiima, mo Isiyaaku, mo Yaakubu, Allah kaakiraaɓe meeɗen teddini suka muuɗum Yeesu mo on ndokki haa juuɗe mawɓe, on ngeddi mo yeeso Pilaatu, koo nde Pilaatu yiɗino yoofugo mo.

Alkaali'en 13:17

Manooha wi'i mo: “Anndin min innde ma ngam haa min teddina ma to bolle ma ngooŋɗi.”

Alkaali'en 13:6

Debbo nasti saare, wi'i gorum: “Goɗɗo Allah wari haa am. Bana mi yi'iri mo nii, goɗɗo wi'an o malaa'ikaajo Allah, o kulniiɗo masin. Mi ƴamaay mo haa o iwoy, o anndinaay yam innde maako boo.