Gurtaaki 25:8 - Fulfulde Bible

⁸ Isra'iila'en mbaɗanammi jooɗorde seniinde, haa mi jooɗo caka maɓɓe.

Fulfulde DC Bible

⁸ Isra'iila'en mbaɗanammi jooɗorde seniinde, haa mi jooɗo caka maɓɓe.

Gurtaaki 25:8 Iomraidhean Croise

1 Laamiiɓe 6:13

Mi waran mi jooɗo caka mooɗon nder haykaliiru ndu e mi wudintaa Isra'iila ummaatoore am sam.”

1 Habaruuji Nyalaaɗe 22:19

Jonta kam, tiiɗe nder anniya mon haa on ɗakkotira bee Jawmiraawo, Allah mooɗon. Puɗɗe nyiɓugo haykaliiru seniindu ngam Allah Jawmiraawo, haa on njo'ina sundukru alkawal Jawmiraawo e kuuje cenaaɗe ngam Allah nder suudu ndu nyiɓanton innde maako.”

Gurtaaki 15:17

A ɗon yahra ɓe dow hooseere laatotoonde maral ma ngam jo'ingo ɓe ton, yaa Jawmiraawo. Ɗum nokkuure nde mbaɗɗa joonde ma, yaa Allah Jawmiraawo, ɗum suudu ma seniindu ndu a taaskitini.

Gurtaaki 15:2

Jawmiraawo woni semmbe am e daliila yimre am! O hisni yam, kaŋko woni Allah am, mi teddinan mo! O Allah baaba am, mi maŋgtan mo!

Gurtaaki 29:45

Mi jooɗoto caka Isra'iila'en, mi laatoto Allah maɓɓe.

Gurtaaki 29:46

Ɓe anndan min woni Jawmiraawo Allah maɓɓe, gurtinɗo ɓe lesdi Misra, haa mi jooɗo caka maɓɓe. Min woni Jawmiraawo Allah maɓɓe.”

Esaaya 12:6

Ceye! Mbaɗe gookaali seyo, onon jooɗiiɓe haa Siyona! Ngam Ceniiɗo Isra'iila o mawɗo caka mooɗon.”

Ezekiyel 37:26

Mi haɓɓan alkawal salaaman bee maɓɓe, ɗum alkawal duumiiŋgal. Mi jo'inan ɓe haa lesdi, mi ɗuɗɗinan ɓe, mi darnan haykaliiru am caka maɓɓe boo, ndu daroto ton haa foroy.

Ezekiyel 37:28

To mi darni haykaliiru am caka maɓɓe haa foroy, saa'i man ummaatooje paaman min Jawmiraawo seni Isra'iila.”

Ezekiyel 43:7

O wi'i: “Ɓii-Aadama, haa ɗo woni leeso laamu am e jaaɓruɗum kosɗe am. Haa ɗo njooɗotoomi caka yimɓe Isra'iila haa foroy. Kamɓe e laamiiɓe maɓɓe meetataa soɓnugo innde am seniinde bee daakaareeku maɓɓe, koo bee darnugo kaa'e maandorɗe ngam laamiiɓe maɓɓe maayɓe.

Farillaaji Lewi'en 10:4

Muusa ewni Miisayel e Elicafan ɓiɓɓe Uzziyel bappaanyo Haruna, wi'i ɓe: “Ngare, cottine maayɓe mon yeeso suudu seniindu, njahre ɓe yaasi saŋngeere.”

Farillaaji Lewi'en 26:11

Mi jooɗoto caka mooɗon nder jooɗorde am, mi meeɗataa wanyugo on.

Farillaaji Lewi'en 4:6

O suuwa hoondu maako nder maajam, o wicca ɗam nde joweeɗiɗi yeeso Jawmiraawo haa wiirndallo nder suudu seniindu.

Zekariya 2:10

Jawmiraawo wi'i yimɓe muuɗum: “Onon ɓe mi saŋkiti haa alkibilaaji nayi fuu, jonta kam ndogge, ngurte lesɗe woyla!

Zekariya 8:3

Ndaa nii Jawmiraawo wi'i: “Mi wartan haa Siyona, mi jooɗoto haa caka Urusaliima. Innde Urusaliima laatoto Berniwol-Gooŋga, innde hooseere Jawmiraawo honooɓe asama boo laatoto Hooseere-Seniinde.”

Limle 5:3

Ngurtine worɓe e rewɓe soɓɓe fuu yaasi ngam taa ɓe coɓna saŋngeere haa njooɗotoomi caka maɓɓe.”

Kuuɗe Nelaaɓe 7:44

Laymaaru Allah ɗonno caka kaakiraaɓe meeɗen nder ladde. Ɓe nyooti ndu bana no Allah waŋginani Muusa, bana misaalu ɗum o holli mo.

2 Korintu'en 6:16

Ɗume hawtata haykaliiru Allah bee labbi? Ngam enen en haykaliiru Allah geeto, bana o wi'i: “Mi jooɗoto caka maɓɓe, mi wondan bee maɓɓe. Mi laatoto Allah maɓɓe, kamɓe boo ɓe laatoto ummaatoore am.”

Tooktaaki Tawreeta 12:11

Jawmiraawo, Allah mooɗon suɓan nokkuure joonde ngam innde mum wona ton. Haa ton on lii'anto mo ko umrumi on fuu: Guleteeɗi mon e kirseteeɗi mon e zakkaaji mooɗon e dokke mon ittaaɗe e dokke cuɓaaɗe ɗe on togani Jawmiraawo fuu.

Ibraniŋke'en 3:6

Ammaa Almasiihu, o Ɓiɗɗo nder saare maako. Enen ngoni saare maako, to en tabiti nder cuusal meeɗen e tammunde meeɗen nde en maŋgtorto.

Yosuwa 22:31

Pinehas ɓii Eli'azaaru, limanjo wi'i ɓe: “Jonta min anndi Jawmiraawo ɗon wondi bee meeɗen. Onon on ngewaay umroore maako. Bana nii on kisniri Isra'iila'en kiita maako.”

Wahayu Yuhanna 21:3

Mi nani sawtu iwi diga leeso laamu ɗon wi'a bee semmbe: “Ndaa jooɗorde Allah caka yimɓe! O jooɗoto bee maɓɓe, ɓe laatoto ummaatooje maako. Allah bee hoore mum wondan bee maɓɓe, laatoto Allah maɓɓe.