Gurtaaki 23:8 - Fulfulde Bible

⁸ Taa njaɓe caahu rusiya, ngam rusiya haɗan yi'ugo gooŋga, waylan haala gooŋɗuɓe.

Fulfulde DC Bible

⁸ Taa njaɓe caahu rusiya, ngam rusiya haɗan yi'ugo gooŋga, waylan haala gooŋɗuɓe.

Gurtaaki 23:8 Iomraidhean Croise

Jabuura 15:5

O hokkataa nyamaande bee ndiyam, o jaɓataa ngeenaari ngam zammbaago mo walaa aybe. Baɗanɗo bana non dimmbataako haa foroy.

Jabuura 26:10

Juuɗe maɓɓe ɗon mbaɗa zunuuba, nyaamo koo moy maɓɓe heewi ngeenaari zammba.

Balndi 15:27

Cuuneteeɗo riba wonnan saare mum, ammaa calotooɗo ngeenaari kallundi yeeɗan.

Balndi 17:23

Kiitoowo kalluɗo jaɓan dokkal, ngam o lelna kiita ngooŋɗuka.

Balndi 17:8

Dokkuɗo ɗon laara dokkal mum bana layaaru, o tammi gal o yahata fuu o heɓan jaalorgal.

Balndi 19:4

Jawdi ɗuɗɗinan sooba'en, ammaa talakaajo, soobaajo maako seedan bee maako.

Gaazoowo 7:7

Toonyaare wartiran hikmaajo paataaɗo, rusiya boo wonnan hakkiilo wooɗŋgo.

Esaaya 1:13

Acce waddugo dokke hayamje. Uurle uurooje ɗe nyidduɗe yeeso am. Juulɗe lewru hesru e nyalɗe ciwtorɗe e mooɓtuki mooɓorle – min kam, mi waawataa munyango ɗum, ngam on mbonni ɗum fuu bee hakkeeji mon.

Esaaya 1:23

Ardiiɓe ma laatake tuurtooɓe, ɓe sooba'en wuyɓe. Ɓe fuu ɓe ngiɗi caahuuji rusiya, ɓe ɗon ɗaɓɓa ngeenaari zammba. Ɓe njiŋngataa atiime'en fodde adilaaku, ɓe cuklantaako haala rewɓe yurumɓe.

Esaaya 33:15

Mo ɗon yeeɗa nder adilaaku e ɗon wolwa gooŋga, mo njaɓataa keɓal rikiciwal e mo ɗon salo ngeenaari zammba, mo ɗon sukka noppi muuɗum ngam taa nana haala mbar-hoore, mo ɗon maɓɓa gite muuɗum ngam taa o laara kalluɗum,

Esaaya 5:22

Bone laatanto waawɓe yarugo inaboojam e semmbiɗɓe jillugo nguykinoojam,

Esaaya 5:23

gooŋɗinooɓe kalluɗo ngam ɓe keɓa ngeenaari, ammaa salotooɓe gooŋɗingo adiliijo.

Ezekiyel 22:12

Woɗɓe nder maaɗa ɗon njaɓa caahuuji ngam mbarugo yimɓe. Woɗɓe ɗon njowana heeddiɗɗiraaɓe muuɗum'en ndiyam nyamaande, ɓe ɗon ɓilla ɓe ngam heɓugo riba kalluka. Fakat, a yejjiti yam!” Non Allah Jawmiraawo wi'i.

Hose'a 4:18

To wuykere maɓɓe jinni boo, ɓe accataa waɗugo daakaareeku. Mawɓe maɓɓe ɓuri yiɗugo toskaare.

Amos 5:12

Mi anndi, zunuubaaji mooɗon ɗuuɗi, hakkeeji mooɗon teddi. On ɗon ɓilla adiliijo, on ɗon ngaɗa rusiya ngam sottingo gooŋga talakaajo haa hiitordu.

Mika 7:3

Juuɗe maɓɓe anndi waɗugo kalluɗum masin. Ardiiɓe e hiitooɓe ɗon ƴama dokke, mawɓe ɗon mbaŋgina suuno muuɗum'en.

Tooktaaki Tawreeta 10:17

Ngam Jawmiraawo, Allah mooɗon o Allah ɓurduɗo ɗowanteeɓe fuu, o Jawmiraawo jawmiraaɓe. O Allah mawɗo, baawɗo, kuleteeɗo. O senndindirtaa yimɓe, o jaɓataa ngeenaari zammba.

Tooktaaki Tawreeta 16:19

Taa ɓe cela laawol gooŋga haa kiita. Taa ɓe cenndindira yimɓe. Taa ɓe njaɓa caahu rusiya, ngam rusiya haɗan yi'ugo gooŋga, waylan haala gooŋɗuɓe.

1 Samuyila 12:3

Ndaa yam ɗo. Ceedaneeɗam yeeso Jawmiraawo e laamiiɗo mo o suɓi to mi waɗi aybewol koo ngole. Nagge moy koocumi? Malla wamnde moy koocumi? Moy mbaɗmi rikici? Moy toonyiimi? Haa juŋngo moy njaɓmi ceede ngam sottingo gooŋga? Mbi'e ɗum jonta, haa mi hokkita on.”

1 Samuyila 8:3

Ammaa ɓe tokkaaki misaalu baaba maɓɓe. Ɓe ɗaɓɓi riba, ɓe njaɓi ngeenaari zammba, ɓe cottini gooŋga wakkati kiita boo.