Gurtaaki 23:24 - Fulfulde Bible

²⁴ Taa cujidane ɗowanteeɓe maɓɓe, taa ndewe ɓe, taa kuuwe irin kuuɗe maɓɓe. Ammaa ngibbine labbi ɗi'i e puse daŋraŋge maaji.

Fulfulde DC Bible

²⁴ Taa cujidane ɗowanteeɓe maɓɓe, taa ndewe ɓe, taa kuuwe irin kuuɗe maɓɓe. Ammaa ngibbine labbi ɗi'i e puse daŋraŋge maaji.

Gurtaaki 23:24 Iomraidhean Croise

2 Laamiiɓe 17:11

Ɓe nguli uureteeɗum ton haa nokkuuje towɗe bana ummaatooje ɗe Jawmiraawo dahino yeeso maɓɓe. Ɓe kuuwi kuuɗe kalluɗe ngam tikkingo Jawmiraawo.

2 Laamiiɓe 17:8

Ɓe tokki al'aadaaji ummaatooje ɗe Jawmiraawo riiwno yeeso maɓɓe e al'aadaaji ɗi laamiiɓe Isra'iila mbaɗi:

2 Laamiiɓe 18:4

O yibbini nokkuuje towɗe, o fusi daŋraŋge labbi, o fe'i suuraaji Asera, o fusi mboodi njamndi mboɗeeri ndi Muusa waɗno, ngam haa wargo nyalɗe ɗe'e, Isra'iila'en ɗon ngula uurle yeeso maari, ɓe mbi'i ndi Nehustan.

2 Laamiiɓe 3:2

O waɗi kalluɗum yeeso Jawmiraawo, ammaa naa bana baaba e daada maako. O itti daŋraŋgal Ba'al ngal baaba maako tiggino.

2 Habaruuji Nyalaaɗe 14:2

O wili kirsirɗe iwɗe lesɗe jananɗe e nokkuuje towɗe, o fusi daŋraŋge labbi, o yibbini suuraaji Asera boo.

2 Habaruuji Nyalaaɗe 25:14

Nde Amasiya jaali Edoomi'en, o hoori ɗowanteeɓe yimɓe Se'ir, o darni ɓe haa ɓe laato ɗowanteeɓe maako. O sujidani ɓe, o wulani ɓe uurle boo.

2 Habaruuji Nyalaaɗe 33:2

O waɗi kalluɗum yeeso Jawmiraawo bee tokkaago kuuɗe nyidduɗe ɗe ummaatooje ɗe Jawmiraawo riiwno yeeso Isra'iila'en mbaɗno.

2 Habaruuji Nyalaaɗe 33:9

Ammaa Manassa esti yimɓe Yahuuda e Urusaliima, haa ɓe mbaɗi kalluɗum ko ɓuri ummaatooje ɗe Jawmiraawo halkuno yeeso Isra'iila'en.

Jabuura 101:3

mi laarataa kuuje meereeje. Mi ɗon wanya kuuɗe tuurtuɓe dow Allah, walaa ko yaali yam bee maaje.

Gurtaaki 20:3

Taa ɗowanteeɓe woɗɓe tawe haa maaɗa, sey min feere am.

Gurtaaki 20:5

Taa sujidan suuraaji ɗi'i, taa rewu ɗi! Ngam min Jawmiraawo Allah ma, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Gurtaaki 23:13

Kakkilane ko mbi'mi on fuu. Taa ewne inɗe ɗowanteeɓe woɗɓe, taa goɗɗo nana ɗe haa kunnduɗe mooɗon.”

Gurtaaki 23:32

Taa kaɓɓe alkawal bee maɓɓe e ɗowanteeɓe maɓɓe.

Gurtaaki 23:33

Taa ɓe njooɗo nder lesdi mon ngam ɓe esta on on mbaɗa hakke dow am. To on ndewi ɗowanteeɓe maɓɓe, on nastan nder tuuforgol.”

Gurtaaki 32:20

O hoo'i gaggel ngel ɓe mbaɗi, o wuli ngel bee yiite, o nami ngel haa ngel laati bana kuroori. O ukki ɗum nder ndiyam, o yarni ɗum Isra'iila'en.

Ezekiyel 16:47

Tokkaago laabi maɓɓe e kuuɗe maɓɓe nyidduɗe he'aay ma, kuuɗe maaɗa fuu ɓuri ɗe maɓɓe hallugo.

Hose'a 10:2

Ɓerɗe Isra'iila'en cenndake. Sey ɓe ndoondo kiita aybe man jonta. Allah fusan kirsirɗe maɓɓe e daŋraŋge labbi maɓɓe.

Farillaaji Lewi'en 18:3

Taa tokke al'aadaaji lesdi Misra ndi njooɗiiɗon naane. Taa tokke al'aadaaji lesdi Kanaana boo ndi njahranmi on haa muuɗum, taa ɗowtane ɗabiyaaji yimɓe wonɓe ton.

Farillaaji Lewi'en 26:1

Jawmiraawo wi'i: “Taa mbaɗane ko'e mon labbi, taa ndarne suuraaji cehaaɗi malla daŋraŋge malla kaa'e bee suuraaji diidaaɗi dow muuɗum'en nder lesdi mooɗon, ngam on cujidana ɗum. Min woni Jawmiraawo Allah mon.

Limle 25:2

Rewɓe ɓe'e ewni Isra'iila'en haa kirseteeɗi ɗi Mo'abi'en lii'ani ɗowanteeɓe muuɗum'en. Isra'iila'en nyaamdi bee maɓɓe, cujidani ɗowanteeɓe maɓɓe.

Limle 33:52

sey on ndiiwa jooɗiiɓe haa lesdi man fuu. Nattine labbi maɓɓe cehaaɗi nder kaa'e e labbi maɓɓe ɓolinaaɗi, ngibbine boo nokkuuje maɓɓe towɗe fuu.

Tooktaaki Tawreeta 12:3

Ngibbine kirsirɗe maɓɓe, puse kaa'e ciftinorɗe maɓɓe. Ngule daŋraŋge maɓɓe cenaaɗe, pe'e labbi maɓɓe, nattine inɗe maaji e nokkuuje man.

Tooktaaki Tawreeta 7:5

Ndaa ko on mbaɗata yimɓe ɓe'e: Ngibbine kirsirɗe maɓɓe, puse kaa'e ciftinorɗe maɓɓe, ngibbine Aseraaji maɓɓe cenaaɗi, ngule labbi maɓɓe.