Gurtaaki 23:21 - Fulfulde Bible

²¹ Kakkilane mo, nane koŋngol maako, taa tikkine mo. O yaafataako tuurtol mooɗon, ngam innde am ɗon wondi bee maako.

Fulfulde DC Bible

²¹ Kakkilane mo, nane koŋngol maako, taa tikkine mo. O yaafataako tuurtol mooɗon, ngam innde am ɗon wondi bee maako.

Gurtaaki 23:21 Iomraidhean Croise

Jabuura 2:12

Kebbe Ɓiɗɗo oo, ngam taa o ɓerna, nden on kalka haa laawol mon. Ngam nii seɗɗa o ɓernan. Seyo laatani nyukkotooɓe haa maako.

Jabuura 72:19

Maŋgtoore laatano innde maako teddunde haa foroy, duniyaaru fuu heewa tedduŋgal maako. Aamiina. Aamiina!

Jabuura 78:40

Ɓe tuurtani mo nder ladde nde ɗuuɗɗum, haa ladde hamaadaare, ɓe ɗuɗɗini laskingo ɓernde maako.

Jabuura 78:56

Ammaa ɓe poondi Allah Ɓaŋiiɗo, ɓe tuurtani mo, ɓe kakkilanaay seedamkuuji maako.

Jabuura 83:18

Ɓe cemta, ɓe kultora foroy, ɓe maaya bee toskaare!

Gurtaaki 3:14

Allah jaabi Muusa: “Min woni mo ngonmi.” O wi'i: “Ndaa nii mbi'ata yimɓe Isra'iila: Min woni neli yam haa mooɗon.”

Gurtaaki 32:34

Yah jonta, yahru ummaatoore haa nokkuure nde mbi'maami. Anndu, malaa'ikaajo am ardoto yeeso ma. Ammaa nyalaade kiita am mi hiitoto ɓe ngam hakke maɓɓe.”

Gurtaaki 6:3

Mi waŋgani Ibrahiima e Isiyaaku e Yaakubu, mi Allah Baawɗo. Ammaa mi anndinaay hoore am haa maɓɓe bee innde am Jawmiraawo.

Esaaya 42:8

Min woni Jawmiraawo, kanjum woni innde am. Mi hokkataa ɗowanteeɗo goɗɗo tedduŋgal am, mi senndataa maŋngu am bee labbi.

Esaaya 45:6

Mi waɗi ɗum haa yimɓe diga fuunaaŋge haa hiirnaaŋge paama, walaa Allah sonaa min. Min woni Jawmiraawo, walaa goɗɗo feere sam!

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Esaaya 7:14

Ngam maajum Jawmiraawo bee hoore muuɗum hokkan on alaama: Ndaa, paanyo debbo reedan, o danyan ɓiɗɗo gorko, o inndan mo Immanuyila.

Esaaya 9:5

En ndanyanaama ɓiŋngel, en ndokkaama ɓiɗɗo gorko! Laamu wallinaama dow balawal maako, ɓe inndan mo: Carwoowo kaayeefiijo, Allah cemmbiɗɗo, Baaba duumiiɗo, laamiiɗo salaaman.

Esaaya 9:6

O mawninan baawɗe laamu maako, o hokkan leeso laamu Daawuda e maral mum fuu salaaman ka timmataa sam, o semmbiɗinan laamu maako, o tabitinan ngu bee kiita ndarnuka e adilaaku, diga jonta haa foroy. Jawmiraawo honooɓe asama waɗan ɗum nder tiinaare mum.

Yeremiya 23:6

Nder balɗe maako Yahuuda rimɗinte, Isra'iila boo jooɗoto jam. Yimɓe ewnoto laamiiɗo oo: Jawmiraawo-woni-adilaaku-meeɗen.”

Yeremiya 5:7

Jawmiraawo wi'i: “Noy mi yaaforanto ma ɗum fuu, an Urusaliima? Ɓiɓɓe maaɗa acci yam, ɓe ɗon kunoro labbi koo to ɗi laataaki ɗowanteeɓe. Min haarni ɓe, ammaa kamɓe ɓe mbaɗi njeenu, ɓe mooɓi haa cuuɗi daakaare'en.

Malakiya 3:1

Jawmiraawo honooɓe asama wi'i: “Ndaa, mi ɗon nela nelaaɗo am, haa o mo'ina laawol yeeso am. Jawmiraawo mo ɗaɓɓoton, nastan nder haykaliiru mum bee juhuki. Nelaaɗo mo alkawal mo ngerduɗon, ndaa o ɗon wara.” Non Jawmiraawo honooɓe asama wi'i.

Limle 14:11

Jawmiraawo wi'i Muusa: “Haa ndey yimɓe ɓe'e tokkoto yawaago yam? Bee alaamaaji ɗuuɗɗi ɗi mbaɗmi caka maɓɓe, haa ndey ɓe caloto hoolaago yam?

Limle 14:35

Min Jawmiraawo wi'i ɗum, bana non mi waɗanta jama'aare hallunde nde'e, ngam nde hawti ngam honugo yam. Yimɓe maare maayan, ɓe nattan haa ɗo nder ladde.”

Matta 1:23

“Paanyo debbo mo annda gorko reedan, danyan ɓiɗɗo gorko, ɓe inndan mo Immanuyila, bana wi'go: Allah ɗon wondi bee meeɗen.”

Matta 17:5

Nde o ɗon wolwa tawon, ndaa ruuldere ɗelkannde wari, suddi ɓe, sawtu iwi haa ruulde man, wi'i: “Oo woni Ɓiɗɗo am giɗaaɗo, mi ɗon seyoro ɗum. Nanane mo.”

Yuhanna 10:30

Min e Baabiraawo, min gootum.”

Yuhanna 10:38

Ammaa to ɗum kuuɗe maako fakat, koo to on nuɗɗinaay yam min, nuɗɗine kuuɗe ɗe'e, ngam haa on annda e on paama Baabiraawo ɗon nder am, min boo mi ɗon nder Baabiraawo.”

Yuhanna 5:23

ngam haa yimɓe fuu teddina Ɓiɗɗo bana ɓe teddinirta Baabiraawo nelɗo mo. Koo moy sali teddingo Ɓiɗɗo, teddintaa Baabiraawo nelɗo mo.

Efesu'en 4:30

Taa mettine Ruuhu Ceniiɗo, ngam bee maako Allah waɗani on lammba maral muuɗum, haa o sootto on nder nyalaade coottuki.

Tooktaaki Tawreeta 18:19

To goɗɗo salake ɗowtanaago ko annabiijo wolwi bee innde am, mi hiitoto mo.

Tooktaaki Tawreeta 9:7

Taa ngejjite sam no on tikkiniri Jawmiraawo, Allah mooɗon nder ladde. Diga nyannde gurtaaki mon haa lesdi Misra, haa njottiiɗon nokkuure nde'e, on ɗon tuurtani Jawmiraawo.

Kolossi'en 2:9

Ko woni nder Allah fuu ɗon foroy nder Almasiihu marɗo ɓanndu neɗɗo.

Ibraniŋke'en 12:25

Kakkile, taa cale nanugo bolwanɗo jonta. Saliiɓe nanugo bolwuɗo haala Allah haa duniyaaru ngam reentingo ɓe, kisaay. Kadi noy enen en mbaawrata hisugo to en calake bolwanɗo diga asama!

Ibraniŋke'en 3:16

Ɓeye nani sawtu Allah, tuurtani mo? Ɗum yimɓe ɓe Muusa wurtini diga Misra fuu.

Yosuwa 24:19

Yosuwa wi'i yimɓe ummaatoore: “On mbaawataa jagganaago Jawmiraawo, ngam o Allah ceniiɗo o yiɗaa on tokko ɗowanteeɓe woɗɓe. O munyantaa tuurtolji e hakkeeji mon.

1 Yuhanna 5:16

To goɗɗo yi'i deerɗum ɗon waɗa hakkewol ngol yahrataa mo haa maayde, sey o tora Allah, Allah boo hokkan mo ngeendam. Haala ka'a laarani waɗooɓe hakkewol ngol yahrataa ɓe haa maayde. Ammaa woodi hakkewol jahranŋgol goɗɗo haa maayde. Mi wi'aay on toro Allah ngam maagol.

Wahayu Yuhanna 1:8

Jawmiraawo Allah wi'i: “Min woni Alfa e Omega, mo ɗon e mo ɗonno ɓooyma, mo ɗon wara boo, min woni Baawɗo dow koo ɗume fuu.”

Wahayu Yuhanna 2:23

Ɓikkoy maako boo, mi mbaran koy. Jama'aaje nuɗɗinɓe fuu anndan min woni linyoowo numooji e ɓerɗe yimɓe. Mi warjoto koo moy mooɗon deydey kuuɗe muuɗum.

Wahayu Yuhanna 2:8

“Winndan malaa'ikaajo jama'aare nuɗɗinɓe haa Simirna ni'i: Ndaa koŋngol iwŋgol haa bi'eteeɗo arano e ragareejo, mo maayino, ammaa mo yeeɗiti:

Wahayu Yuhanna 3:7

“Winndan malaa'ikaajo jama'aare nuɗɗinɓe haa Filadelfiya ni'i: Ndaa koŋngol iwŋgol haa Ceniiɗo, gooŋgaajo, jogiiɗo maɓɓitirɗum Daawuda, to o maɓɓiti, walaa mo maɓɓata, to o maɓɓi boo, walaa mo maɓɓititta.

Alkaali'en 13:18

Malaa'ikaajo Jawmiraawo jaabi: “Ngam ɗume ƴamata innde am? Nde kaayeefiire.”