Gurtaaki 22:22 - Fulfulde Bible

²² To on toonyi ɓe, kamɓe boo ɓe mboyani yam, mi nanan bojji maɓɓe.

Fulfulde DC Bible

²² To on toonyi ɓe, kamɓe boo ɓe mboyani yam, mi nanan bojji maɓɓe.

Gurtaaki 22:22 Iomraidhean Croise

Ayuba 31:16

Mi salaaki fortango talaka'en, mi salaaki wallititgo rewɓe yurumɓe.

Ayuba 34:28

Haa ɓe ngerɓi laafuɓe wookango mo, Allah nani gookaali man, walli ɓe.

Jabuura 10:14

A yi'i ɗum, ngam a ɗon laara torra e bone yimɓe, a taaskake wallugo ɓe. Tampuɗo halfinan hoore mum haa juŋngo ma, ngam an woni balloowo atiime'en fuu.

Jabuura 34:7

To laafuɗo wookani Jawmiraawo, o nanan, o hisnan mo ɓillaaje maako fuu.

Balndi 22:23

ngam Jawmiraawo jiŋngan ɓe, o ittanan jaɓtuɓe ɓe ngeendam.

Balndi 23:10

Taa sottin keerol ngesa atiime'en ngam mawningo maral ma.

Balndi 23:11

Ɓe ngoodi balloowo cemmbiɗɗo: Allah jiŋngan ɓe, haala man loroto dow maaɗa.

Esaaya 1:17

Ekkite waɗugo ko wooɗi, ɗaɓɓite ko fotti! Ndartine toonyooɓe, kiitane atiimeejo bee gooŋga, njiŋnge rewɓe yurumɓe!”

Esaaya 1:23

Ardiiɓe ma laatake tuurtooɓe, ɓe sooba'en wuyɓe. Ɓe fuu ɓe ngiɗi caahuuji rusiya, ɓe ɗon ɗaɓɓa ngeenaari zammba. Ɓe njiŋngataa atiime'en fodde adilaaku, ɓe cuklantaako haala rewɓe yurumɓe.

Esaaya 10:2

ngam ɓe calano talaka'en gooŋga nder kiita, ɓe njaɓta ko haandani laafuɓe nder ummaatoore am, rewɓe yurumɓe laato keɓal maɓɓe, ɓe ɗon njaɓta ko atiime'en mari.

Yeremiya 7:6

Taa ɓille hoɗɓe e atiime'en e rewɓe yurumɓe. Acce mbarugo yimɓe ɓe ngalaa aybe haa ɗo. Taa tokke ɗowanteeɓe woɗɓe, ngam taa on kalka.

Yeremiya 7:7

Nden kam mi accan on on njooɗo haa ɗo nder lesdi ndi ndokkumi kaakiraaɓe mooɗon haa abada abadin.

Ezekiyel 22:7

Yimɓe nder maaɗa ɗon njawo saaro'en muuɗum'en. Ɓe ɗon toonyo hoɗɓe, ɓe ɗon ɓilla atiime'en e rewɓe yurumɓe.

Zekariya 7:10

Taa toonye atiime'en e rewɓe yurumɓe e hoɗɓe e talaka'en. Taa koo moy nufano goɗɗo kalluɗum.”

Malakiya 3:5

Jawmiraawo honooɓe asama wi'i: “Mi waranan on ngam kiita. Mi yaawɗoto laataago ceedoowo dow waɗooɓe hiila e jeenooɓe e seedooɓe fewre, dow waɗanɓe huuwooɓe muuɗum'en rikici bee ngeenaari, dow toonyooɓe rewɓe yurumɓe e atiime'en, dow waɗanɓe aybe heedi jananɓe e dow yimɓe ɓe kulataa yam.”

Matta 23:14

Bone laatanto on, onon moodiɓɓe tawreeta e Farisa'en, naafiki'en! On ɗon njaɓta marle rewɓe yurumɓe, yeeso yimɓe, on ɗon njuutina do'aaje mon. Ngam maajum on hiiteteeɓe kiita naawka.]

Tooktaaki Tawreeta 10:18

O ɗon waɗana atiime'en e rewɓe yurumɓe kiita ngooŋɗuka. O yiɗi jananɓe wonduɓe bee mooɗon, o hokkan ɓe nyaamdu e limce.

Tooktaaki Tawreeta 15:9

Kakkilane ko'e mooɗon, taa numooji meereeji ummo nder ɓerɗe mon, on mbi'a: Aa'a, hitaande joweeɗiɗawre ɓadake, ɗum hitaande dimɗinki. To on calake hokkugo deerɗiraawo mon talakaajo nyamaande, o wulloto on yeeso Jawmiraawo, ɗum laatoto hakke dow mooɗon.

Tooktaaki Tawreeta 24:17

Taa cottine gooŋga jananno malla atiimeejo yeeso kiita. Taa kooce limce debbo jurumɗo jeŋngina.

Tooktaaki Tawreeta 24:18

Sey on ciftora no onon boo on laatino maccuɓe haa Misra. Ammaa Jawmiraawo, Allah mooɗon rimɗini on diga ton. Ngam maajum umrumi on huuwugo fodde wolde nde'e.

Tooktaaki Tawreeta 27:19

Naaloore dow koo moy cottinanɗo gooŋga jananɓe e atiime'en e rewɓe yurumɓe haa kiita! Ummaatoore fuu jaabo: Aamiina!

Yaakuba 1:27

Ndaa ko hollata diina gooŋgaaha e ceniika yeeso Allah Baabiraawo: Hakkilango atiime'en e rewɓe yurumɓe nder ɓillaare maɓɓe e aynugo hoore muuɗum ngam taa duniyaaru soɓna ɗum.