Gurtaaki 20:5 - Fulfulde Bible

⁵ Taa sujidan suuraaji ɗi'i, taa rewu ɗi! Ngam min Jawmiraawo Allah ma, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Fulfulde DC Bible

⁵ Taa sujidan suuraaji ɗi'i, taa rewu ɗi! Ngam min Jawmiraawo Allah ma, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Gurtaaki 20:5 Iomraidhean Croise

2 Samuyila 21:1

Weelo waɗino nder zamanu Daawuda, ngo duuri duuɓi tati. Daawuda ƴami Jawmiraawo daliila weelo man. Jawmiraawo jaabi mo: “Aybe ƴiiƴam ɗon dow Sawulu e saare mum, ngam o mbari Gibiyoni'en woɗɓe.”

2 Samuyila 21:6

Ngam maajum hokku min worɓe njoweeɗiɗo nder ɓiɓɓe maako, ngam haa min ɓila ɓe yeeso Jawmiraawo haa Gibiya, berniwol Sawulu, cuɓaaɗo Jawmiraawo.” Laamiiɗo wi'i: “Mi hokkan on ɓe.”

1 Laamiiɓe 19:10

O jaabi: “Yaa Allah Jawmiraawo honooɓe asama, bee tiinaare e ɓernde am fuu kuuwananmaami. Ngam Isra'iila'en piisti alkawal ma, ɓe ngibbini kirsirɗe ma, ɓe mbari annabi'en ma bee kaafahi. Min feere am lutti, ammaa ɓe ngiɗi mbarugo yam.”

1 Laamiiɓe 21:29

“A yi'i no Akab leesniri hoore muuɗum yeeso am na? Ngam o leesni hoore maako yeeso am, mi ukkataa sarru nder balɗe maako. Ammaa nder balɗe ɓiyiiko ukkanmi sarru dow saare maako.”

2 Laamiiɓe 17:35

Jawmiraawo haɓɓuno alkawal bee maɓɓe, umruno ɓe: “Taa kule ɗowanteeɓe woɗɓe, taa cujidane ɓe, taa kuuwane ɓe, taa kirsane ɓe.

2 Laamiiɓe 17:41

Bana non ummaatooje ɗe'e kuli Jawmiraawo, ammaa ɗe kuuwani labbi maaje boo. Yimɓe danygol maɓɓe tokki waɗugo bana non, haa wargo hannde.

2 Laamiiɓe 23:26

Ammaa Jawmiraawo accaay tikkere muuɗum saatunde. Nde saati dow Yahuuda ngam ko Manassa waɗno fuu ngam tikkingo Jawmiraawo.

2 Laamiiɓe 5:18

Ammaa Jawmiraawo yaafano yam ɗu'um: Koo ndey jaagorɗo am laamiiɗo Siriya'en nastata suudu Rimmon ɗowanteeɗo mum ngam haa o sujida, sey min boo mi sujida bana maako, ngam dow juŋngo am o tuggoto. Kanjum Jawmiraawo yaafano yam ɗum.”

2 Laamiiɓe 5:27

Saɗawre Na'aman ɗakkete, an e danygol ma haa foroy.” Nde o wurti haa maako, o ranwi tal bee saɗawre.

2 Habaruuji Nyalaaɗe 25:14

Nde Amasiya jaali Edoomi'en, o hoori ɗowanteeɓe yimɓe Se'ir, o darni ɓe haa ɓe laato ɗowanteeɓe maako. O sujidani ɓe, o wulani ɓe uurle boo.

2 Habaruuji Nyalaaɗe 7:19

Ammaa to on ngaylitake, to on acci umrooje e farillaaji ɗi umrumi on, to on njehi, on ndewi ɗowanteeɓe woɗɓe, to on cujidani ɓe,

Ayuba 21:19

Allah siganto ɓiɓɓe kiita aybe baaba na? Sey o hiito mo, kaŋko baɗɗo aybe, haa o maata ɗum!

Ayuba 5:4

Taa ɓiɓɓe maako keɓa walliinde! Ɓe hiitaaɓe haa nastirde wuro, ammaa goɗɗo kisnanɗo ɓe walaa.

Jabuura 109:14

Yaa Jawmiraawo, siftor aybeeji kaakiraaɓe maako, taa yaafa hakke daada maako!

Jabuura 78:58

Ɓe ɓernini mo bee nokkuuje maɓɓe towɗe, ɓe ummini kaajal maako bee labbi maɓɓe.

Jabuura 79:8

Taa liman min aybeeji kaakiraaɓe amin! Ammaa hinna min jonta, ngam min toskaaɓe masin!

Jabuura 81:15

law mi leestinanno konne'en maɓɓe, mi jaalotono wanyɓe ɓe,

Gurtaaki 23:24

Taa cujidane ɗowanteeɓe maɓɓe, taa ndewe ɓe, taa kuuwe irin kuuɗe maɓɓe. Ammaa ngibbine labbi ɗi'i e puse daŋraŋge maaji.

Gurtaaki 34:14

Taa cujidane ɗowanteeɗo feere, ngam Jawmiraawo mo innde muuɗum Kaajuɗo, o Allah mo yiɗaa on tokko ɗowanteeɗo feere sam.

Balndi 8:36

Ammaa luutɗo yam wonni yoŋki mum, wanyɓe yam fuu ngiɗi maayde.”

Esaaya 44:15

Ɗum laatanto goɗɗo kuɓɓirɗum. O hoo'an goɗɗum maaje, o huɓɓan ɗe ngam o aytino e o sa'ira tamseeje boo. Bee leggal luttuŋgal o sehan ɗowanteeɗo, o rewa ɗum. O waɗan lawru, o sujidanan ndu.

Esaaya 44:19

Walaa numanɗo koo gooto. Walaa anndal, walaa faamu sakko goɗɗo wi'a: “Reeta maaje ngulmi ɗe, dow ƴulɓe maaje ca'umi tamseeje e nyaancumi kusel, nyaammi. Bee luttuɗe ngaarumi huunde nyiddunde! Mi ɗon sujidana wuddere leggal!”

Yeremiya 2:9

Ngam man ngullotoomi on fahin. Mi ɗon wullo boo taaniraaɓe mooɗon.” Non Jawmiraawo wi'i.

Yeremiya 32:18

A ɗon mo'ana gide ujineeje, a ɗon hiito aybe baabiraaɓe haa ɓiɓɓe maɓɓe. An woni Allah mawɗo, baawɗo, innde ma Jawmiraawo honooɓe asama!

Ezekiyel 18:19

Ammaa onon on ɗon mbi'a: Ngam ɗume ɓiɗɗo yarataa bone ngam hakkeeji baaba mum? Ngam ɓiɗɗo waɗi gooŋgaaku e adilaaku. O ɗowtani farillaaji am fuu, o tokki ɗi bee hakkiilo. Ngam maajum o yeeɗan fakat.

Ezekiyel 18:2

“Koni on tokkoto waɗugo balndol ngo'ol nder lesdi Isra'iila, bi'anŋgol: Baabiraaɓe muri lammuɗum, nyii'e ɓikkoy mbaati?

Ezekiyel 20:7

Mi umri ɓe ngudina labbi maɓɓe nyidduɗi estanɗi ɓe, taa ɓe coɓa bee teddingo labbi Misra, ngam min woni Allah Jawmiraawo maɓɓe.

Ezekiyel 39:25

Ndaa nii Allah Jawmiraawo wi'i: “Jonta mi wartiran dahaaɓe danygol Yaakubu haa lesdi muuɗum'en, mi enɗan yimɓe Isra'iila fuu. Mi aynan innde am seniinde bee yiide haajunde.

Ezekiyel 8:3

Ɗum forti ko nanndi bee juŋngo, naŋngi gaasa hoore am. Nder wahayuuji Allah ɗi ngi'mi, Ruuhu eeŋgini yam, yahri yam hakkunde asama e lesdi, yahri yam haa Urusaliima, jippini yam haa dammugal woylawal ngal daldal haykaliiru nderwal. Haa nokkuure man, ndaa suura umminanka kaajal Jawmiraawo.

Daniyel 1:2

Jawmiraawo hokki mo Yehoyakim, laamiiɗo Yahuuda, non boo yeɓre kuuwruɗe gonɗe nder haykaliiru Allah. Nabukodonosor yahri ɗe haa suudu ɗowanteeɓe muuɗum haa lesdi Sine'ar, nastini ɗe nder ndesaari ɗowanteeɓe mum.

Daniyel 3:18

Koo to o hisnaay min boo, anndu min teddintaa ɗowanteeɓe ma, min cujidantaa suura kaŋŋeeri ka ndarnuɗa, barkaama.”

Farillaaji Lewi'en 20:5

nden kam min bee hoore am mi honan mo, kaŋko e saare maako e hawtanɓe mo fuu, ɗakkotiranɓe bee Molek. Mi nattinan ɓe caka jama'aare maɓɓe.

Farillaaji Lewi'en 26:1

Jawmiraawo wi'i: “Taa mbaɗane ko'e mon labbi, taa ndarne suuraaji cehaaɗi malla daŋraŋge malla kaa'e bee suuraaji diidaaɗi dow muuɗum'en nder lesdi mooɗon, ngam on cujidana ɗum. Min woni Jawmiraawo Allah mon.

Farillaaji Lewi'en 26:29

On nyaaman kusel ɓikkoy mon ngam daliila weelo.

Nahum 1:2

Jawmiraawo o Allah kaajuɗo, o waatoto! Jawmiraawo waatoto, o keewɗo tikkere, o waatoto wanywanyɓe maako, o yejjitittaa aybe konne'en maako!

Limle 14:18

Min Jawmiraawo, mi tikkataa law, mbooɗeeŋga am ɗuuɗi, mi munyanan tuurtol, mi yaafoto tuurtol e hakke. Ammaa mi laarataa aybuɗo bana laaɓɗo sam. Mi hiitoto aybe baabiraaɓe haa ɓiɓɓe e taaniraaɓe haa yidere tataɓre e nayaɓre.

Limle 14:33

Ɓikkoy mon laatoto waynaaɓe nder ladde duuɓi cappanɗe nayi, ɓe njaran bone daliila zunuubaaji mon haa to on fuu on mbaalake nder ladde.

Limle 25:11

“Pinehas ɓii Eli'azaaru ɓii Haruna limanjo feewtini tikkere am dow Isra'iila'en, o waŋgini kaajal am dow maɓɓe. Asee boo tikkere am haajunde halkidaay ɓe fuu.

Matta 4:9

o wi'i mo: “Ɗum fuu mi hokkete to a tuggi koppi, a sujidani yam.”

Yuhanna 15:18

To duniyaaru wanyi on, annde ndu aarti wanyugo yam min.

Yuhanna 7:7

Duniyaaru waawataa wanyugo on, ammaa ndu wanyatam min, ngam mi ɗon seedano ndu no kuuɗe maaru ɗe kalluɗe.

Yuhanna 9:2

Pukara'en maako ƴami mo: “Moodibbo, ngam ɗume gorko oo o danya o bumɗo? Ngam daliila hakke maako na? Malla ngam hakke saaro'en maako?”

Roma'en 1:30

Ɓe ɗon kallina woɗɓe, ɓe ɗon nganya Allah, ɓe toonyooɓe, mawnitittooɓe, jurotooɓe meere. Tum ɓe ɗon tefa laabi kesi ngam haa ɓe mbaɗa kuuɗe kalluɗe. Ɓe ɗowtantaako saaro'en maɓɓe.

Roma'en 8:7

Tokkiiɗo suunooji mum o konneejo Allah, ngam hakkiilo maako ɗowtantaako umroore Allah ngam ngo waawataa.

1 Korintu'en 10:22

Malla en ngiɗi ummingo kaajal Jawmiraawo na? En ɓuran mo semmbe na?

Tooktaaki Tawreeta 32:21

Ɓe ummini kaajal am bee ɗowanteeɓe ɓe laataaki Allah, ɓe mettini yam bee kuuje meereeje. Mi umminan kaajal maɓɓe bee yimɓe ɓe laataaki ummaatoore gooŋgaare. Mi mettinan ɓe bee ummaatoore faataande.

Tooktaaki Tawreeta 32:41

mi welnan kaafahi am ɗelkoohi, juŋngo am waɗa kiita. Mi waato konne'en am, mi hiitoto wanyɓe yam fuu!

Tooktaaki Tawreeta 4:24

Ngam Jawmiraawo, Allah mooɗon ɗon bana yiite wulanŋge, o yiɗaa on tokko ɗowanteeɗo feere sam.

Tooktaaki Tawreeta 5:10

Ammaa mi waɗanan yiɗɓe yam, ɗowtaniiɓe umrooje am mbooɗeeŋga haa gide ujineeje.

Tooktaaki Tawreeta 5:9

Taa sujidan ɗi, taa teddin ɗi, ngam min Jawmiraawo, Allah maaɗa, mi yiɗaa a tokko ɗowanteeɗo feere sam. Mi hiitoto aybe wanyɓe yam haa ɓiɓɓe maɓɓe, koo haa taaniraaɓe maɓɓe e jaatiraaɓe maɓɓe boo.

Tooktaaki Tawreeta 6:15

Ngam Jawmiraawo, Allah mooɗon gonɗo caka mooɗon, o Allah mo yiɗaa on tokko ɗowanteeɗo feere sam. Kakkile ngam taa on tikkina mo, nden o nattina on fuu diga lesdi.

Tooktaaki Tawreeta 7:10

Ammaa o neeɓataa waataago wanyɓe mo. Fakat o halkan koo moy ganyɗo mo.

Yaakuba 4:4

Onon yewɓe umrooje Allah! On anndaa soobrugo bee duniyaaru ɗum honugo Allah na? To on coobiri bee duniyaaru, nden kam on laatake konne'en Allah.

Yosuwa 23:16

To on piisti alkawal ngal Allah Jawmiraawo mooɗon umri on, to on ndewi ɗowanteeɓe woɗɓe, to on cujidani ɓe, nden kam tikkere Jawmiraawo saatan dow mooɗon, on kalkan law nder lesdi mboondi ndi o hokki on.”

Yosuwa 23:7

Taa njillindire bee ummaatooje luttuɗe ɗe'e caka mooɗon. Taa ewne inɗe labbi maɓɓe, taa kunore bee inɗe maaji, taa ndewe ɗi, taa cujidane ɗi.

Yosuwa 24:19

Yosuwa wi'i yimɓe ummaatoore: “On mbaawataa jagganaago Jawmiraawo, ngam o Allah ceniiɗo o yiɗaa on tokko ɗowanteeɓe woɗɓe. O munyantaa tuurtolji e hakkeeji mon.

Alkaali'en 2:19

Ammaa yaake alkaaliijo man maayi, ɓe puɗɗita waɗugo kalluɗum ko ɓuri baabiraaɓe maɓɓe. Ɓe tokki ɗowanteeɓe jananɓe, ɓe cujidani ɓe, ɓe ndewi ɓe. Ɓe accaay kuuɗe maɓɓe kalluɗe e tuurtol maɓɓe.