Gurtaaki 20:23 - Fulfulde Bible

²³ Taa mbaɗane ko'e mon labbi ɗi cardi malla kaŋŋeeri, taa kawte ɗi bee am.

Fulfulde DC Bible

²³ Taa mbaɗane ko'e mon labbi ɗi cardi malla kaŋŋeeri, taa kawte ɗi bee am.

Gurtaaki 20:23 Iomraidhean Croise

2 Laamiiɓe 17:33

Ɓe ɗon kula Jawmiraawo, ammaa ɓe ɗon cujidana ɗowanteeɓe maɓɓe boo fodde al'aada ummaatooje ɗe ɓe dahaama haa maaje.

2 Laamiiɓe 17:41

Bana non ummaatooje ɗe'e kuli Jawmiraawo, ammaa ɗe kuuwani labbi maaje boo. Yimɓe danygol maɓɓe tokki waɗugo bana non, haa wargo hannde.

Gurtaaki 32:31

Muusa lorti haa Jawmiraawo, wi'i mo: “Kayto, yimɓe ɓe'e mbaɗi hakkewol maŋngol! Ɓe mbaɗani ko'e maɓɓe ɗowanteeɗo bee kaŋŋeeri.

Gurtaaki 34:17

Taa mbaɗane ko'e mon labbi ɓolinaaɗi.

Ezekiyel 20:39

Allah Jawmiraawo wi'i: “Onon yimɓe Isra'iila, njehe, ndewe labbi mon kadi! Ammaa ɓaawo maajum, fakat on ɗowtanto yam, on meetataa soɓnugo innde am seniinde bee dokke mon e labbi mon.”

Ezekiyel 43:8

Laamiiɓe njo'ini suudu muuɗum'en baŋnge suudu am, darduɗe dammugal maɓɓe boo baŋnge darduɗe dammugal am. Mahol gootol tan senndi hakkunde am bee maɓɓe. Ɓe coɓni innde am seniinde bee kuuɗe maɓɓe nyidduɗe. Daliila tikkere am kalkumi ɓe.

Daniyel 5:23

A mawniti dow Jawmiraawo mo asama. Ɓe ngaddani ma njardukoy koy a hooci diga haykaliiru maako. An e mawɓe ma e rewɓe ma e sulaaɓe ma, on njardi inaboojam bee maakoy, on maŋgti labbi kuuwraaɗi bee kaŋŋeeri e cardi e njamndi mboɗeeri e njamndi ɓaleeri e leggal e hayre, ɗi ngi'ataa, ɗi nanataa, ɗi anndaa koo ɗume. Ammaa a teddinaay Allah jogiiɗo yoŋki ma e laabi ma fuu haa juŋngo muuɗum.

Daniyel 5:4

Ɓe njari inaboojam, ɓe maŋgti labbi kuuwraaɗi bee kaŋŋeeri e cardi e njamndi mboɗeeri e njamndi ɓaleeri e leggal e hayre.

Farillaaji Lewi'en 19:4

Taa ngaylite haa labbi, taa mbaɗane ko'e mon ɗowanteeɓe ɓe njamndi ɓolinaandi. Min woni Jawmiraawo Allah mon.

Sefaniya 1:5

Mi halkan wa'otooɓe dow soorowol ngam sujidango jayli asamanji e sujidanooɓe hunortooɓe ndego bee innde Jawmiraawo e ndego boo bee innde lawru Milkom.

Tooktaaki Tawreeta 27:15

Naaloore dow cehanɗo lawru malla baɗanɗo suura njamndi ɓolinaandi. Ngam kuuje ɗe yimɓe mbaɗi bee juuɗe muuɗum'en ngam ɓe ndewa ɗe bee sirri laati nyidduɗum yeeso Jawmiraawo. Ummaatoore fuu jaabo: Aamiina!

Tooktaaki Tawreeta 29:17

Taa goɗɗo caka mooɗon, gorko malla debbo malla saare malla lenyol, waylito acca Jawmiraawo, Allah mooɗon ngam yahugo jaggano ɗowanteeɓe ummaatooje ɗe'e. Taa goɗɗo caka mooɗon laato bana ɗaɗol puɗnanŋgol haako haaɗko, mbarooho.

Wahayu Yuhanna 22:15

Ammaa soɓɓe bana dawaaɗi, waɗooɓe hiila, daakaare'en, mbarooɓe ko'e, rewooɓe labbi, yiɗɓe pewe e fewooɓe, doole ɓe njooɗo yaasi berniwol.

Alkaali'en 17:3

Mika hokkiti daada maako ceede cardi ujineere e teemerre (1.100) go, daada maako wi'i: “Mi seni cardi ndi ngam Jawmiraawo ngam waɗugo suura cehaaka cuddiraaka cardi, ngam hayru ma. Mi lornante cardi ndi jonta.”