15 Taa wujju.
Koo moy wujji goɗɗo, koo ngam soorrugo mo, koo ngam jogaago mo, o mbareteeɗo.
Jawmiraawo ɗon wanya awnorɗum rikiciijum, ammaa poondol gooŋɗuŋgol fottanan mo.
Taa ngujje, taa pewpewtire, taa mbaɗindire rikici.
Taa ɓille goɗɗo, taa njaɓte ko o mari boo. Taa njoge ngeenaari kuuwoowo, koo jemmaare woore boo.
Jawmiraawo wi'i: “Ɓe anndaa waɗugo ko fotti, sey hebbingo ndesaaji nder cuuɗi maɓɓe cemmbiɗɗi bee waɗugo toonyaare e jaɓtol.”
Juuɗe maɓɓe anndi waɗugo kalluɗum masin. Ardiiɓe e hiitooɓe ɗon ƴama dokke, mawɓe ɗon mbaŋgina suuno muuɗum'en.
Ngam haa ɓernde neɗɗo, numooji kalluɗi e mbar-hoore e njeenu e daakaareeku e nguyka e seedamkuuji pewooji e kuudi kalluɗi iwata.
O ƴami Yeesu: “Umrooje ɗeye?” Yeesu jaabi mo: “Taa mbar-hoore, taa waɗ njeenu, taa wujju, taa seeda fewre dow goɗɗo.
O wi'i ɓe: “Ndaa ko winnda: Suudu am wi'ete suudu waɗugo do'a, ammaa onon, on laatini ndu lowol fasooɓe.”
O wi'i ɗum naa ngam o enɗi talaka'en, ammaa ngam o gujjo. Kaŋko woni jogoowo booro ceede, o ɗon wujja ceede ɗe ɓe kalfini mo.
On anndi umrooje: “Taa waɗ njeenu, taa mbar-hoore, taa wujju, taa suuna.” Umrooje ɗe'e fuu mooɓaama nder umroore woore: “Yiɗ keeddiɗɗiraawo ma bana no a yiɗiri hoore ma.”
non boo wuyɓe e suunaaɓe riba e wuykooɓe e waɗooɓe tufle e jaɓtooɓe, ɓe fuu ɓe ndonataa laamu Allah.
Laatinooɗo gujjo, taa meeta wujjugo. Sey o huuwa kuugal laaɓŋgal bee juuɗe maako, haa o wuura, o walla laafuɓe boo.
To a tawi goɗɗo wujji gooto caka banndiraaɓe mum Isra'iila'en, macciɗini ɗum malla soorri ɗum, nden kam o mbareteeɗo. Bana non ittirton halleende nde'e caka mooɗon.
Taa wujju.
Taa koo moy waɗana deerɗum aybe dow haala ka'a, taa o toskina mo. Min mbi'i on ɗum diga ɓooyma, min ndeentini on boo: Jawmiraawo hiitoto ɗum fuu.