Gurtaaki 20:14 - Fulfulde Bible

¹⁴ Taa waɗ njeenu.

Fulfulde DC Bible

¹⁴ Taa waɗ njeenu.

Gurtaaki 20:14 Iomraidhean Croise

Laataanooji 39:9

Walaa ɓurduɗo yam maŋngu nder saare nde'e. O haɗaay yam koo ɗume, sonaa an, ngam a debbo maako. Noy mi waɗata halleende mawnde nde'e, mi waɗa hakke heedi Allah?”

2 Samuyila 11:27

Nde o sudditi, Daawuda neli haa maako, hoo'i mo haa saare mum, te'i mo. Debbo oo danyani mo ɓiɗɗo gorko. Ammaa ko Daawuda waɗi, ɗum halli yeeso Jawmiraawo.

Farillaaji Lewi'en 18:20

Taa waaldu bee debbo keeddiɗɗa, ngam taa a soɓa.

Farillaaji Lewi'en 20:10

To goɗɗo waɗi njeenu bee debbo keeddiɗɗum, nden kam kaŋko e debbo ɓe mbareteeɓe ngam ɓe njeenooɓe.

Malakiya 2:15

Naa Jawmiraawo laatini on goɗɗo gooto nder ɓanndu e ruuhu na? Ɗume goɗɗo oo ɗaɓɓata? Naa heɓugo ɓikkoy koy Allah hokkata? Ngam maajum kakkilane ko'e mooɗon. Taa goɗɗo zammbo debbo sukaaku muuɗum.

Malakiya 3:5

Jawmiraawo honooɓe asama wi'i: “Mi waranan on ngam kiita. Mi yaawɗoto laataago ceedoowo dow waɗooɓe hiila e jeenooɓe e seedooɓe fewre, dow waɗanɓe huuwooɓe muuɗum'en rikici bee ngeenaari, dow toonyooɓe rewɓe yurumɓe e atiime'en, dow waɗanɓe aybe heedi jananɓe e dow yimɓe ɓe kulataa yam.”

Limle 5:12

o wi'a Isra'iila'en ni'i: “To debbo te'aaɗo waɗi aybe, o waɗi sooynde hoolaare heedi goriiko,

Matta 19:18

O ƴami Yeesu: “Umrooje ɗeye?” Yeesu jaabi mo: “Taa mbar-hoore, taa waɗ njeenu, taa wujju, taa seeda fewre dow goɗɗo.

Roma'en 13:9

On anndi umrooje: “Taa waɗ njeenu, taa mbar-hoore, taa wujju, taa suuna.” Umrooje ɗe'e fuu mooɓaama nder umroore woore: “Yiɗ keeddiɗɗiraawo ma bana no a yiɗiri hoore ma.”

Tooktaaki Tawreeta 5:18

Taa waɗ njeenu.

Ibraniŋke'en 13:4

Sey yimɓe fuu camɗina teegal, te'aaɓe boo taa mbaɗa njeenu. Allah hiitoto daakaare'en e jeenooɓe.

Yaakuba 2:11

Ngam mo wi'i: “Taa waɗ njeenu” wi'i boo: “Taa mbar-hoore.” Koo to a waɗaay njeenu, ammaa a waɗi mbar-hoore, a luuti umrooje tawreeta fuu.

Yaakuba 4:4

Onon yewɓe umrooje Allah! On anndaa soobrugo bee duniyaaru ɗum honugo Allah na? To on coobiri bee duniyaaru, nden kam on laatake konne'en Allah.

Wahayu Yuhanna 21:8

Ammaa hulɓe, sooya-nuɗɗinki'en, waɗooɓe ko nyiddi, mbarooɓe ko'e, daakaare'en, waɗooɓe hiila, rewooɓe labbi e fewooɓe fuu, geɗal maɓɓe laatoto nder weendu wulanndu bee yiite e baruudu. Kanjum woni maayde ɗiɗawre.”