Gurtaaki 19:5 - Fulfulde Bible

⁵ Jonta, to on nanani yam fakat, to on ɗowtanake alkawal am, nden kam on laatoto ummaatoore am yiɗaande caka ummaatooje fuu, koo nde duniyaaru fuu, min jeyi.

Fulfulde DC Bible

⁵ Jonta, to on nanani yam fakat, to on ɗowtanake alkawal am, nden kam on laatoto ummaatoore am yiɗaande caka ummaatooje fuu, koo nde duniyaaru fuu, min jeyi.

Gurtaaki 19:5 Iomraidhean Croise

Laataanooji 17:9

Allah wi'i Ibrahiima fahin: “An, hakkilan alkawal am, an e danygol maaɗa ɓaawo ma, nder gide maɓɓe fuu.

1 Laamiiɓe 8:53

Ngam an suɓi min caka ummaatooje duniyaaru fuu ngam haa min ngona ummaatoore ma, bana a wi'no bee hunnduko jaggiiɗo ma Muusa, nde a wurtini baabiraaɓe amin lesdi Misra.”

1 Habaruuji Nyalaaɗe 17:22

A laatini yimɓe ma Isra'iila'en ummaatoore ma haa foroy, yaa Jawmiraawo, an boo, a laati Allah maɓɓe.

Ayuba 41:11

Haa nder hunnduko maaga jame ngurtoto, pete yiite ɗon njammito diga hunnduko.

Ayuba 41:3

Moy waɗi konu bee maaga, nden o dilli jam? Irin maako les asama fuu walaa sam!

Jabuura 135:4

Jawmiraawo suɓani hoore mum Yaakubu, yimɓe Isra'iila ɓe yiɗaaɓe maako.

Jabuura 24:1

Yimre Daawuda. Jawmiraawo mari lesdi e ko hebbini ndi fuu, non boo duniyaaru e jooɗiiɓe nder maaru fuu.

Jabuura 25:10

Laabi Jawmiraawo fuu ɗi booɗɗi e gooŋɗuɗi ngam ɗowtaniiɓe alkawal e seedamkuuji maako.

Gurtaaki 15:26

O wi'i ɓe: “Min woni Jawmiraawo, Allah mooɗon. Fakat to on ɗowtanake yam bee waɗugo ko fottani yam, to on nani umrooje am e on ɗowtanake farillaaji am fuu, nden kam mi ukkantaa on nyawuji ɗi mi ukkani Misra'en. Ngam min woni Jawmiraawo, kurgoowo on.”

Gurtaaki 23:22

To on ɗowtanake mo booɗɗum, to on mbaɗi ko mi wi'i on fuu, mi honan konne'en mon, mi dartanto dartantooɓe on.

Gurtaaki 24:7

Ɓaawo man o hoo'i deftere alkawal, o jaŋngi nde yeeso ummaatoore. Isra'iila'en mbi'i: “Ko Jawmiraawo wolwi fuu, min mbaɗan ɗum, min ɗowtanto mo.”

Gurtaaki 34:9

O wi'i: “Yaa Jawmiraawo, to a yerdake yam, yah caka amin, koo nde yimɓe ummaatoore nde'e ɓe saata-ko'e'en. Yaafa aybeeji amin e hakkeeji amin. Jaɓ min, min laato maral ma!”

Gurtaaki 6:7

Mi laatinan on ummaatoore am, mi laatoto Allah mooɗon. On anndan min woni Jawmiraawo Allah mon, mo wurtini on diga kuugal Misra'en caatuŋgal.

Gurtaaki 8:22

Muusa jaabi: “Fottaay min mbaɗa bana non, ngam ko min lii'anto Jawmiraawo Allah amin, ɗum karamɗum haa Misra'en. To min ɗonno kirsa yeeso Misra'en ko woni karamɗum haa maɓɓe, ɓe piɗataano min bee kaa'e na?

Gurtaaki 9:29

Muusa wi'i: “To mi wurtake berniwol, mi weeɗan juuɗe am heedi Jawmiraawo. Nden diggaali timman, mallimallooje boo njinnan, haa a annda Jawmiraawo mari duniyaaru.

Yimre Suleymaanu 8:12

Ngesa inabooje am, min jeyi! Ka ɗon yeeso am. An, Suleymaanu, ndaa ceede cardi ujineere, non boo remooɓe teemeɗɗe ɗiɗo.

Esaaya 1:19

To on njaɓi ɗowtanaago yam, on nyaaman ɓurɗum wooɗugo haa lesdi.

Esaaya 41:8

Ammaa an, Isra'iila, suka am, Yaakubu mo cuɓmi ɗum, danygol soobaajo am Ibrahiima,

Esaaya 43:1

Ammaa jonta, an Isra'iila, danygol Yaakubu, ndaa nii Jawmiraawo tagɗo ma wi'i: “Taa hul, mi rimɗini ma, mi ewni ma bee innde ma, an min jeyi.

Esaaya 56:4

Ngam Jawmiraawo wi'i sortaaɓe: “To on kakkilani nyalɗe ciwtorɗe am, to on mbaɗi ko fottani yam, to on tabiti nder alkawal am,

Yeremiya 10:16

Ammaa Allah laatiiɗo geɗal Yaakubu laataaki bana non. Kaŋko woni tagɗo kuuje fuu, o suɓi Isra'iila'en ɓe laato yimɓe maral maako. Innde maako Jawmiraawo honooɓe asama.

Yeremiya 13:11

Bana no goɗɗo taadori keeci mum bee taadorgol, non taadoriimi yimɓe Isra'iila e Yahuuda fuu haa am, haa ɓe laato ummaatoore am, ɓe mbaŋgina maŋngu, ɓe maŋgta innde am, ɓe teddina nde, ammaa ɓe nanaay.”

Yeremiya 7:23

Ammaa mi umri ɓe ɓe ɗowtano yam, haa mi laato Allah maɓɓe, kamɓe boo ɓe laato ummaatoore am. Mi umri ɓe boo ɓe tokko laawol ngol umrumi ɓe tokkaago fuu, haa ɓe keɓa hayru.

Ezekiyel 16:8

Kadiboo mi saali, mi laari ma. Mi yi'i a heewti, a he'i te'eego. Mi we'iti alkibbaare am dow maaɗa ngam wiirnugo temmbuki ma. Nden mi hunani ma, mi haɓɓi alkawal bee ma, a laati te'aaɗo am.” Non Allah Jawmiraawo wi'i.

Farillaaji Lewi'en 20:24

Mi wi'i on: Onon on maran lesdi keewndi kosam e njumri, mi marnan on ndi. Min woni Jawmiraawo Allah mon, mi senndi on bee ummaatooje goɗɗe.

Amos 3:2

“Sey onon tan cuɓmi caka ummaatooje duniyaaru fuu. Ngam maajum kiitotoomi on ngam aybeeji mooɗon fuu.”

Amos 6:1

“Bone laatanto on, onon neeminiiɓe haa Siyona e hoolɗiniiɓe dow hooseere Samariya, mawɓe nder ummaatoore ɓurnde mawnugo. Isra'iila'en ɗon njaha haa mooɗon!

Malakiya 3:17

Jawmiraawo honooɓe asama wi'i: “Kamɓe ɓe laatoto yiɗaaɓe am nder nyalaade nde taaskitinanmi. Mi enɗan ɓe, bana baaba enɗirta ɓiyum jaggantooɗo ɗum.

1 Korintu'en 10:26

Ngam deftere wi'i: “Jawmiraawo mari lesdi e ko hebbini ndi fuu.”

1 Korintu'en 10:28

Ammaa to goɗɗo wi'i on: “Kusel nge'el iwi haa ndabbaawa kirsanaaŋga labbi”, nden kam taa nyaame ngel, ngam daliila anndinɗo on ɗum, non boo ngam daliila numo ɓernde.

Tooktaaki Tawreeta 10:14

Ndaa, Jawmiraawo, Allah mooɗon mari asamanji, koo ɓurɗi towugo boo. Lesdi e ko woni dow maari fuu, kaŋko jeyi.

Tooktaaki Tawreeta 11:27

Barka laatanto on, to on ɗowtanake umrooje Jawmiraawo Allah ɗe umranmi on hannde.

Tooktaaki Tawreeta 14:2

Ngam onon, on ummaatoore senaande ngam Jawmiraawo, Allah mooɗon. Jawmiraawo suɓi on nder ummaatooje duniyaaru fuu ngam on laato ummaatoore maako yiɗaande.”

Tooktaaki Tawreeta 14:21

Taa nyaame caaɗŋgu. Ndokke ɗum jananɓe wonduɓe bee mooɗon, ɓe nyaama ɗum malla coorre ɗum jananɓe feere. Ammaa onon on ummaatoore senaande ngam Jawmiraawo, Allah mooɗon. Taa ndefe jawgel nder kosam daada maagel.”

Tooktaaki Tawreeta 26:18

Hannde Jawmiraawo wi'i on, on laatake ummaatoore maako yiɗaande, bana o hunani on, o umri on on ɗowtano umrooje maako fuu,

Tooktaaki Tawreeta 26:19

kaŋko boo o ɓaŋgtan on dow ummaatooje ɗe o tagi fuu, o samɗinan on, o darjiɗinan on masin yeeso maaje, ngam on laatake ummaatoore senaande ngam Jawmiraawo, Allah mooɗon, bana o wolwi.

Tooktaaki Tawreeta 28:1

Muusa tokki wi'ugo: “To on kakkilani bolle Jawmiraawo, Allah mooɗon, to on ɗowtanake umrooje maako ɗe umranmi on hannde fuu, nden kam Jawmiraawo, Allah mooɗon yowan on dow ummaatooje duniyaaru fuu.

Tooktaaki Tawreeta 28:9

To on ɗowtanake umrooje Jawmiraawo, Allah mooɗon, to on tokkake laabi maako fuu, nden kam o tabitinan on haa on laato ummaatoore maako senaande, bana o hunani on.

Tooktaaki Tawreeta 4:20

Ammaa onon, Jawmiraawo hooci on, wurtini on nder ɓolinirde njamndi nde lesdi Misra, ngam on laato ummaatoore maako e maral maako, bana no on mba'i hannde.

Tooktaaki Tawreeta 5:2

Jawmiraawo, Allah meeɗen haɓɓi alkawal bee meeɗen haa hooseere Horeb.

Tooktaaki Tawreeta 7:6

Ngam onon on ummaatoore senaande ngam Jawmiraawo, Allah mooɗon mo suɓi on haa on laatano mo ummaatoore yiɗaande caka ummaatooje gonɗe nder duniyaaru fuu.

Tooktaaki Tawreeta 9:29

Ammaa kamɓe ngoni ummaatoore ma, maral ma, ɓe ngurtinɗa lesdi Misra bee baawɗe ma mawɗe e juŋngo ma fortaaŋgo.”

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Ibraniŋke'en 11:8

Bee nuɗɗinki, Ibrahiima ɗowtani Allah nde Allah ewni mo o yaha haa lesdi ndi Allah wi'no hokkanno mo, o rona. O dilli bilaa anndugo haa o yahata.

Ibraniŋke'en 8:9

“Ngal nanndataa bee alkawal ngal kaɓɓumi bee kaakiraaɓe maɓɓe, nyannde mi naŋngi ɓe juŋngo, mi wurtini ɓe lesdi Misra, nde ɓe tabitaay nder alkawal ngal mi haɓɓuno bee maɓɓe, ngam maajum mi faalaay ɓe min boo.” Non Jawmiraawo wi'i.

Yosuwa 24:24

Yimɓe ummaatoore mbi'i Yosuwa: “Jawmiraawo Allah meeɗen min njagganto, min ɗowtanan boo wolde maako.”

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.