Gurtaaki 19:17 - Fulfulde Bible

¹⁷ Muusa wurtini ɓe saŋngeere ngam ɓe ɓadito Allah. Ɓe ndari les hooseere.

Fulfulde DC Bible

¹⁷ Muusa wurtini ɓe saŋngeere ngam ɓe ɓadito Allah. Ɓe ndari les hooseere.

Gurtaaki 19:17 Iomraidhean Croise

Gurtaaki 19:13

Koo ɗum goɗɗo malla ndabbaawa, ɓe accataa yeeɗa. Ammaa taa goɗɗo meema ɗum: Ɓe piɗan ɗum bee kaa'e malla bee kuri. Sey to yimɓe nani sawtu luwal, ɓe mba'o dow hooseere.”

Gurtaaki 19:16

Nyannde tataɓre nde weeti, pelmaali e ma'e e ruulde tekkunde ngaɗi dow hooseere e hoolo luwal semmbiɗŋgo masin. Yimɓe ummaatoore woɗɓe nder saŋngeere fuu ndiwni.

Gurtaaki 19:18

Hooseere Sina fuu suuri cuurɗe, ngam Jawmiraawo jippi dow maare nder yiite. Cuurɗe man eeŋgi dow bana cuurɗe ɓolinirde. Hooseere fuu dimmbi masin.

Farillaaji Lewi'en 9:5

Ko Muusa umri ɓe, ɓe ngaddi ɗum fuu yeeso laymaaru fottirde. Jama'aare fuu mooɓi ton, dari yeeso Jawmiraawo.

Kuuɗe Nelaaɓe 7:38

Yaake jama'aare ɗonno nder ladde, kaŋko laati dariiɗo hakkunde kaakiraaɓe meeɗen e malaa'ikaajo bolwanɗo mo haa hooseere Sina. Ton o jaɓi bolle ngeendam haa o hokka en ɗe.

Tooktaaki Tawreeta 4:10

haala nyalaade nde ndariiɗon yeeso Jawmiraawo, Allah mooɗon haa Horeb, nde Jawmiraawo wi'i yam: Mooɓtu yimɓe ummaatoore haa ɓe nana ko mbolwanmi ngam haa ɓe ekkito hulugo yam balɗe maɓɓe fuu haa duniyaaru, ɓe ekkitina ɗum ɓikkoy maɓɓe.

Tooktaaki Tawreeta 4:11

Nyalaade nde'e, on ɓaditi, on ndari les hooseere suddiraande duule tekkuɗe e cuurɗe ɓaleeje, jammitiinde yiite haa yotti asamanji go.

Tooktaaki Tawreeta 5:5

Min mi ɗonno dari hakkunde mooɗon bee Jawmiraawo saa'i man, ngam mi anndina on ko Jawmiraawo wi'i. Ngam on kuli yiite, on mba'aaki hooseere. O wi'i: