Gurtaaki 15:16 - Fulfulde Bible

¹⁶ Kulol maŋngol ukki dow maɓɓe. Ngam maŋngu baawɗe ma ɓe ndari siriw bana kaa'e, saa'i ummaatoore ma eeri, yaa Jawmiraawo, haa ummaatoore laatiinde maral ma eeri.

Fulfulde DC Bible

¹⁶ Kulol maŋngol ukki dow maɓɓe. Ngam maŋngu baawɗe ma ɓe ndari siriw bana kaa'e, saa'i ummaatoore ma eeri, yaa Jawmiraawo, haa ummaatoore laatiinde maral ma eeri.

Gurtaaki 15:16 Iomraidhean Croise

Laataanooji 35:5

Ɓe ummi, Allah waɗi kultoreeŋgol dow gure taariiɗe ɓe fuu, ngam taa ɓe tasna ɓiɓɓe Yaakubu.

2 Samuyila 7:23

Walaa ummaatoore feere haa duniyaaru bana yimɓe ma Isra'iila'en. An sootti ɓe ngam haa ɓe laato yimɓe ma. A huuwi kuuɗe mawɗe kulniiɗe ngam maɓɓe e ngam lesdi ma, bana nii a teddiniri innde ma. A rimɗini ɓe diga lesdi Misra, a riiwi ummaatooje goɗɗe e ɗowanteeɓe maaje yeeso maɓɓe haa ɓe laato jeyaaɓe ma.

Jabuura 105:38

Misra'en ceyori gurtaaki maɓɓe, ngam ɓe kuli Isra'iila'en.

Jabuura 74:2

Siftor yimɓe ma ɓe cuɓanɗa hoore ma diga ɓooyma, ɓe coottuɗa, laatiiɓe maral ma. Siftor hooseere Siyona boo nde mbaɗɗa joonde ma.

Jabuura 89:14

An mari baawɗe e semmbe, juŋngo ma nyaamo jaaloto.

Gurtaaki 11:7

Ammaa haa Isra'iila'en, koo rawaandu wohataa yimɓe malla dabbaaji, ngam haa anndon Jawmiraawo senndindiri Misra'en bee Isra'iila'en.”

Gurtaaki 15:13

A rimɗini ummaatoore ma! Bee mbooɗeeŋga ma a ɗowi nde. A ɗowi nde bee baawɗe ma haa jooɗorde ma seniinde.

Gurtaaki 15:5

Ndiyamji lugguɗi moɗi ɓe, ɓe njippi nder luggeeŋga bana kaa'e!

Gurtaaki 15:6

Nyaamo ma, yaa Jawmiraawo, mari tedduŋgal e baawɗe! Nyaamo ma, yaa Jawmiraawo, sampiti konne'en ma!

Gurtaaki 18:8

Muusa limtani esum ko Jawmiraawo waɗi Firawna e Misra'en ngam daliila Isra'iila'en, non boo haala torraaji keɓɗi ɓe dow laawol e no Jawmiraawo hisniri ɓe boo.

Gurtaaki 20:2

“Min woni Jawmiraawo Allah maaɗa, gurtinɗo ma njeyaaŋgu haa lesdi Misra.

Gurtaaki 23:20

“Ndaa, mi ɗon nela malaa'ikaajo haa yeeso mooɗon o ayna on dow laawol, o ɗowa on haa nokkuure nde mi taaskitinani on.

Gurtaaki 23:22

To on ɗowtanake mo booɗɗum, to on mbaɗi ko mi wi'i on fuu, mi honan konne'en mon, mi dartanto dartantooɓe on.

Gurtaaki 23:27

Mi nelan kultoreeŋgol am haa yeeso mon, mi jiiɓan hakkiilooji ummaatooje ɗe on njotti haa maaje fuu. Mi lornan konne'en mon fuu ɓaawo ngam doggugo yeeso mooɗon.

Gurtaaki 6:7

Mi laatinan on ummaatoore am, mi laatoto Allah mooɗon. On anndan min woni Jawmiraawo Allah mon, mo wurtini on diga kuugal Misra'en caatuŋgal.

Esaaya 51:10

Naa an ɓeeɓni mbeela, ndiyamji ilam lugguɗam, a waɗi laawol dow ndiyamji lugguɗi, haa hisnaaɓe ma caalo?

Esaaya 63:12

mo baawɗe muuɗum mawɗe ɗonno haa nyaamo Muusa, mo seeki ndiyamji yeeso maɓɓe, haa o waɗani hoore maako innde duumiinde?

Yeremiya 31:11

Ngam Jawmiraawo sootti yimɓe Yaakubu, rimɗini ɓe diga juŋngo ɓurɗo ɓe semmbe.

Ezekiyel 16:8

Kadiboo mi saali, mi laari ma. Mi yi'i a heewti, a he'i te'eego. Mi we'iti alkibbaare am dow maaɗa ngam wiirnugo temmbuki ma. Nden mi hunani ma, mi haɓɓi alkawal bee ma, a laati te'aaɗo am.” Non Allah Jawmiraawo wi'i.

Kuuɗe Nelaaɓe 20:28

Ayne ko'e mooɗon! Ayne tokkere nde Ruuhu Ceniiɗo halfini on! Bana waynaaɓe, ayne jama'aare nuɗɗinɓe Allah, nde o heɓri bee ƴiiƴam Ɓiɗɗo maako ndufaaɗam.

Tooktaaki Tawreeta 11:25

Walaa mo dartoto yeeso mooɗon. Jawmiraawo, Allah mooɗon waɗan kultoreeŋgol dow yimɓe lesdi man fuu haa ɓe kula on, bana o wi'i on.

Tooktaaki Tawreeta 2:25

Hannde puɗɗanmi hulnugo yimɓe ummaatooje koo toy nder duniyaaru fuu ngam daliila mooɗon. To ɓe nani habaru mon, ɓe ndiwnan ngam kulol.”

Tooktaaki Tawreeta 2:4

Umru yimɓe ummaatoore ni'i: On caaloto nder lesdi banndiraaɓe mooɗon danygol Isuwa jooɗiiɓe haa Se'ir. Ɓe kulan on, ammaa kakkile booɗɗum,

Tooktaaki Tawreeta 32:6

Bana non ngettirton Allah na? Onon faataaɓe ɓe ngalaa hakkiilo! Naa kaŋko woni Baabiraawo mooɗon, tagɗo on, tabitinɗo on haa on laato ummaatoore?

Tooktaaki Tawreeta 32:9

Ngam Jawmiraawo suɓi Isra'iila laatini ɗum ummaatoore muuɗum e maral muuɗum.

Titus 2:14

Kaŋko o hokki yoŋki maako ngam meeɗen ngam haa o sootta en diga halleende fuu, o laɓɓini en haa en laato ummaatoore maako suɓaande, tiinotooɓe huuwugo kuuɗe booɗɗe.

Yosuwa 2:9

O wi'i ɓe: “Mi anndi Jawmiraawo hokki on lesdi ndi. Haala mooɗon hulni min masin, ɓerɗe yimɓe lesdi ndi fuu ta'i.

Yosuwa 4:24

O waɗi ɗum ngam haa ummaatooje duniyaaru fuu annda baawɗe Jawmiraawo mawɗe, onon boo on kula Allah Jawmiraawo mon haa foroy.”

1 Piyer 2:9

Ammaa onon ngoni asŋgol cuɓaaŋgol, liman'en laamiiɗo, yimɓe ummaatoore seniinde. Allah wurtini on nyiɓre, yahri on haa annoora maako kayɗiniika. O suɓi on haa on ngaazina kuuɗe maako booɗɗe.

2 Piyer 2:1

Bana no fewooɓe wi'anɓe ɓe annabi'en ɗon caka yimɓe naane, non fewooɓe wi'anɓe ɓe ekkitinooɓe ngonan caka mooɗon. Ɓe ngaddan ekkitinol fewre, kalkowol, ɓe ngeddan maa Jawmiraawo mo hisni ɓe. Ngam maajum halkere heɓan ɓe law.

1 Samuyila 2:9

Jawmiraawo ɗon ayna kosɗe hoolaaɓe mum, ammaa halluɓe majjan nder nyiɓre. ngam neɗɗo waawataa heɓugo jaalorgal bee semmbe muuɗum.

1 Samuyila 25:37

Jaŋngo maajum fajiri, nde wuykere acci mo, Abigayel anndini mo ko waɗi. Nde o nani ɗum, ɓernde maako yoori nder maako, laati bana hayre.